პარასკევი, მარტი 29, 2024
29 მარტი, პარასკევი, 2024

გუგლის ხელოვნებისა და კულტურის ვებგვერდის გამოყენება სასწავლო პროცესში

თანამედროვე ტექნოლოგიების განვითარების მასშტაბებიდან გამომდინარე ადვილია ინტერნეტში დიდი რაოდენობით მასალის მოპოვება, მნიშვნელოვანია სანდო და სარწმუნო წყაროს მიგნება. ინტერნეტში სანდო ინფორმაციის მოსაპოვებლად სასურველია, უმეტესად მივმართოთ საგანმანათლებლო და სამთავრობო ინსტიტუციების, სამეცნიერო ელექტრონული ბაზების ვებ-საიტებს.  ამ მიზნით მინდა გაგიზიაროთ მსოფლიოს ყველაზე პოპულარული და მასშტაბური სახელოვნებო გაერთიანების Google-ის კულტურული ინსტიტუტის ვებგვერდის სასწავლო პროცესში გამოყენების გამოცდილება. მსოფლიო ხელოვნებისა და კულტურის ონლაინ პლატფორმა განთავსებულია შემდეგ ვებ-მისამართზე: artsandculture.google.com

2011 წელს გუგლმა  ყველაზე პოპულარული და მასშტაბური სახელოვნებო ონლაინ პლატფორმა დააარსა, ერთგვარი საგამოფენო სივრცე, რომელზეც 2000-ზე მეტი მუზეუმის საგანძურია განთავსებული. Google Arts & Culture გუნდი ეხმარება პარტნიორებს მათი კოლექციების გაციფრულებაში, მართვაში და გამოქვეყნებაში. საიტი გთავაზობთ ხელმისაწვდომობას მუზეუმების და ასევე რეალური სამყაროს  საიტებზე Google-ის მონაცემთა ბაზებიდან აღებული სურათებით,  შესაძლებელია ვირტუალურად დაათვალიეროთ ისეთ ადგილები, როგორიცაა ხელოვნების ინსტალაციები; სამეცნიერო ცენტრი CERN. ვებგვერდზე  ხელმისაწვდომია წერილობითი შინაარსი, ახალი ამბები მუზეუმებისა და გალერეების შესახებ და სხვა ღირსშესანიშნავი ადგილების შემოთავაზებები. ზოგიერთ არტეფაქტს თან ახლავს ამბავი, რაც კიდევ უფრო აცოცხლებს გამოფენას.

საგანმანათლებლო პერსპექტივიდან გამომდინარე პლატფორმის   გამოყენებით ხელმისაწვდომია    საკლასო ოთახიდან აღმოაჩინოთ უახლესი ტექნოლოგიები და იხილოთ საშემსრულებლო ხელოვნება პარიზის ოპერაში, NASA-ს განსაცვიფრებელი სურათების არქივი, აღმოაჩინოთ ისტორიები ჩვენს კულტურულ მემკვიდრეობაზე. რაც  მთავარია,  მასწავლებლებს  საშუალება აქვთ პლატფორმა ეფექტიანად გამოიყენონ  დისტანციური სწავლებისას,   ციფრული მოწყობილობის გამოყენებით მოსწავლეებს საშუალება ეძლევათ, შეისწავლონ მუზეუმების და გალერეების  რეალური კოლექციები.  ვებგვერდზე ყველაფერი კარგად არის ორგანიზებული და განლაგებულია ისე, რომ ადვილად გასაგებია ნავიგაცია, რაც შესანიშნავი ვარიანტია ცოდნის მისაღებად მოსწავლეებისთვის, მაშინაც კი, როცა ისინი სკოლაში არ არიან. Google Arts & Culture ხელმისაწვდომია ვებ-ბრაუზერში, მაგრამ ასევე კარგად მუშაობს როგორც iOS და Android აპი, ასე რომ მოსწავლეებს  შეუძლიათ მასზე წვდომა სმარტფონებიდანაც. აპლიკაციის ჩამოტვირთვა და გამოყენება უფასოა, ისევე როგორც ვებგვერდი. მასწავლებლებისთვის არის სასარგებლო ფავორიტის შერჩევის და გაზიარების ფუნქციები, რომლებიც საშუალებას გაძლევთ, შეინახოთ ფავორიტი გვერდები და აიღოთ ბმული კონკრეტულ ექსპონატზე და გაუზიაროთ იგი კლასს. იდეალურია, თუ გსურთ, რომ მათ სახლში შეისწავლონ ან მოიძიონ ინფორმაცია  ამ თემაზე გაკვეთილის წინ ან პირიქით,  გაკვეთილს შემდგომი კვლევისა და საშინაო დავალების მოსამზადებლად.

Google Arts & Culture-ის ვებგვერდიდან  შესაძლებელია  მსოფლიოს სახელგანთქმულ მუზეუმებში ვირტუალური ტური მოვაწყოთ. ვირტუალური მუზეუმები მნიშვნელოვან საგანმანათლებლო რესურსს წარმოადგენს, შესაძლებლობას გაძლევთ ვირტუალურ     რეალობაში.   დაათვალიეროთ და გამოიკვლიოთ ნახატები, ქანდაკებები და არქიტექტურის ნიმუშები ვირტუალური ექსკურსია არის ინტერნეტში განთავსებული სამგანზომილებიანი  სცენა, რომელიც რეალურ ობიექტზე წარმოდგენის მიღების შესაძლებლობას გვაძლევს. შექმნილ

მოდელში შესაძლებელია ვირტუალურად გადაადგილება.   ვირტუალური ექსკურსიები, რა თქმა უნდა, სრულყოფილად ვერ ჩაანაცვლებს რეალურ ექსკურსიებს, მაგრამ ეს საუკეთესო საშუალებაა  საოცნებო ადგილების გასაცნობად ნებისმიერ დროს. ამგვარი  ექსკურსიების კიდევ ერთი  უპირატესობა, მრავალფეროვანი ვიზუალური მასალის

მოძიების  შესაძლებლობა და მოსწავლეთა მსოფლმხედველობის გაფართოებაა,  აგრეთვე, ის  გაკვეთილებს უფრო ცოცხალსა და საინტერესოს ხდის.  მასწავლებელმა

მოსწავლეები შეუძლია ამუშაოს დამოუკიდებლადაც და ჯგუფურადაც, ასევე

შესაძლებელია დაათვალიერებინოს მთელ კლასს პროექტორის გამოყენებით .
წარმოგიდგენთ ვებგვერდზე განთავსებულ რამდენიმე ვირტუალური მუზეუმის ბმულს:

  • British Museum”, ლონდონის გულში მდებარე ეს სახელგანთქმული მუზეუმი საშუალებას აძლევს ვირტუალურ ვიზიტორებს, დაათვალიერონ უძველესი არტეფაქტები, მაგალითად: უძველესი როზეტას სტელა და ეგვიპტური მუმიები. მუზეუმის ვირტუალური ტურის განმავლობაში ასევე შეგიძლიათ ნახოთ ექსპონატები, მუზეუმისვირტუალურად დასათვალიერებლად ეწვიეთ ბმულს.
  • “Musée d’Orsay”, პარიზის ამ გალერეაშითქვენ შეგიძლიათ, დაათვალიეროთ ფრანგ ფერმწერთა ნამუშევრები. ეს მხატვრები ცხოვრობდნენ და მოღვაწეობდნენ 1848-1914 წლების პერიოდში(მონე, სეზანი, გოგენი და სხვ.), მუზეუმის ვირტუალურად დასათვალიერებლად ეწვიეთ ბმულს.
  • “Pergamon Museum”, ბერლინი. პერგამონის მუზეუმიბერლინის ერთ-ერთი ყველაზე დიდი მუზეუმია, რომელიც მნახველს ძალიან ბევრ საინტერესო ხელოვნების ნიმუშს სთავაზობს. მიუხედავად იმისა, თქვენ იქ ფიზიკურად იმყოფებით თუ არა, ეს მუზეუმი ერთგვარად ანტიკური არტეფაქტების სახლია. მუზეუმის ვირტუალურად დასათვალიერებლად ეწვიეთ ბმულს.
  • “Rijksmuseum”, ამსტერდამის ამ მუზეუმში შეგიძლიათ, დაათვალიეროთ ნიდერლანდებისოქროს ხანის ნამუშევრები, რომლებიც რემბრანდტისა და ვერმეერის შემოქმედებასაც მოიცავს. მუზეუმის ვირტუალურად დასათვალიერებლად ეწვიეთ ბმულს.
  • “Uffizi Gallery”, ფლორენციის ეს ყველასთვის ცნობილი გალერეა, იტალიაში სახელგანთქმულმა მედიჩების ოჯახმა დააარსა. გალერეის შენობის დიზაინი 1560 წელს ჯორჯო ვაზარიმ შექმნა. დაათვალიერეთ ისაღნიშნულ ბმულზე.

Google Arts & Culture ბევრი შესაძლებლობა აქვს: მსოფლიო ხელოვნების სხვადასხვა ეპოქის  ნიმუშების ქრონოლოგიურად დალაგების ფუნქცია; ხელოვნების ნიმუშის სხვა მიმდინარეობის სტილში გადაყვანის საშუალება, მსოფლიოს ცნობილი ქალაქების, არქიტექტურის ნიმუშების  ვირტუალური დათვალიერების შესაძლებლობა, განთავსებულია ცნობილი ხელოვანების შემოქმედების ამსახველი მასალა, ასევე გვთავაზობს ინტერაქტიურ ექსპერიმენტებს და საგანმანათლებლო შემეცნებით თამაშებს, ვებგვერდზე განთავსებულია 1600-ზე მეტი ექსპერიმენტის კოლექცია.  მიმართულებების  მიხედვით  ექსპერიმენტები განთავსებულია ბმულზე. წარმოგიდგენთ რამდენიმე ექსპერიმენტის ბმულს, რომელთა გამოყენება შეუძლიათ სასწავლო პროცესში: ხელოვნების, მუსიკის, ისტორიისა და გეოგრაფიის მასწავლებლებს.

2021 წელს COVID 19 გამოწვეული პანდემიის გამო, დისტანციური სწავლებისათვის  ელექტრონული საგანმანათლებლო რესურსების ხელმისაწვდომობის გაზრდის  მიზნით ვებგვერდმა დაამატა თემა: „ისწავლეთ Google Arts & Culture-ით მასწავლებლებისთვის, მშობლებისთვის“:https://artsandculture.google.com/u/0/project/learn  შეგიძლიათ აირჩიოთ შემდეგი საგნები: მუსიკა; ისტორია; ქიმია; ფიზიკა; ხელოვნება; ბიოლოგია; გეოგრაფია; კომპიუტერული მეცნიერებები; ლიტერატურა. კონკრეტული საგნის არჩევის შემთხვევაში განთავსებულია მრავალფეროვანი მასალა: გზამკვლევები, პრაქტიკული რჩევები, ისტორიები, ცნობილი ფაქტები, მიმდინარეობები, საგანმანათლებლო თამაშები, ექსპერიმენტები, გაკვეთილის გეგმები, ფოტო და სხვა ვიზუალური მასალა.

აქვე წარმოგიდგენთ Google Arts & Culture-ის ვებგვერდზე   საქართველოს  მუზეუმებისა და კოლექციების შესახებ განთავსებული ინფორმაციის ბმულებს :

  • ქართული ანბანის ისტორია გუგლის ხელოვნებისა და კულტურის პლატფორმაზე განთავსდა. იხ. ბმული
  • საქართველოს მუსიკის, კინოსა და ქორეოგრაფიის სახელმწიფო მუზეუმი კომპანია „გუგლის“ (google) ხელოვნების ინსტიტუტის პარტნიორი გახდა. ამ სივრცეში პეტრე ოცხელის გამოფენაა განთავსებული.
  • შეგიძლიათ დაათვალიეროთ საქართველოს ხელოვნების სასახლე – კულტურის ისტორიის მუზეუმის კოლექცია
  • დადიანების სასახლის კოლექციის ნახვაა შესაძლებელია: ბმულზე

მსოფლიო ხელოვნებისა და კულტურის ონლაინ პლატფორმა Google Arts & Culture არის არაკომერციული ინიციატივა, მუშაობს  კულტურულ ინსტიტუტებთან და ხელოვანებთან მთელს მსოფლიოში. მათი  მისიაა, შეინარჩუნონ და გაავრცელონ მსოფლიო ხელოვნება და კულტურა ინტერნეტ სივრცეში, რათა ის ხელმისაწვდომი იყოს ყველასთვის, ნებისმიერ ადგილას.  ვებგვერდი  ყოველდღიურად გვთავაზობს სიახლეებს.

გამოყენებული ლიტერატურა:

1.What is Google Arts & Culture and How Can It Be Used for Teaching? Tips and Tricks

https://www.techlearning.com/how-to/what-is-google-arts-and-culture-and-how-can-it-be-used-for-teaching-tips-and-tricks

2.12 ცნობილი მუზეუმი, რომელსაც ვირტუალურად შეგიძლიათ, ესტუმროთ

https://www.marketer.ge/12-famous-museum-virtual-tour/

3.საქართველოში პირველად, ხელოვნების სასახლის ექსპონატები Google-ის მუზეუმში აიტვირთება https://bm.ge/ka/article/saqartveloshi-pirvelad-xelovnebis-sasaxlis-eqsponatebi-google-is-muzeumshi-aitvirteba/2599/

4.დადიანების სასახლეების კოლექცია „გუგლის“ კულტურული ინსტიტუტის პლატფორმაზე განთავსდა https://1tv.ge/news/dadianebis-sasakhleebis-koleqcia-guglis-kulturuli-institutis-platformaze-gantavsda/

  1. ქართული ანბანის ისტორია გუგლის ხელოვნებისა და კულტურის პლატფორმაზე განთავსდა https://edu.aris.ge/news/qartuli-anbanis-istoria-guglis-xelovnebisa-da-kulturis-platformaze-gantavsda.html

 

კომენტარები

მსგავსი სიახლეები

ბოლო სიახლეები

ვიდეობლოგი

ბიბლიოთეკა

ჟურნალი „მასწავლებელი“

შრიფტის ზომა
კონტრასტი