არმარიუმის სკოლა 5–დან 8 წლამდე ასაკის ბავშვებისთვის შექმნილი არაფორმალური საგანმანათლებლო სივრცეა, რომლის მთავარი მიზანია, დაეხმაროს ბავშვს ცოდნის მიღებასა და სხვადასხვა უნარების განვითარებაში.
არმარიუმის სასკოლო გარემო ბავშვებს საკუთარ თავში ბევრი ახალი უნარის განვითარების საშუალებას აძლევს – შემოქმედებითი, შემეცნებითი და სოციალური უნარების გამომუშავება, საკუთარი თავის რწმენის განმტკიცება, სწავლისადმი პოზიტიური დამოკიდებულება, თავისუფალი აზროვნება.
ამ ყველაფრისთვის მნიშვნელოვანია თავისუფალი გარემო და სივრცე, რომელიც საშუალებას მისცემს ბავშვს, გამოავლინოს საკუთარი თავი, არ შეუშინდეს შეცდომებს, იყოს თამამი სწავლისა და შემეცნების პროცესში. არმარიუმის სკოლა უპირველესად ისეთ თავისუფალ სივრცეს უზრუნველყოფს, სადაც ბავშვებს შესაძლებლობა აქვთ, იაზროვნონ, კრიტიკულად შეხედონ ნებისმიერ საკითხს და ყოველთვის ის თქვან, რასაც ფიქრობენ.
ჯგუფში ბავშვების მცირე რაოდენობიდან გამომდინარე მასწავლებლებს შესაძლებლობა აქვთ მაქსიმალურად ახლო კომუნიკაცია დაამყარონ და გაიცნონ ბავშვი, რაც მას ეხმარება, ინდივიდუალურად ზუსტად განსაზღვროს, თუ რა უნარის განვითარება ესაჭიროება თითოეულ მათგანს და გაკვეთილის პროცესსაც სწორედ საჭიროებების მიხედვით გეგმავს.
ძალიან მნიშვნელოვანია, დავეხმაროთ ბავშვს გარე სამყაროსთან ურთიერთობაში. პედაგოგები მუდმივად ცდილობენ განუვითარონ მათ პიროვნული თვისებები, ასწავლონ კრიზისული სიტუაციებიდან გამოსვლის გზები და შეაჩვიონ გადაწყვეტილებების დამოუკიდებლად მიღება.
არმარიუმში 5-6 წლის (სკოლამდელი) ბავშვებისათვის სასკოლო მზაობის კურსი მუშაობს, რომლის ფარგლებში ბავშვები გამოიმუშავებენ იმ უნარებს, რომლებიც დაეხმარება მათ სასკოლო გარემოსთან შეგუებასა და შემდგომ განვითარებაში. კურსში შედის ლიტერატურის, მათემატიკის, ინგლისურისა და ხელოვნების გაკვეთილები, რადგან ბავშვებმა სხვადასხვა მიმართულებით საბაზისო ცოდნა მიიღონ.
ასევე, 6–8 წლის ბავშვებისათვის არსებობს სახალისო მათემატიკის კურსი, რომლის მიზანია ლოგიკური და მათემატიკური აზროვნების განვითარება. სასწავლო პროცესში ძირითადად იყენებენ სხვადასხვა ტიპის გუნდურ თამაშებს, რომლებშიც ყველა ბავშვი ერთვება. ფსიქოლოგი პედაგოგი ინტერაქტიული თამაშებით ბავშვებს სირთულეების გადალახვაში ეხმარება.
„ლიტერატურის სამყაროში“ 6–8 წლის ბავშვებისათვისაა, სადაც ეცნობიან სხვადასხვა ლიტერატურულ ნაწარმოებს, მსჯელობენ მათში განხილულ თემებზე და ცდილობენ იპოვნონ პრობლემების მოგვარების გზები. ასრულებენ სხვადასხვა სახალისო აქტივობას, თავად ქმნიან პერსონაჟებს და დგამენ მცირე სპექტაკლებს.
6–8 წლის ბავშვები ასევე სწავლობენ პრაქტიკულ ინგლისურს. აქ ისინი შეისწავლიან საკომუნიკაციო ლექსიკას. სხვადასხვა როლური თამაში კი მათ საშუალებას აძლევს პრაქტიკაში გამოიყენონ შესწავლილი მასალა.
ხელოვნება კურსი კი 6–8 წლის ბავშვებისათვისაა და კურსის მიზანია შემოქმედებითი ხედვისა და ფანტაზიის განვითარება. ძირითადად ფერადი საღებავებითა და სხვადასხვა მასალის გამოყენებით მუშაობენ. ბავშვები ერთად ან ინდივიდუალურად პედაგოგის დახმარებით საოცარ ნამუშევრებს ქმნიან.
საკვირაო სკოლის მიზანია ფანტაზიისა და შინაგანი მისწრაფებების გამოვლენა. ბავშვებს საშუალება აქვთ ჩაატარონ მცირე ექსპერიმენტები, სიმბოლოების გამოყენებით ჯგუფურად ან ინდივიდუალურად მოიფიქრონ ამბავი, შექმნან პერსონაჟები, დადგან მცირე სახის სპექტაკლები, იაზროვნონ, განიხილონ სხვადასხვა მოვლენა, აქტიურად იყვნენ ჩართულნი შემეცნებით პროცესში და ა. შ. ყველაფერი ეს კი ერთად ძალიან ხალისიან გარემოს ქმნის.
ჩვენ ვცდილობთ, თითოეულ ბავშვს შეუქმნათ სკოლისგან განსხვავებული სივრცე. ფიქრობთ, რომ მათ აქვთ ბევრი უნარი, რომელსაც დახვეწა და განვითარება სჭირდება. სკოლის კეთილგანწყობილ, მრავალფეროვან, შემეცნებით გარემოში, რომელიც მისთვის დამატებითი სტიმულის მიმცემი იქნება, მასწავლებლები მას ამაში დაეხმარებიან.
სკოლა არმარიუმი, თბილისში, არაგვის ქ. #4 -ში ფუნქციონირებს.
www.facebook.com/armarium.ge
