თანამედროვე ცხოვრების რიტმი და მიმდინარე მოვლენები ხელს უწყობს და გარდაუვალს ხდის, ეკონომიკასა და კულტურაში მოვიდნენ ახალგაზრდები, რომელთაც შეუძლიათ ინფორმაციასთან დამოუკიდებლად მუშაობა, თავიანთი ცოდნის დამოუკიდებლად სრულყოფა (სხვადასხვა მიმართულებით)და, საჭიროებისამებრ, ახალი ცოდნის შეძენაც, რისთვისაც აუცილებელია მოსწავლეობის ხანაშივე შემეცნებითი პროცესების გააქტიურება, ცოდნის შეძენის მოთხოვნილების გაზრდა, სწრაფი და სხარტი აზროვნება. ამ უნარებს სკოლის დამთავრების შემდეგ წარმატებით გამოიყენებენ პრაქტიკაში და ადვილად მოახერხებენ საკუთარი ცოდნის ტრანსფერს.
ცხადია, საამისოდ აუცილებელია სკოლა-მასწავლებელი-მოსწავლის სწორი კომუნიკაცია და სამივე მხრიდან არგუმენტირებული წარმოდგენები ყველა საჭირო მიმართულებით. სწორედ ამ უნარ-ჩვევების წინ წამოწევასა და სრულყოფას ემსახურება მოსწავლეებში კრიტიკული აზროვნების განვითარება.
