ეკოსაგანმანათლებლო ტურები საქართველოს დაცულ ტერიტორიებზე

გარემოსდაცვითი განათლების მიზანია მოხდეს თაობების გარემოსდაცვითი ცნობიერების ამაღლება, რათა მათ შეძლონ სწორად შეაფასონ გარემოზე საკუთარი ზემოქმედება, განუვითარდეთ მათ პასუხისმგებლობის გრძნობა და სიყვარული იმ ბუნებრივი და კულტურული მემკვიდრეობისადმი, რომელიც  ჩვენს ქვეყანას გააჩნია, გაუჩნდეთ სურვილი იცხოვრონ ჯანსაღ გარემოში, დაიცვან და მომავალ თაობებს შეუნარჩუნონ ეს  უნიკალური საგანძური.

საქართველოს უმნიშვნელოვანესი საგანძური – ულამაზესი ბუნება და უნიკალური ბიომრავალფეროვნება, თითქმის ხელუხლებლად არის წარმოდგენილი დაცულ ტერიტორიებზე. დაცული ტერიტორიების უპირველესი დანიშნულება უნიკალური ბიომრავალფეროვნებისა და ეკოსისტემების დაცვა – შენარჩუნებაა.

მოახლოვდა ბავშვებისთვის და პედაგოგებისთვის ყველაზე აქტიური ექსკურსიების პერიოდი. მთელი ზამთარი მოუთმენლად ელოდებიან ბავშვები გაზაფხულის დადგომას, რათა ბუნების გამოღვიძებასთან ერთად ისიამოვნონ ექსკურსიებით შეიცნონ გარემო.

დაცულ ტერიტორიებზე ეკოტურების განხორციელებით შესაძლებელია ბუნებაში სასიამოვნო დასვენებას ერთდროულად შეუთავსოთ სასარგებლოც. სპეციალური შემეცნებით-საგანმანათლებლო პროგრამები ეხმარება მოზარდს მიიღოს შესაბამისი ცოდნა და ხელს უწყობს ბუნებაში საჭირო უნარ-ჩვევების გამომუშავებაში.

დაცულ ტერიტორიაზე სტუმრობისას გეძლევათ უნიკალური შესაძლებლობა თქვენი ვიზიტი გახადოთ მაქსიმალურად საინტერესო.

დღევანდელი მდგომარეობით საქართველოში არსებობს 88 სხვადასხვა კატეგორიის დაცული ტერიტორია. კერძოდ, 14 სახელმწიფო ნაკრძალი, 11 ეროვნული პარკი, 42 ბუნების ძეგლი, 19 აღკვეთილი და 2 დაცული ლანდშაფტი.

საქართველოს რეგიონებში წარმოდგენილი დაცული ტერიტორიები ხელმისაწვდომია როგორც თბილისის, ასევე რეგიონების სკოლის მოსწავლეებისა და პედაგოგებისთვის.

დაცული ტერიტორიების ვიზიტორთა ცენტრებში შესაძლებელია ამომწურავი ინფორმაციის მიღება დაცული ტერიტორიების, იქ არსებული ბუნებრივი და კულტურული მემკვიდრეობისა და სხვა უნიკალური ფაქტების შესახებ; დაცულ ტერიტორიებზე არსებული ეკოტურისტული მარშრუტები კი დაუვიწყარს გახდის თქვენს მოგზაურობას.

დაცულ ტერიტორიებზე არსებული ტურისტული ბილიკები წარმოდგენილია სირთულეების მიხედვით – მარტივი, საშუალო, რთული და გათვალისწინებულია  სხვადასხვა ასაკობრივი  ჯგუფისთვის.

დაწვრილებითი ინფორმაციისთვის იხილეთ: www.apa.gov.ge

ან დაგვიკავშირდით:

  • ნატო სულთანიშვილი – დაგეგმვისა და განვითარების სამსახურის უფროსი

სსიპ დაცული ტერიტორიების სააგენტო

მობ. 595999908, ელფოსტა: natosultanishvili@gmail.com;

  • მარიამ თათარაშვილი დაგეგმვისა და განვითარების სამსახურის უფროსი სპეციალისტი

სსიპ დაცული ტერიტორიების სააგენტო

მობ. 577 10 18 51, ელფოსტა: tatarashvilimariami@gmail.com.

 

 

 

კომენტარები

comments