ბავშვობაში ყოველთვის დიდი ინტერესით ვათვალიერებდი ძველ საოჯახო ალბომს, რომელიც ბებიაჩემს კარადაში საგულდაგულოდ ჰქონდა გადამალული. ერთი სული მქონდა, როდის დავრჩებოდი შინ მარტო, რომ ძველი ფოტოების თვალიერებით და მათ შესახებ ჩემივე გამოგონილი ისტორიებით დავმტკბარიყავი. სწორედ ამ ფოტოებმა აღმიძრა სურვილი, ფოტოგრაფიისთვის მომეკიდა ხელი. ახლა საოცრად არ მიყვარს დადგმული სცენები საგანგებოდ გალამაზებული, სახეზე ღიმილაკრული ადამიანებით, მაგრამ მომავალში ასეთი ფოტოები საოცარი ინტერპრეტაციის საშუალებას იძლევა, ბევრ რამეს გვიყვება წარსულზე, იმ დროის ესთეტიკასა და ადამიანებზე.
ბებიაჩემის ფოტოალბომში ჩემს განსაკუთრებულ ყურადღებას იპყრობდა დედაჩემის, ბიძებისა და დეიდების ჯგუფური სასკოლო ფოტოები, საიდანაც ჩემკენ იყო მოპყრობილი უამრავი უცნობი ადამიანის მზერა. სრულიად სხვადასხვანაირი გარეგნობის, გამომეტყველებისა და ბიოგრაფიის ადამიანებისა. მგონი, ჩვენს დროშიც ჯერ კიდევ ყველა სასწავლებელშია სასკოლო ალბომისა თუ კლასის ერთობლივი ფოტოს გადაღების ტრადიცია. დარწმუნებული ვარ, ყველას მოგეპოვებათ შინ ასეთი ფოტოები, რომლებიც, ჩემი აზრით, ჩვენი სკოლებისა და ქალაქების ისტორიის ძალიან საინტერესო წყაროს წარმოადგენს. ეს ფოტოსურათები აცოცხლებენ წარსულს და საოცრად ამდიდრებენ ჩვენს ცოდნას მის შესახებ, მეტად ხელშესახებს ხდიან გარდასული ეპოქების სულისკვეთებას.
ვცადე, სხვადასხვა დროს სხვადასხვა ქვეყანაში გადაღებული ასეთი ფოტოები შემეკრიბა თქვენთვის. ისტორიულ წყაროდ, სასწავლო რესურსად თუ არ გამოიყენებთ, მათი თვალიერებით ქვეყნებს, ხალხებსა და ეპოქებს მაინც შეიცნობთ, თვალნათლივ დაინახავთ მათ საგანმანათლებლო სისტემასა და პოლიტიკას.
ზუგდიდის რაიონის სოფელ ანაკლიის საშუალო სკოლა, 1952 წ.
იაპონია, 1935 წ.
ოსმალეთის იმპერია, სამედიცინო სკოლა, 1904 წ.
პაკისტანი, 2012 წ.
ბრაზილია, 1930 წ.
ზიმბამბვე, 2013 წ.
ინდოეთი, 1981 წ.
ამერიკა, 1956 წ.
ფინეთი, 1929 წ.
საბჭოთა კავშირი – რუსეთი, 1941 წ.
ავსტრალია, 1960 წ.
ქუთაისის კლასიკური გიმნაზია, 1883 წ. მესამე რიგში მარცხნიდან მე-3 – ექვთიმე თაყაიშვილი
%202008.jpg)
ნიგერია, 2008 წ.
სინგაპური, 1993 წ.
ამერიკა, 1946 წ.
სოფელ ჭოგნარის სკოლა, 1980-იანი წლები.
მალაიზია, გოგონათა ჩინური სკოლა, 2011 წ.
ამერიკა, ქალბატონ ლამონტის სკოლა, 1893 წ.
ირანი, 1930 წ.
ირანი, 2010 წ.
