თეატრი საკლასო ოთახში – როგორ აერთიანებს ლიტერატურა და მოქალაქეობა ბავშვთა უფლებებს სცენაზე

მოსამზადებელი ეტაპი

(ტექსტისა და პრობლემატიკის გააზრება)

დედის აგრესია (საზოგადოებრივი სტიგმა) და მამის გულგრილობა / კაბინეტომანია.

კოპებშეკრული 3 წლის ბავშვის შინაგანი სამყაროს დაკავშირება 15 წლის მოზარდთან, რომელიც „ფერად ჩიტბატონებს“ აზამთრებს.

კონვენციის მუხლების იდენტიფიცირება

მუხლი 3: საუკეთესო ინტერესის დაცვა.

მუხლი 6: სიცოცხლის, გადარჩენისა და განვითარების უფლება.

მუხლი 12: აზრის გამოთქმისა და მოსმენის უფლება.

მუხლი 19: ფსიქოლოგიური უგულებელყოფისა და ძალადობისგან დაცვა.

სამუშაო ჯგუფებად დაყოფა და ტექსტის მარკირება უფლებრივი ნიშნებით.

განხორციელების ეტაპი

(სცენური მოქმედება და დიალოგი)

კრიტიკულ მომენტში (მაგ., როდესაც დედა ჩიტებს ანთხევს ბრაზს და ისმის ბავშვის სევდიანი „კარგით, კარგით“) მაყურებელი აჩერებს თამაშს, შედის სცენაზე და ალტერნატიული ქცევებით ცდილობს სიტუაციის ჰუმანურად შეცვლას.

პირდაპირი კითხვები პერსონაჟებს

ინტერვიუ დედასთან და მამასთან მათი პასუხისმგებლობის შესახებ.

ალტერნატიული სცენარის შექმნა

(მულტიმედია და 21-ე საუკუნის ხედვა)

რეფლექსიისა და შეფასების ეტაპი

(შედეგების შეჯამება)

რა დილემებს წააწყდით სიმულაციის დროს?

რა განსხვავებაა გადაწყვეტილების მოკლევადიან და გრძელვადიან ეფექტებს შორის?

რამ გამოიწვია პერსონაჟთა აგრესია და ხდება თუ არა მსგავსი პრობლემები რეალურ ცხოვრებაში?

არაფორმალური შეფასების ბარათები

მიზეზ-შედეგობრივი ანალიზი და ღირებულებებზე დაფუძნებული ხედვების ჩამოყალიბება

ამ ბარათის მიზანია ტექსტის ემოციური გააზრება და პერსონაჟის მდგომარეობის დაკავშირება ბავშვის უფლებებთან

1. როდესაც მოთხრობაში მოისმინე ბავშვის სევდიანი „კარგით, კარგით“, რა იგრძენი? როგორ ფიქრობ, რის თქმა უნდოდა რეალურად პერსონაჟს?
2. ბავშვის უფლებათა კონვენციის რომელ მუხლს შეახსენებდი დედას ან მამას ამ სცენიდან და რატომ?
3. შენს ცხოვრებაში ყოფილა მომენტი, როცა იგრძენი, რომ შენი აზრი არ გაითვალისწინეს ან შენი ინიციატივა (მნიშვნელოვანი საქმე) არ მოისმინეს? როგორ მოიქეცი?

ამ ბარათის მიზანია სცენაზე განვითარებული მოვლენების კრიტიკული ანალიზი და პრობლემის გადაჭრის ჰუმანური გზების ძიება.

1. ფორუმ-თეატრის დროს, როდესაც სცენაზე შეხვედი და სიტუაციის შეცვლა სცადე, რა იყო შენი მთავარი არგუმენტი პერსონაჟების დასაცავად?
2. რა განსხვავებაა ორიგინალ ფინალსა და ხელოვნური ინტელექტის/თქვენი ჯგუფის მიერ შექმნილ ალტერნატიულ ფინალს შორის ბავშვის უფლებების დაცვის კუთხით?
3. როგორ უნდა მოიქცეს სკოლა და საზოგადოება რეალურ ცხოვრებაში, როდესაც ხედავენ, რომ ბავშვს მხარდაჭერა სჭირდება? მოიყვანე მაგალითი შენი სკოლიდან ან გარემოდან.

ამ ბარათის მიზანია ორ საგანს შორის კავშირი და სამოქალაქო პასუხისმგებლობის გაცნობიერება.

1. როგორ დამეხმარა ქართული ენისა და ლიტერატურის გაკვეთილი (რევაზ ინანიშვილის ტექსტი) უკეთ გამეგო ჩემი, როგორც მოქალაქის უფლებები და მოვალეობები?
2. თუ შენ გარშემო ვინმე „ფერად ჩიტბატონებს“ უკლავს ოცნებას (ანუ არ უსმენს და ზღუდავს ბავშვის ინიციატივას), რა იქნებოდა შენი, როგორც მოქალაქის პირველი ნაბიჯი?
3. დაასრულე წინადადება:

დღევანდელი აქტივობიდან მივხვდი, რომ ბავშვის ხმა მნიშვნელოვანია, რადგან…

ფსიქოლოგიური სტიგმისა და უგულებელყოფის ანალიზი

სცენაზე შესული თანატოლის დიალოგი

სცენაზე შესვლის პროვოკაციული ფრაზა მოსწავლისგან:

„გაჩერდი! შეხედე შენს შვილს თვალებში. შენ გგონია, რომ ჩიტების გამოზამთრება სისულელეა, მაგრამ სინამდვილეში შენივე შიში არ გიშვებს, რომ ის სხვებისგან განსხვავებული იყოს?“

სიღრმისეული სადისკუსიო კითხვები დედას:

• 1. „ქალბატონო, რატომ გაშინებთ ასე ძალიან იმის გაგონება, რომ ვიღაცამ თქვენს შვილს „ოროსანი“ დაუძახა? საზოგადოების აზრი უფრო მნიშვნელოვანია თქვენთვის, ვიდრე თქვენი შვილის ემოციური მდგომარეობა?“
  2. „როდესაც ხედავ, რომ შენი შვილი სიცივეში ცდილობს სოციალურად სასიკეთო საქმის კეთებას, რატომ არ ცდილობ მის მოსმენას? რომელი მუხლი არღვევს შენს ამ ქცევაში ბავშვის უფლებებს?“
  3. „რა იგრძენი მაშინ, როცა შვილმა შენი აგრესიის საპასუხოდ მხოლოდ სევდიანი და დამორჩილებული „კარგით, კარგით“ გითხრა? ეს შენთვის გამარჯვება იყო თუ მარცხი?“

სცენაზე შესვლის პროვოკაციული ფრაზა მოსწავლისგან:

„შენ ამბობ, რომ თუ არავინ გავალებს, არც ჩიტების გამოზამთრებაა საჭირო… ანუ შენთვის ადამიანი მხოლოდ მაშინ არსებობს, როცა ზემოდან ბრძანება მოდის?“

სიღრმისეული სადისკუსიო კითხვები მამას:

• 1. „როდესაც შენი ოჯახი კრიზისშია და შვილი ყურადღებას ითხოვს, რატომ ამჯობინებ გაზეთის კითხვას და რატომ ხარ გულგრილი?“
  2. „თქვენ ამბობთ, რომ მთავარია წესრიგი და მორჩილება. გჯერათ, რომ შიშსა და ძალადობაზე აგებული ოჯახი მომავალში წარმატებულ მოქალაქეს აღზრდის?“
  3. „თუ შენც პროგრესულად აზროვნებ, როგორც ამბობ, რატომ არასდროს აიმაღლე ხმა ბავშვის დასაცავად?“

სცენაზე შესვლის პროვოკაციული ფრაზა მოსწავლისგან:

„არ შეშინდე, შენ მარტო არ ხარ! შენ მიერ გაზრდილი ეს პატარა ჩიტები შენი თავისუფლებისა და სიკეთის ნაწილია. რატომ გეშინია შენი ხმის ამოღების?“

სიღრმისეული სადისკუსიო კითხვები ბავშვს:

• 1. „როდესაც ჩიტებს აპურებდი და ზრუნავდი მათზე, რას გრძნობდი? რატომ იყო ეს შენთვის ასე სასიცოცხლოდ აუცილებელი?“
  2. „როდესაც მშობლები არ გისმენდნენ, რა გინდოდა გეთქვა მათთვის ყველაზე მეტად?“
  3. „ახლა, როცა ჩვენ მოვედით სცენაზე და შენ გვერდით ვართ, როგორ ფიქრობ, რა უნდა შეიცვალოს შენს ოჯახში?“