საკლასო წესების შემუშავება და მათი დაცვა ძალიან მნიშვნელოვანია. მასწავლებლები ხშირად მივმართავთ სხვადასხვა ხერხს კლასში წესრიგის დასამყარებლად. ჩემი მასწავლებლობის განმავლობაში ერთ-ერთი ყველაზე ეფექტიანი მწვანე ბარათების სისტემა გახლავთ. ამ წერილში გაგიზიარებთ ჩემს გამოცდილებას მწვანე ბარათების სისტემასთან დაკავშირებით. ის არის კლასის მართვის ინსტრუმენტი, რათა შემცირდეს საკლასო წესების დარღვევის რაოდენობა. მწვანე ბარათების სისტემა მოიცავს ორ ძირითად იდეას: პირველი დისციპლინის საკითხების შემცირება და მეორე პოზიტიური სასწავლო გარემოს წახალისებას.
პირველ ეტაპზე მწვანე ბარათების სისტემა გავაცანი მშობლებს და ვთხოვე მხარდაჭერა, ვინაიდან მნიშვნელოვანია მოსწავლე მშობლისგან გრძნობდეს ბარათების სისტემაზე ინტერესს და ახალისებდეს მას. შემდეგ თავად მოსწავლეებს გავაცანი.
სულ არის სამი ფერის ბარათი: წითელი, ყვითელი და წითელი. ბარათებს ვამზადებდი თავად. ვბეჭდავდი შესაბამისი ფერის ქაღალდზე და შემდეგ ვჭრიდი. ავირჩიე მწვანე ბარათების დარიგების დღე-პარასკევი. მოსწავლეებმა იცოდნენ, რომ პარასკევს მწვანე ბარათები რიგდებოდა. თავდაპირველად ავიღე ჩემი დაკვირვების დღიური და დღის განმავლობაში თითოეული მოსწავლის ქცევას ვინიშნავდი, რაც პარასკევს მეხმარებოდა გადაწყვეტილების მიღებაში,მიმეცა თუ არა მწვანე ბარათი.
თითოეულ ბარათზე წერია ის პუნქტები. მწვანე ბარათზე ასახულია პუნქტები, რომლის შესრულების შედეგადაც მოსწავლე კვირის ბოლოს იღებს მას. მწვანე ბარათის გადაცემის უფლება აქვს დამრიგებელს. ეს პუნქტებია:
ცხადია,შესაძლებელია ეს პუნქტები შეცვალოთ და თქვენი კლასის საჭიროებას მოარგოთ.
ყვითელი ბარათის გადაცემის უფლება აქვს ნებისმიერი საგნის მასწავლებელს, თუ ის საჭიროდ ჩათვლის, რომ მის გაკვეთილზე რომელიმე პუნქტი დაირღვა მონიშნავს მას. ყვითელი ბარათის პუნქტებია:
წითელი ბარათის შემთხვევაში, მოსწავლე წერს რეფლექსიას არასასურველ ქცევაზე. რეფლექსიის დაწერის დროს ჩართულია მშობელი და მასწავლებელი ერთდროულად. ხდება გასაუბრება სკოლის ფსიქოლოგთან. ასევე, შესაძლებელია თავად განსაზღვროთ რა მოჰყვება წითელი ბარათის მიღებას.
ბარათების გამოყენების ერთ-ერთი მნიშვნელოვანი ნაწილი მისი რაოდენობაა. მასწავლებელმა უნდა განსაზღვროს მწვანე ბარათის რა რაოდენობის შემდეგ მიიღებს მოსწავლე ჯილდოს და რამდენი ყვითელი ბარათის შემდეგ მიიღებს წითელს.
ჩემს შემთხვევაში თუ მოსწავლე დააგროვებდა ათ მწვანე ბარათს, მას გადავცემდი ჯილდოს. ეს იყო მის ინტერესზე მორგებული სათამაშო და მადლობის წერილი მშობელს. თქვენ შეგიძლიათ ლავირება გაუკეთოთ მწვანე ბარათების რაოდენობასა და ჯილდოს შინაარსს.
ყვითელი ბარათის შემთხვევაში, მოსწავლეს ჯერ სიტყვიერად ვაძლევდი გაფრთხილებას, თუმცა თუ ვგრძნობდი არ ითვალისწინებდა, შემდეგ ყვითელ ბარათს გადავცემდი. მოსწავლეს ვთხოვდი ყვითელი ბარათის მიღება მშობელს დაედასტურებინა ხელმოწერით. ეს მნიშვნელოვანი ნაწილი იყო, ვინაიდან მას ეგრძნო პასუხისმგებლობა და თავად მოეხდინა არასასურველი ქცევის რეფლექსია მშობელთან.
ბარათების სისტემის თვალსაჩინოებისთვის, შეგიძლიათ გააკეთოთ ქცევის პირამიდა, რომელსაც კლასში ხელმისაწვდომ ადგილას გააკრავთ. პირამიდაში თითოეულ მიღებულ ფერში წერთ მოსწავლის სახელსა და გვარს. ეს მოსწავლეს უმარტივებს მარტივად აკონტროლოს რამდენი ფერის ბარათი აქვს მიღებული.
ჩემი მოსწავლეები ძალიან დიდი ინტერესით ჩაერთნენ ბარათების სისტემაში. ითვლიდნენ და ელოდებოდნენ როდის მიაღწევდნენ სასურველ რაოდენობას,რათა მიეღოთ ჯილდო. ცხადია, მშობლების მაღალი ინტერესისა და მხარდაჭერით ამ სისტემამ კიდევ უფრო ეფექტიანად იმუშავა.
მწვანე ბარათების სისტემაზე ჩატარებულია კვლევა, რომელიც მის ეფექტიანობას ხაზს უსვამს. თქვენ შეგიძლიათ მოსწავლეების საჭიროებას მოარგოთ და მოდიფიცირება გაუკეთოთ ისე, როგორც მე მოვიქეცი.
