სწავლა-სწავლება მუდმივი დაკვირვებისა და დროული რეაგირების მოწესრიგებული პროცესია. ამ პროცესში დიდია განმავითარებელი შეფასების როლი. განმავითარებელი შეფასება კი კონსტრუქციულ უკუკავშირს გულისხმობს. კონსტრუქციული უკუკავშირი არის რეაგირება იმაზე, თუ როგორ ასრულებს მოსწავლე დავალებას და როგორ იყენებს ცოდნას. როგორც წესი, უკუკავშირს ზეპირი ან წერილობითი კომენტარის სახე აქვს და მოიცავს შეფასებას, წახალისებას და რჩევას. სტატიაში ყურადღებას გავამახვილებ წახალისებაზე. კომენტართან ერთად, დაწყებით კლასებში ძალიან ბევრი მასწავლებელი იყენებს წამახალისებელ აღნიშვნებს. ახლა, როცა კონტაქტური საკლასო გარემო დროებით დისტანციურმა სწავლებამ ჩაანაცვლა, კიდევ უფრო მნიშვნელოვანი და აუცილებელია მოსწავლის წახალისებაზე, მოტივაციასა და ჩართულობაზე ვიზრუნოთ.
დამეთანხმებით, რომ საკმაოდ რთულია სახლიდან მართო ეს პროცესი. მასწავლებლები რთული გამოწვევის წინაშე დავდექით, ამიტომ კოლეგების რჩევები და გამოცდილების გაზიარება, ამ მხრივ, ძალიან მნიშვნელოვანია.
სწორედ ამ მიზნით, მინდა გაგიზიაროთ წამახალისებელი ვიდეორგოლები, მომზადებული ფაილები, რომელთა გამოყენება პედაგოგისთვის მოსახერხებელია. შეუძლია, თავადაც შექმნას და ამით მოსწავლის დაინტერესება უფრო გაზარდოს. ციფრული ინსტრუმენტები საკმაოდ მოქნილია ამ ფაილების გაგზავნის კუთხით. აქვე გაგაცნობთ, როგორ შექმნათ მსგავსი ვიდეო. PowerPoint-ში მოამზადებთ 2-ან 3- სლაიდს. წინასწარ შეგიძლიათ გადმოწეროთ სხვადასხვა ვებ-გვერდიდან მოძრავი სურათები, მიანიჭოთ მას სხვადასხვა ეფექტი, გაუკეთოთ წარწერა და მოამზადოთ. როგორ ვაქციოთ ვიდეოდ? ფაილის შესანახად ირჩევთ Save as და ჩამონათვალიდან აირჩევთ MPG-4Video, ვიდეოდ შენახვის შემდეგ კი მიეცით Save ბრძანება.
მომზადებული სლაიდები იქცევა ვიდეოდ . ვიდეოს ნიმუში . ვიდეოები კი უკუკავშირთან ერთად შეგიძლიათ გაუგზავნოთ მოსწავლეებს და ერთგვარი პოზიტიური განწყობა შექმნათ. ვიდეოების გაგზავნა მარტივი პროცედურაა. თუმცა PowerPoint-ში მომზადებული სლაიდის გაგზავნაც ასევე შესაძლებელია და საკმაოდ ეფექტურია.
მინდა გაგიზიაროთ ბლოგი, სადაც უკვე მზა ნიმუშებია განთავსებული, შეგიძლიათ ჩამოტვირთოთ და სასწავლო პროცესში გამოიყენოთ.
განსაკუთრებით ახლა, დისტანციური სწავლებს პროცესში, დაწყებითი საფეხურის მოსწავლეებს სჭირდებათ დახმარება, წახალისება, ეფექტური უკუკავშირი, რათა მათ შეძლონ ამ ტიპის სწავლა-სწავლების პროცესში ადაპტირება.
გამოყენებული ლიტერატურა:
- სასწავლო-მეთოდოლოგიური რესურსების კრებული ,,კითხვისა და წერის სწავლება დაწყებით საფეხურზე“
https://kargiskola.ge/teachers/resource_books/kitxva/resursi_kitxva.pdf
