რატომ ბლოგერობა?

ხშირად
ისმის კითხვა:
რა არის
ბლოგი? რისთვის
შეიძლება გამოვიყენოთ? რა თემაზე
შეიძლება ვწეროთ?
რა სარგებლობას მოგვიტანს ან, პირიქით, რა ზიანი შეიძლება მოგვაყენოს მან? არც ერთ კითხვაზე ერთმნიშვნელოვანი, ამომწურავი და
ობიექტური პასუხი
არ არსებობს.
ყველაფერი ინდივიდუალურია. მთავარია, როგორ მივაწვდით ჩვენს სათქმელს მკითხველს
და რამდენად საინტერესო აღმოჩნდება ის მათთვის.

ბლოგის
მეშვეობით ჩვენ შეგვიძლია ფართო
აუდიტორიას
გავუზიაროთ საკუთარი ცოდნა
და გამოცდილება,
მოვუყვეთ ყოველდღიურ ამბებს, მიმოვიხილოთ პოლიტიკური, კულტურული
თუ საზოგადოებრივი საკითხები, მათგან კი მივიღოთ რჩევები,
რეკომენდაციები, მოსაზრებები.

ახალგაზრდებისთვის (და
არამხოლოდ მათთვის) ბლოგი თვითპრეზენტაციის საუკეთესო საშუალებაა.
მისი სისტემატური განახლება სკოლის
მოსწავლეებს წერის
უნარების განვითარებაში ეხმარება, სტუდენტებს (თუ
პროფესიის შესაბამის
თემაზე წერენ) საშუალებას აძლევს, დააინტერესონ მომავალი დამსაქმებლები, საკუთარი ცოდნისა და მოსაზრებების გავრცელებით მოიზიდონ აუდიტორია და “აზრის ლიდერები”
გახდნენ, რაც
თანამედროვე საზოგადოებაში საკმაოდ
მნიშვნელოვანი უნარია. ბლოგი თითოეულ ადამიანს აძლევს საშუალებას, გახდეს მედია. ეს მედიის ბაზარზე ქმნის ახალ
სივრცეს, რომელსაც სოციალურ მედიას
უწოდებენ.
აქ ადამიანები ერთმანეთს საკუთარი რესურსებით
მოპოვებულ ინფორმაციას უზიარებენ.

ბლოგზე
წერის დასაწყებად მთავარი
მოტივაცია ის უნდა იყოს, რომ სხვებისთვის რაღაც გაქვთ სათქმელი, მოსაყოლი და საამისოდ უფასო
და ყველასთვის
ხელმისაწვდომი სივრცე
გჭირდებათ. ნუ დაყრით ფარ-ხმალს, თუ
პირველივე პოსტის
შემდეგ ბლოგს ათასობით
ვიზიტორი არ
ეწვია.

გაითვალისწინეთ, ბლოგზე წერის
მოტივი მერკანტილური
არ უნდა
იყოს. მართალია,
ადვილი არ არის ენთუზიაზმის ხარჯზე რამის კეთება, მაგრამ
როდესაც საქმე თქვენს საკუთარ სივრცესა და საკუთარ
პროდუქტს ეხება, ენთუზიაზმი ის
უნარია, რომელიც კიბერსივრცეში თავის
დამკვიდრებას გაგიადვილებთ.

თავისთავად, ბლოგი შესაძლოა გახდეს კიდეც შემოსავლის ან
სხვაგვარი სარგებლის წყაროც, თუმცა
ეს დროთა განმავლობაში მოხდება, ისიც – არა ყოველთვის.

ჩათვალეთ, რომ თქვენი
მომავალი ბლოგი
ტაბულა რაზა, ანუ სუფთა დაფაა. რას და როგორ დაწერთ
ამ დაფაზე, თქვენს ინტერესებსა დაუნარებზეა დამოკიდებული.

ბლოგზე
შეიძლება წეროთ
ყველა იმ საკითხის შესახებ, რასაც მკითხველისთვის საინტერესოდ მიიჩნევთ; მთავარია, დარწმუნებული იყოთ, რომ პოსტის წასაკითხად დახარჯული დრო მათთვის
ამაოდ ჩავლილი არ იქნება.

შეიძლება ვწეროთ აკადემიური ენითაც, თუმცა ბლოგოსფეროს
მთავარი ხიბლი
მარტივი და
ყველასათვის გასაგები
ენით დაწერილი
პოსტებია. ეცადეთ, თქვენი სათქმელი ყოველგვარი განათლებისა და ყველა სოციალური ფენის ადამიანისთვის მარტივად აღსაქმელი
იყოს – ამგვარად ბლოგი უფრომეტ ხალხს დააინტერესებს.

ბლოგზე
გამოთქმულმა თქვენმა
მოსაზრებებმა საქმიან თუ პირად ცხოვრებაში შესაძლოა დაგაზარალოთ კიდეც, ამიტომ ეცადეთ, კარგად გაიზროთ, რაზე წერთ და რა შედეგს გამოიღებს ეს. ინტერნეტსივრცე ის არქივია, საიდანაც
წლების შემდეგაც ადვილად შეიძლება თქვენ მიერ გამოთქმული არასასურველი მოსაზრებისა
თუ გამხელილი
ფაქტის ამოღება. ეცადეთ, ნაკლებად
ისაუბროთ პირად
ცხოვრებაზე, განსაკუთრებით მაშინ, თუ თინეიჯერი
ხართ. ასევე
არ არის
რეკომენდებული ბლოგის მეშვეობით სამსახურებრივ პრობლემებზე წუწუნი– ვინ იცის,
იქნებ თქვენს
პოსტებს თქვენი უფროსიც
ადევნებს თვალს და
ეს თქვენი
სამსახურიდან დათხოვნის მიზეზად
იქცეს.

საკუთარი ბლოგის გაკეთება ადვილია და არაფრით განსხვავდება მეილზე დარეგისტრირებისგან. მთავარია, თქვენთვის სასურველი ბლოგპლატფორმა შეარჩიოთ. ამჟმად ყველაზე პოპულარული ქსელებია wordpress.com,
blogger.com და livejournal.com. თითოეულ მათგანს თავისი ღირსება აქვს. livejournal.com უმთავრესად რუსულენოვან სეგმენტზეა გათვლილი. თუ გსურთ, ბლოგი რუსულენაზე აწარმოოთ, უმჯობესი იქნება, თუ არჩევანს მასზე შეაჩერებთ. ქართულენოვანი ბლოგები ძირითადად wordpress-ისა
და blogger-ის პლატფორმებზეა განთავსებული.

წარმატებებს
გისურვებთ ბლოგოსფეროში!