4 კითხვა, 4 პასუხი და 2 სიურპრიზი

სკოლის დაწყების პირველი დღე მაღალ კლასთან საკმაოდ რთულია,მათ აღარ აინტერესებთ გაცვეთილი კითხვები იმის შესახებ, თუ როგორ გაატარეს ზაფხული.ვერც ზღაპრის გმირებად ვაქცევთ მარტივად და განწყობის შექმნაც ურთულესია. რამდენ კლასშიც გვიწევს პირველი გაკვეთილის ჩატარება, იმდენ სიახლეს ვეძებთ და იმდენი რესურსის დამზადება გვიწევს. გთავაზობთ იდეას, რომელსაც პირობითად დავარქვი : ,,4 კითხვა, 4 პასუხი და 2 სიურპრიზი“.

ზარის დარეკვამდე დაფაზე მოვათავსოთ 6 თაბახის ფურცელი,დაახლოებით ასეთი:

<

3

)

 

 

 

 

 

დავამაგროთ დაფაზე დაახლოებით ასე:

 

    1          2

       3

   4          5 

       6

 

 

ფურცლებზე რა წერია არ ჩანს,როცა გამოიცნობენ, მაშინ გადმოვატრიალებთ.

პირველი ფურცელი შეესაბამება < ნიშანს, მეორე ციფრ 3-ს, მესამე =-ის ნიშანს, მეოთხე )-ს. ბოლო ორ ფურცელზე გამოსახულია  და . პირველი 4 ფურცელი არის სათაურში ნახსენები 4 პასუხის შესაბამისი, ხოლო სიყვარული და ღიმილი არის სწორედ ის 2 სიურპრიზი, რომელიც ამ პასუხების წყვილად შეერთებით მიიღება. მოსწავლეებმა იციან, რომ <3 ნიშნავს სიყვარულს და =) ღიმილს გამოსახავს. შეიძლება მათ შორის ყველა არ იყოს ინტერნეტის და სოციალური ქსელების მომხმარებელი, მაგრამ ვიღაც აუცილებლად იქნება და მათ ვათქმევინოთ, რა არის მოთავსებული ბოლო 2 ფურცელზე. გადმოვაბრუნოთ  და ვთხოვოთ მათ, უყვარდეთ ერთმანეთი, ამ საკლასო ოთახში იყოს ურთიერთპატივისცემა და ღიმილი. ზარის დარეკვამდე შეიძლება ვინმეს სურვილი გავუჩინოთ, თქვას, რომელი იყო მისთვის ყველაზე ღიმილიანი და კარგი დღე. პოზიტიურად დავასრულოთ გაკვეთილი. შეგვიძლია, ჯერ ჩვენ გავიხსენოთ, რომელი იყო ყველაზე ღიმილიანი და სიკეთით სავსე დღე. ისინიც აუცილებლად გამოთქვამენ სურვილს, თავადაც გაიხსენონ ასეთი დღეები.

თავდაპირველი 4 კითხვა ისე უნდა შევარჩიოთ,რომ პასუხები იყოს <, 3, =  და ).

მაგალითად:

  • 2x+5(7x+8)<30x+40 უტოლობიდან გამომდინარე, მეტია თუ ნაკლები ნულზე x?
  • ამოხსენით x2-5x+6=0 განტოლება და დაასახელეთ მისი უდიდესი ამონახსნი.
  • შეადარეთ 4sin900  და 8cos600. დააფიქსირეთ ერთი პაუხი შემდეგი ვარიანტებიდან:

ა) =           ბ) <            გ) >

  • რა აკლია 2x+5(7x+8 მაგალითს, როცა x=3-ს მისი გამოთვლა შესაძლებელი რომ გახდეს?

სწორი პასუხი თაბახის ფურცელზე წერია და მას აუცილებლად გადმოვატრიალებთ მაშინვე. ოთხივე პასუხის გადმოტრიალების შემდეგ ვთხოვოთ, ერთად  დავაწყვილოთ ეს პასუხები და ვივარაუდოთ, რა შეიძლება იყოს საბოლოო პასუხი.

ამ ტიპის ბევრი კითხვის დასმა შეიძლება, გააჩნია კლასს და მზაობას.

პირველად მსგავსი მეთოდი გამოვიყენე იმ მეთორმეტე კლასის ბოლო გაკვეთილზე, რომელსაც 8 წელი ვასწავლიდი. მათივე ინიციატივით ეს ბოლო შეხვედრა გადავიღეთ. მათ არ იცოდნენ, რას ვეტყოდი და ეს უბრალოდ სამახსოვრო კადრები იყო, რომელიც მოეწონათ და საზოგადოებამაც იხილა და მოგვიანებით ჩემს საკუთარ გვერდზეც ავტვირთე.

( https://www.facebook.com/100007236253088/videos/1890281427889714/ )

 

ამ მეთოდის მოდიფიკაცია, გადაკეთება მარტივია. ბევრ თემასაც ერგება. შედეგად კი პირველი გაკვეთილი სასიამოვნო იქნება მათთვის. ერთადერთი, რამაც შეიძლება ხელი შეგვიშალოს,  რთული კითხვებია, რომელიც შეიძლება არ ახსოვდეთ და ვეცადოთ, ამ დასაწყისისთვის გავითვალისწინოთ, რა შეიძლება არ ახსოვდეთ სწავლის დაწყების პირველ დღეს.

 

 

კომენტარები

comments