პარასკევი, მარტი 29, 2024
29 მარტი, პარასკევი, 2024

ანიმაცია ადამიანის უფლებებისთვის

„თავიდან ძალიან უჭირდათ საუბარი, ისხდნენ და ცოტა შეშინებულები გვისმენდნენ. მერე ერთმა გოგონამ ამოიღო ხმა. აღმოჩნდა, რომ მისი არასრულწლოვანი და ცოტა ხნის წინ გაათხოვეს სკოლის მერხიდან. გვიყვებოდა ამბავს და უყურებდა თანატოლებს, რომლებმაც, სავარაუდოდ, ძალიან კარგად იცოდნენ ეს ამბავიც და სხვა ასეთი ისტორიებიც. ვუთხარით, რომ მხოლოდ პრობლემებზე ლაპარაკით, ხმამაღალი ლაპარაკით შეიძლებოდა საფრთხის თავიდან აცილება. ჩუმად თუ იქნებოდნენ, ყველა იფიქრებდა, რომ მათ საწინააღმდეგო არაფერი ჰქონდათ და ყველაფერი ძველებურად გაგრძელდებოდა. მერე იმ გოგონას ამბავი ნახატებად ვაქციეთ და, აი, ეს გამოგვივიდა“, – დაახლოებით ასეთ ამბავს მიყვება სანდრო და მაჩვენებს კომიქსს, რომელშიც პატარა გოგონას  ამბავია გადმოცემული.

maxresdefault

სანდრო კომიქსებისა და ანიმაციების მოყვარულია და მიაჩნია, რომ ხელოვნების ამ მიმართულებას აქვს შანსი, გასაგებად და მისაღებად გადმოსცეს ადამიანების უფლებების მხრივ ჩვენ წინაშე არსებული გამოწვევები.

„ცოტა ხნის წინ ერთ ტრანსგენდერ ქალზე გავაკეთეთ ვიდეო. ხომ იცი, მათ უმეტესობას არ უნდა სახის ჩვენება, სახელის თქმა – საშიშია. ანიმაციაში კი ადვილად შეიძლება ანონიმურობის შენარჩუნება. მიუხედავად იმისა, რომ ამბავი ზუსტად ისე მოვყევით, როგორც იყო, კონკრეტული ადამიანის იდენტიფიცირება შეუძლებელია“, – ესეც სანდროა.

ვიდეო ფატიმას გვაცნობს, გოგონას, რომელსაც ერთ ღამეს მამაკაცების ჯგუფი დაესხა თავს, სცემა და შეაშინა. ფატიმამ თმა შეიჭრა, ჩვეულებრივი სამოსი ჩაიცვა და ცდილობს, თვალში აღარავის მოხვდეს, ფრთხილობს.

ადამიანთა უფლებებზე მომუშავე ორგანიზაციები ანიმაციას, ნახატებს და სხვა მედიუმებს აქტიურად იყენებენ სამიზნე ჯგუფებისთვის ხმის მისაწვდენად. თუ ოდესმე გადაწყვეტთ, მოსწავლეებს ადამიანის უფლებებზე ესაუბროთ, შემიძლია, რამდენიმე კარგი ანიმაცია გირჩიოთ:

  1. უნივერსალური ადამიანის უფლებები

  1. ბავშვებისა და ახალგაზრდების უფლებები

თმაში ბავშვის უფლებაა

  1. როგორ გამოიყურება გენდერული თანასწორობა

  1. რ არის ადამიანის უფლებები

  1. არასწრულწლოვანზე სექსუალური ძალადობა. რა ხდება, როცა მოძალადე შენი ნაცნობია

  1. როგორ ვასწავლოთ ბავშვს პირად უსაფრთხოებაზე ზრუნვა

კომენტარები

მსგავსი სიახლეები

ბოლო სიახლეები

ვიდეობლოგი

ბიბლიოთეკა

ჟურნალი „მასწავლებელი“

შრიფტის ზომა
კონტრასტი