ხუთშაბათი, მარტი 28, 2024
28 მარტი, ხუთშაბათი, 2024

ჟურნალ “სკოლის მართვის” ახალი ნომერი გამოიცა

როგორ სკოლას ვქმნით? როგორი მოსწავლეები გვინდა, რომ გვყავდეს? როგორი

საზოგადოება, როგორი მსოფლიო გვინდა, რომ გვქონდეს?

თვალი რომ გადავავლოთ განვლილ ურთულეს წელს, ამ კითხვებზე გაცემულ მრავალ

ფილოსოფიურ, უტყუარ და ღირებულ პასუხს შორის, აუცილებლად ვიპოვით იმას, რაც

დემოკრატიის ქვაკუთხედს წარმოადგენს – მონაწილეობას.

ჩვენ გვინდა სკოლა, სადაც მოსწავლეს უსმენენ, მის აზრს ითვალისწინებენ და ასწავლიან,

როგორ მიიღოს მონაწილეობა დიდი და მცირე გადაწყვეტილებების მიღების პროცესში,

როგორ იქცეს პასუხისმგებლიანი საზოგადოების წევრად, როგორ ჩაერთოს საზოგადოებისთვის აქტუალური პრობლემების მოგვარებაში, როგორ გამოხატოს თანადგომა

სხვის მიმართ და როგორ იქცეს საერთო, გლობალური კონტექსტის აქტიურ ნაწილად.

სწორედ მონაწილეობითი კულტურაა ჩვენი ნომრის მთავარი თემა. მკითხველი გაეცნობა მონაწილეობის ძირითად პრინციპებს, თეორიულ ჩარჩოებსა და ფორმებს. ასევე,

მიიღებს ინფორმაციას საქართველოში რამდენიმე თვის წინ ჩატარებული კვლევის

შესახებ, რომელიც სწორედაც სკოლაში მოსწავლეთა მონაწილეობის ხარისხის შესწავლას ისახავდა მიზნად.

იმ შემთხვევაში, თუ გადაწყვეტთ, თავადაც შეაფასოთ, უფრო ღრმად შეისწავლოთ

თქვენი სკოლის მონაწილეობითი კულტურა, გამოგადგებათ ამ ნომერში წარმოდგენილი

კითხვარები – მოსწავლის, მასწავლებლის, მშობლისა და საზოგადოების მონაწილეობის

ხარისხის სათანადოდ გასაზომად.

მოსწავლის მონაწილეობითი კულტურის / კომპეტენციების განვითარებაში გადამწყვეტი

როლი ენიჭება კლასის დამრიგებლის ფაქტორს. შესაბამისად, გიზიარებთ ერთ-ერთი

სკოლის მიერ ინიცირებული და განხორციელებული ერთწლიანი პროექტის კონცეფციას,

რომელიც ეხებოდა, სკოლებში დემოკრატიული კულტურისა და მოსწავლეთა მონაწილეობის უზრუნველსაყოფად, სასკოლო სადამრიგებლო პროგრამის შემუშავებას.

აღნიშნული პროექტი წარმატებით განხორციელდა, სკოლამ შეძლო მიღებული შედეგებისა და პროგრესის გაზომვა და ახლა, ინფორმაციის გაზიარებით, სხვა სკოლებსაც

აძლევს მსგავსი პრაქტიკის დანერგვის საშუალებას.

…როგორც ჩვენი მიმდინარე ნომრის მთავარი გმირი, ნიკო ცხვედაძე ამბობდა, სათანადოდ თუ არ იქნა განმარტებული სკოლის ხასიათი, ვერ შევძლებთ კეთილდღეობის

მიღწევას. არადა, საზოგადოების კეთილდღეობა არის ის, რასაც მიზნად ისახავდნენ

განათლების მესვეურები ერთი საუკუნის წინ და რაც მთავარ ორიენტირს წარმოადგენს

დღევანდელი მსოფლიოსთვისაც.

რედაქტორი : ნათია ნაცვლიშვილი

დიზაინერი: ბესიკ დანელია

ტექსტების სტილის რედაქტორი: მაია წიკლაური

ნომრის ავტორები:

სალომე ცხვედიანი,  დენის წურწუმია, ლელა მახოხაშვილი, ნიკო ცხვედაძე, მაია არავიაშვილი, ნინო ჩიხლაძე, ნინო გაგელიძე.

ჟურნალის წაკითხვა  და ჩამოტვირთვა შესაძლებელია ბმულიდან: 

სკოლის მართვა #4

კომენტარები

მსგავსი სიახლეები

ბოლო სიახლეები

ვიდეობლოგი

ბიბლიოთეკა

ჟურნალი „მასწავლებელი“

შრიფტის ზომა
კონტრასტი