სტრესი გამოცდების დროს

საბრალო ძაღლი ტვიგლეტი. მოსწავლეები მას ყოველდღე, 10-10 წუთის მანძილზე ასეირნებდნენ ეზოში, ეთამაშებოდნენ და კარგ დროს ატარებინებდნენ. საერთო ჯამში, ასე ხანმოკლე თამაშით თითქმის რვა საათი გადიოდა, ანუ მთელი დღე. ცუგა არასოდეს იწყენდა. ახლა რა სჭირს? რა დაემართათ მოსწავლეებს? თითქმის აღარავინ ეკარება და მასთან თამაში აღარავის სურს. გამოცდები იწყება. სკოლებში დაძაბულობაა. დაწყებითი კლასების გამოცდები ეს-ესაა დასრულდა, GCSE – ახლახანს დაიწყო, შემდეგი A დონე მოდის.

 

მთელი მსოფლიოს მასშტაბით გამოცდები ყოველთვის იყო და იქნება სტრესული. მათ ამგვარს წარუმატებლობის წარმოუდგენელად დიდი შიში ქმნის. ბავშვებს, რომლებსაც დაბალი ნიშნები ჰყავთ, ჰგონიათ, რომ ცხოვრება დასრულდა, კლდის პირას აღმოჩნდნენ და გადაცვივდებიან. ეს გრძნობა ძლიერი ფსიქოლოგიის მქონე, თავდაჯერებული ბავშვებისთვისაც კი საზარელია. მითუმეტეს ჯოჯოხეთურია იმ მოსწავლეებისთვის, ვინც შფოთვისა და ნერვიულობის მიმართ მიდრეკილია. და ასევე, ეს გრძნობა ყველაზე გამძაფრებული დიდ ბრიტანეთშია, რადგან აქ გამოცდების ჩაბარება ძალიან რთულია. შესაბამისად – მოსწავლეების სტრესი კიდევ უფრო მწვავე.

 

ბრიტანელი დაწყებითი სკოლის პედაგოგები ამკიცებენ, რომ 10-11 წლის მოსწავლეებისათვის განკუთვნილი გამოცდები მათი მომავლისათვის ადეკვატური საერთოდ არაა. ისინი თვლიან, რომ მსგავსი ტიპის გამოცდები მხოლოდ სკოლებს სჭირდებათ ჩვეულების გასამყარებლად და არა მოსწავლეებს. საშუალო სკოლის პედაგოგები აღწერენ მოსწავლეთა პანიკის შეტევასს, მათ მოულოდნელ ქვითინს კლასში და სტრესს, რომელსაც ისინი გამოცდების წინ განიცდიან.

 

ჩვენ გვეუბნებიან, რომ ბავშვები სამომავლოდ კონკურენტუნარიანი სამყაროსთვის უნდა მოვამზადოთ. მაგრამ გაურკვეველია, თუ როგორ უნდა მოვახერხოთ ეს. მაქსიმალურად დასტრესილი, გამოცდებში ჩაჭრილი ბავშვები ტოვებენ სკოლას, და როცა ამ დროს დაბალი აკადემიური მოსწრების მქონეებს, კიდევ უფრო დაბალი შანსი აქვთ მაღალანაზღაურებადი სამსახურების პოვნის. ამ სამსახურებში კი ისევ რუტინული სამუშაო და დიდი სტრესი ხვდებათ. წარმოუდგენელია, სად მივყავართ ამ ყველაფერს. პრობლემის გადასაჭრელად მთავრობას კომპლექსური მუშაობა შეუძლია. ასევე, დიდი გავლენის მოხდენა შეუძლია სოციალური მედიის კომპანიებს. ისევე, როგორც ჩვენ, მშობლებმა უნდა ვიმუშაოთ აქტიურად.

 

დღეს ბრიტანეთში მცხოვრები ყოველი ათი მოსწავლიდან ერთი კლინიკური მენტალური აშლილობით არის ავად, რაშიც საგამოცდო სტრესი დიდ როლს თამაშობს. დაკვირვება ცხადყოფს, რომ რაოდენობა გაიზრდება, თუ მათი მდგომარეობა და საგამოცდო მიდგომები არ შეიცვლება.

 

 

 

კომენტარები

comments