პოლარული ციალი ბუნების ერთ-ერთი ყველაზე შთამბეჭდავი და მომაჯადოებელი სანახაობაა, რომელიც საუკუნეების განმავლობაში ხიბლავდა ადამიანებს. ეს გასაოცარი მოვლენა ღამის ცას ჯადოსნური ფერებით ხატავს, ატმოსფეროს ანიჭებს განსაკუთრებულ სიმშვენიერეს და გვაგრძნობინებს სამყაროს იდუმალების უსაზღვროებას. მისი ცვალებადი ფორმები და ფერები – მწვანე, წითელი, ყვითელი, ლურჯი, ვარდისფერი, იასამნისფერი, ფორთოხლისფერი და თეთრი ტონალობებით, ატყვევებს მნახველს. პოლარული ციალი, არა მხოლოდ ვიზუალურადაა ულამაზესი, ის იწვევს ღრმა ემოციებს, აღძრავს შთაგონებას, მოწიწებას და სამყაროს სიდიადის განცდას.
პოლარული ციალი აღინიშნება ორივე ნახევარსფეროს მაღალი განედების ოვალური სარტყლის ზონებში. ჩრდილოეთ ნახევარსფეროში მას ,,ავრორა ბორეალისს“, ანუ ჩრდილოეთის ნათებას, ხოლო სამხრეთ ნახევარსფეროში, ,,ავრორა ავსტრალისს“, ანუ სამხრეთის ნათებას უწოდებენ. ჩრდილოეთ პოლუსთან ახლოს მცხოვრები ევროპელებისთვის ავრორა ჩვეულებრივი სანახაობაა. ,,ავრორა ბორეალის“ ითარგმნება, როგორც ,,ჩრდილოეთის გარიჟრაჟი“. ჩრდილოეთის ციალი უფრო ხშირია გაზაფხულობით და შემოდგომომაზე. მისი სიხშირე პიკს აღწევს ბუნიობის პერიოდში, ხოლო ხანგრძლივობა გრძელდება რამდენიმე საათიდან რამდენიმე დღემდე.
იხილეთ ვრცლად
