ონლაინრესურსების უპირატესობა გეოგრაფიის სწავლებისას

 ტექნოლოგიებმა  ადამიანების ყოველდღიური ცხოვრება შეცვალა. ინტერნეტი წარმოადგენს შესაძლებლობას – მასწავლებელმა   გაკვეთილები გაამდიდროს  მრავალფეროვანი და საინტერესო ინტერნეტრესურსების გამოყენებით.  შეგვიძლია  მოსწავლეებს  მივცეთ წვდომა გეოგრაფიული ინფორმაციის მთელ რიგ წყაროებზე, რათა მათთვის უფრო საინტერესო და მიმზიდველი გახდეს  საგანი.

ეროვნული სასწავლო გეგმის სწავლა-სწავლების მიზანია, მოსწავლეს განუვითროს გამჭოლი კომპეტენციები, ღირებულებები, ციფრული უნარები.  დღეს აქტუალურია ინფორმაციული და საკომუნიკაციო ტექნოლოგიების გამოყენება. დაწყებული  ქსელური ძიებიდან, ინფორმაციის გავრცელებამდე.

სასწავლო პროცესის დაგეგმვისას,მრავალი საინტერესო აქტივობა შეიძლება მოიფიქროს  მასწავლებელმა ამ კომპეტენციის განვითარებისათვის, ერთ-ერთი კი გახლავთ  ონლაინ ინსტრუმენტების გამოყენება საგაკვეთილო პროცესში.   ციფრული და ინტერაქტიული ინსტრუმენტებით განხორციელებული აქტივობები ზრდის მოსწავლეთა კონცენტრაციას,ამ ტიპის ხელსაწყოები მოსწავლეებს  თეორიული ცოდნის პრაქტიკაში გამოყენებას უწყობს ხელს.მასწავლებელს შეუძლია ციფრული რესურსები გამოიყენოს მოსწავლეების  მრავალფეროვანი საჭიროებებისა და ინტერესების გათვალისწინებით, რაც უზრუნველყოფს მათ აქტიურად ჩართულობას სასწავლო პროცესში, ხელს უწყობს გეოგრაფიული მოვლენების თვალსაჩინოდ წარმოჩენას , მასწავლებელს შეუძლია მიაწოდოს მოსწავლეებს ინსტრუქციები , რათა  დამოუკიდებლად  შექმნან სასწავლო რესურსი.

წარმოგიდგენთ სხავადასხვა  პროგრამაში ჩემს მიერ შექმნილ  ელექტრონულ რესურსს.

playposit.com  არის ინტერაქტიული ვიდეო ინსტრუმენტი, რომელიც მასწავლებლებს საშუალებას აძლევს, შექმნან   და გააზიარონ ინტერაქტიული ვიდეო- გაკვეთილები, რომელიც ხელს უწყობს მოსწავლეთა ინტერაქციას და საკითხის ღრმად გააზრებას, ვიდეოს მიმდინარეობის დროს, შეგიძლიათ დასვათ კითხვები, ჩაატაროთ გამოკითხვა, არჩევით პასუხებიანი დავალებები მისცეთ მოსწავლეებს, და ა.შ. გიზიარებთ ჩემს მიერ შექმნილ რესურსს თემაზე :“ მდგრადი განვითარების მიზნები“, რომელიც შეიძლება გამოიყენოს ნებისმიერი საგნის მასწავლებელმა მდგრადი განვითარების მიზნების საკითხის  შესწავლისას.    https://app.playpos.it/go/share/1919633/1643782/0/0/——Sustainable-Development-Goals-SDGs

ამავე ინსტრუმენტში შექმნილი მაქვს რესურსი- , „ნარჩენების მართვა“ -რომელიც გამოიყენება გეოგრაფიაში   მე-10 კლასში თემა- „რესურსების გამოყენების და მართვის გლობალური კანონზომიერებები“ , მე-9 კლასში  სამოქალაქო განათლებაში- „გარემოს დაცვის“ თემის შესწავლის დროს, მე- 7 კლასში მოქალაქეობაში თემის-„გარემოსა და კულტურული მემკვიდრების დაცვა“   და ბუნებისმეტყველების საგნის სწავლებისას  https://app.playpos.it/go/share/1922092/1643782/0/0/–

ხელოვნურ ინტელექტს  განათლების სფეროში  დიდი ადგილი უკავია, იგი ეხმარება პედაგოგს, გაამრავალფეროვნოს სასწავლო პროცესი, ხელოვნური ინტელექტს აქვს უსაზღვრო შესაძლებლობები, ერთ-ერთი მათგანია აალაპარაკე სურათი, შეიძლება იყოს თქვენs მიერ შექმნილი სურათი და ასევე, შეგვიძლია გამოვიყენოთ შემოთავაზებული ავატარები.

https://www.vidnoz.com/ საიტის გამოყენებით.

აღნიშნული ინსტრუმენტის გამოყენებით შევქმენი რესურსი, რომელსაც გამოიყენებს მასწავლებელი მე-11 კლასში -ენერგოეფექტურობის საკითხის შესწავლისას

1.ენერგიის დაზოგვა-https://share.vidnoz.com/aishare- cgHpEGTIb9RfvxnRvqR94ADw17099807062373376

მოსწავლეს მივეცი დავალება, მოცემულ ვიდეოზე დაყრდნოთ მოეფიქრებინა ენერგიის დაზოგვის რჩევები  2. რჩევები., როგორ დავზოგოთ ენერგია   https://share.vidnoz.com/aishare-clD6Is8sO5WrGNzwgHNfBnjj17099823692373376

https//miro.com პლატფორმა არის ვიზუალური სამუშაო სივრცე ინოვაციისთვის, ეს არის ონლაინ დაფა იდეების ვიზუალიზაციისთვის, სადაც მასწავლებელი ჰქმნის გრაფიკულ ორგანიზატორებს, რომლის გამოყენება სასწავლო პროცესში ხელს უწყობს მეტაკოგნიტური უნარების განვითარებას

ისინი შინაარსის თავლსაჩინოდ გადმოსაცემად გამოიყენება და ინფორმაციის ორგანიზებაში გვეხმარება, რათა მოსწავლეებს გაუადვილდეთ ინფორმაციის  დამახსოვრება, ათვისება, ანალიზი და გამოყენება.

გთავაზობთ ჩემს მიერ შექმნილ რესურსს:“გეოგრაფიული ინფორმაციის წყაროები“, რომელსაც მასწავლებელი გამოიყენებს   მე-7 კლასში თემის“დედამიწა“ შესწავლისას, აღნიშნულ რესურსში  თვალსაჩინოდაა წარმოდგენილი გეოგრაფიული ინფორმაციის წყაროების შესახებ ინფორმაცია.   https://miro.com/app/board/uXjVNox1bx4=/

გეოგრაფიის სწავლებისას ხშირად ვიყენებთ დროის ხაზს, რომელიც ერთ-ერთი მნიშვნელოვანი გრაფიკული ორგანიზატორია, დროის სკალა, რომელიც მოვლენებს, პროცესებს, ამბებს ქრონოლოგიური თანმიმდევრობით გადმოსცემს,

https://www.timetoast.com/ მარტივი ინსტრუმენტი, რომელიც ეხმარება მოსწავლეებს ისწავლონ თანმიმდევრობა, ზრდა, ცვლილება და ეფექტური ვიზუალური კომუნიკაცია. ამ ინსტრუმენტში შექმნილი რესურსი – „ნატოს გაფართოების ისტორია“    https://www.timetoast.com/timelines/3039626,  დროის ხაზზე მოცემულია დავალებები, რომლებიც უნდა შესრულონ მოსწავლეებმა, თითოეულ პუნქტზე დაწკაპებით გამოჩნდება კითხვა, რაზეც მოსწავლეებმა უნდა გასცენ პასუხი , აღნიშული რესურსი დაეხმარება მოსწავლეებს საკითხის უკეთ გააზრებაში .

ონლაინ ინსტრუმენტი  https://bubbl.us/  იძლევა საშუალებას, მასწავლებელმა შექმნას გრაფიკული ორგანიზატორები.  აღნიშნულ ინსტრუმენტში შევქმენი სქემა კომპლექსური დავალებისთვის, მოსწავლემ დავალების შესრულებისას უნდა შეავსოს სქემა, რომელიც ასახავს ვირტუალური წყლის კონცეფციიის ძირითად ასპექტებს. ცენტრში მოთავსებულია თავად ტერმინი “ვირტუალური წყალი”მათ უნდა შეავსონ სქემის თითოეული ნაწილი:

ა) განმარტონ, რას ნიშნავს “ვირტუალური წყალი”. ბ) მაგალითები: ჩამოთვალონ მინიმუმ სამი პროდუქტი ან მომსახურება, რომელსაც აქვს მაღალი ვირტუალური წყლის შემცველობა. გ) გავლენა: აღწერონ, რა გავლენა აქვს ვირტუალური წყლის კონცეფციას წყლის რესურსების მართვასა და მდგრადობაზე. დ) გაზომვა: ახსნან , როგორ იზომება ვირტუალური წყალი და რა ერთეულები გამოიყენება. მოსწავეებმა პასუხები უნდა ჩაწერონ სქემის შესაბამის ნაწილებში.  ეს დავალება მოსწავლეებს საშუალებას მისცემს აქტიურად ჩაერთონ ვირტუალური წყლის კონცეფციის შესწავლაში, გააანალიზონ მისი სხვადასხვა ასპექტი და გაიაზრონ მისი მნიშვნელობა რეალურ ცხოვრებაში.http://go.bubbl.us/d82133/0c66?/ვირტუალური-წყლის-კონცეფციის-ასპექტები

https://wordwall.net/ არის პლატფორმა,  რომელიც იძლევა საშუალებას,მასწავლებელმა   შექმნას ინტერაქტიული აქტივობები: ქვიზები, სიტყვების დაწყვილება,კროსვორდები, ვიქტორინა, ეტიკეტირებული დიაგრამები, და ა. შ.

გიზიარებთ ჩემ მიერ შექმნილ რესურსებს აღნიშნული ინსტრუმენტის გამოყენებით:

ქვიზი -თემაზე -მდგრადი განვითარება-   https://bit.ly/49YNnxb

სიტყვების დაწყვილება- თემა „ჰიდროსფერო“   მე-7 კლასი https://bit.ly/4c97eLc

https://genial.ly/     არის პლატფორმა ინტერაქტიური კონტენტის შესაქმნელად. ერთიანი ინსტრუმენტი დიდაქტიკური რესურსებისთვის, პრეზენტაციებისთვის, თამაშებისთვის, ინტერაქტიური სურათებისთვის, რუკებისთვის, ილუსტრირებული პროცესებისთვის, რეზიუმეებისთვის და ა. შ. აღნიშნული ინსტრუმენტი გვეხმარება, გავხადოთ სწავლება უფრო მოტივაციური და შინაარსიანი სწავლისადმი ინტერესის გაზრდით .

გიზიარებთ რესურსს-„საქართველოს ტბები“, რომელსაც გამოიყენებს მასწავლებელი საქართველოს ტბების გაცნობისას https://view.genially.com/65eae6107b942b0014ec1a8c/interactive-image-10

მოსწავლე ირჩევს ნებისმიერ ტბას , ეცნობა ამ ტბის შესახებ ინფორმაციას და შემდეგ ასრულებს დავალებას.

ციფრულმა სასწავლო რესურსებმა შეცვალა სწავლისა და სწავლების გზა. ციფრული სასწავლო რესურსების გამოყენებით, მასწავლებლებს ახლა შეუძლიათ შესთავაზონ მოსწავლეებს ინტერაქტიული,  და საინტერესო აქტივობები გაზარდოს სწავლების ეფექტურობა, მოსწავლეთა მაქსიმალური ჩართულობა , მოტივაცია, საგნისადმი უფრო მეტი დაინტერესება და ა. შ.

სასწავლო პროცესში ციფრული რესურსების გამოყენების უპირატესობა თვალნათელია, თუ მას გამოვიყენებთ მიზნობრივად, მოვარგებთ გაკვეთილის სასწავლო მიზანსა და მოსწავლეთა საჭიროებებს.

გამოყენებული ლიტერატურა:

ეროვნული სასწავლო გეგმა

მაია ბლიაძე ,გრაფიკული ორგანიზატორების გამოყენება გეოგრაფიის გაკვეთილზე, მეთოდური გზამკვლევი  https://lnnk.in/bRj4

სტატია, ხ.ციხელაშვილი-„სახალისო აქტივობები ხელოვნური ინტელექტის გამოყენებით“ https://mastsavlebeli.ge/?p=38761