სადამრიგებლო კლასთან ურთიერთობა, მოსწავლეთა შესახებ ყველაფრის ცოდნა, მათთან ქცევის წესების ჩამოყალიბება მნიშვნელოვანია ნებისმიერი დამრიგებლისთვის. დამრიგებელზეა დამოკიდებული, როგორ წარმართავს სიტუაციას.
ჩვენ, ყველას, გვინდა ზღაპრული ცხოვრებით ვიცხოვროთ. არა აქვს მნიშვნელობა, დიდები ვართ თუ პატარები. გავხადოთ ჩვენი მოსწავლეები ზღაპრის პერსონაჟები. ჩვენც ჩავერთოთ და ზღაპრის ერთ-ერთი პერსონაჟი განვასახიეროთ.
ვიზრუნოთ, რომ ოთახში, სადაც ჩვენი კლასის საათი ტარდება, იყოს რამდენიმე დაფა. ჩვენი ზღაპრის გმირები ჩვენ თვითონ შევქმნათ, კლასის საჭიროებიდან გამომდინარე. ეს გმირები შეიძლება იყვნენ:
1)დედა თაგვი, თავზე ფრაზით: მოდი, ერთად გავუმკლავდეთ ამ რთულ ამოცანას!
2)დიდი ზომის წრუწუნა, თავზე ფრაზით: ვიყოთ მეგობრულად!
3) ტომი თავზე ფრაზით: ჯერი, მოდი ერთად გავუმკლავდეთ ამ რთულ ამოცანას!
4) გმირი ჭოგრიტით.
ამ ტიპის პერსონაჟი-გმირები შეგვეფერება ჩვენ,მასწავლებლებს იმ მარტივი მიზეზით, რომ მოსწავლეებმა იგრძნონ ჩვენი თანადგომა.
როგორი უნდა იყოს ნახატები კლასის საათისთვის, რომელიც ემსახურება მოსწავლეების გაცნობას და მათი ინტერესების გაგებას?
მოსწავლეებს ვაჩვენოთ:
1)წრუწუნა,რომელიც ცეკვავს.
2დონალდი ფოტოაპარატით.
3)სპანჩბობი ფუნჯითა და პალიტრით.
4)მიკი მაუსი ბურთით.
5)მინი მაუსი ბურთით.
6)პატრიკი, ჭადრაკის ფიგურებზე მეოცნებე.
7)ბარბი მიკროფონით.
8)ჩექმებიანი კატა მიკროფონით.
მთავარია ეს ნახატები ასახავდეს ყველა იმ მახასიათებელს, რაც მოსწავლის ინტერესს შეესაბამება.
ნახატები დაფაზე დავამაგროთ მაგნიტით ისე, რომ არ ჩანდეს. რომ არ აგვერიოს, ყველა დავნომროთ. დავიწყოთ იმ პერსონაჟებით, რომლებსაც ჩვენ განვასახიერებთ და ვიკითხოთ! ვინ შეიძლება იყოს ეს? თუ ვერ გამოიცნობენ, მივანიშნოთ და მივახვედროთ.
დავიწყოთ იმ პერსონაჟების გადმობრუნება, რომლებიც ბავშვებს წარმოადგენენ. ჩავინიშნოთ, რომელთან გააიგივებენ თავს. წავახალისოთ, შევაქოთ კარგი გატაცებებისთვის, კლასგარეშე აქტიურობისთვის.
შედეგად, გვეცოდინება, ვინ რითია დაკავებული და ბავშვებიც დადებითად განეწყობიან ჩვენ მიმართ.
მიუხედავად იმისა, რომ ჩვენი ქმედება, თითქოსდა, არასერიოზულია, ვმართოთ სიტუაცია ისე, რომ ყველა მოსწავლემ თავი სერიოზულ გარემოში იგრძნოს. ჩვენი ბოლო პერსონაჟი იყოს გმირი ბევრი წიგნით. ეს იქნება ჩვენი სურვილი ბავშვებისადმი.
მეორე კლასის საათი ჩავატაროთ ქცევის წესების შემუშავებაზე და იმის გააზრებაზე,რა არის კარგი და რა ცუდი.
დასაწყისი, რომ ეფექტური გამოგვივიდეს, აუცილებლად გავიხსენოთ ყოფილი მოსწავლეები, რომლებიც წარმატებულნი არიან, პროექტორით ვაჩვენოთ საინტერესო ადგილებში გადაღებული მათი ფოტოები, თუ გვაქვს მათთან ურთიერთობა, გავაცნოთ მათი აზრი კარგ საქციელზე, წიგნიერებაზე და ასე შემდეგ.
დავიწყოთ ზღაპრის პერსონაჟების შემოყვანა.
პირველი პერსონაჟი იყოს სამთავიანი გველეშაპი, რომელიც შევუსაბამოთ წარმატებულ მოსწავლეებს და გამოვთქვათ სურვილი, რომ ისინიც ასეთები გახდნენ. (სამი თავი ნიშნავს მრავალმხრივ განათლებას)
ამის შემდეგ წინასწარ მომზადებული ნახატები დავყოთ კატეგორიებად. ეს კატეგორიებია:
1)რა არის ცუდი გაკვეთილზე?
2)რა არის ცუდი შესვენების დროს?
3)რა არის კარგი გაკვეთილზე?
4)რა არის კარგი შესვენების დროს?
გაკვეთილზე ცუდი შეიძლება იყვნენ პერსონაჟები:
- მეოცნებე ბარბი, თავზე ფრაზით: რა ჩახლართულია ყველაფერი!
- ,,აბა, დამაცადეს’’ მგელი, თავზე ფრაზით: რა ჩახლართულია ყველაფერი!
- წრუწუნა ბალიშით(ანუ ძილზე ოცნება)
- ასევე, ვარდისფერი დათუნია, თავზე ფრაზით: ამას რა გამოთვლის, ცოტას წავუძინებ.
- პინოქიო თავზე ფრაზით: სად არ დადიან ეს ჭიანჭველები? ანუ მოუსვენრად ყოფნა
- დონალდი, თავზე ფრაზით: ჩემი ტვინი ამას ვერ აიტანს!
- ტომი და ჯერი,თ ავზე ფრაზით: ხან ესაო, ხან ისაო (ანუ გადალაპარაკება)
- ციყვი თავზე ფრაზით: რიცხვებს ციფრებით ვერ ვწერ და ამ სამკუთხედებით რა გავიგო!!
- პლუტო ფრაზით: რა სასაცილო ამოცანაა!
- არხეინად მყოფი გუფი ფრაზით: ვაა, მგონი ადვილია!
- დონალდი ფრაზით: ეჰ, ახლა ბურთი მომცა!
- ჯერი ფრაზით: მგონი გამოვიცანი, უცოდინარ ტომის კი არ ვგავარ!(ანუ დაცინვა)
კარგი პერსონაჟები შეიძლება იყვნენ:
1)საყვარელი სპილუკა ფრაზით-ნეტა რა რიცხვია?
2) პლუტო თავზე ფრაზით- უნდა დავფიქრდე.
3) გუფი ფრაზით-დაფიქრებაა საჭირო.
4) მიკი მაუსი ფრაზით- მაინც გამოვიცნობ!
5)რომელიმე ლამაზი გმირი კითხვის ნიშნებით თავზე
6)ტომი და ჯერი, ტომი უხსნის ჯერის რთულ საკითხებს(წყვილებში მუშაობის დროს).
ამჯერად ნახატები ხელში გვეჭიროს და ბავშვებს მივცეთ არჩევანის საშუალება. აირჩიონ, კარგია ეს თუ ცუდი. დაფა დაყოფილია 4 ნაწილად და ბავშვების გადაწყვეტილებით ნახატებს დავამაგრებთ სათანადო ადგილას.
ბოლოს შევიმუშაოთ ქცევის წესები და გამოვაკრათ თვალსაჩინო ადგილას.
სკოლის დამთავრების დღეს ჩვენ შეგვიძლია მოსწავლეები ბავშვობაში დავაბრუნოთ. ამჯერად ჩვენი ნახატები რებუსებად უნდა ვაქციოთ. დავფიქრდეთ მათ სახასიათო ნიშნებზე: ვინ იყო კლასის პაპარაცი? კლასის ბარბი, რომელიც საჭესთან პირველი დაჯდა? გოგონა ან ვაჟი ყოველთვის მოწესრიგებული? პროფესიონალი პოეტი ? მუსიკოსი? მოცეკვავე,? მსახიობი? კლასის ხულიგანი? სპორტის სახეობით გატაცებული? წიგნის ჭია? განსაკუთრებული იუმორის მქონე მელომანი!
დავნომროთ ნახატები და მივამაგროთ დაფაზე.
ვიქონიოთ რამდენიმე დაფა, ერთ-ერთი საჭადრაკო დაფა უნდა იყოს, რომელზეც მოვათავსებთ ფოტოსურათებს : წარმატებები, ექსკურსიები, კლასის ღონისძიებები, მნიშვნელოვანი მომენტები. სურათებთან ერთად მოვათავსოთ წარწერა: ცხოვრება საჭადრაკო დაფაზე თამაშს ჰგავს- ხან მოიგებ,ხან წააგებ, გისურვებთ ღირსეულად გააგრძელოთ თამაში.
დავიწყოთ ზღაპრის მოყოლა. პირველი ფურცელი, რომელსაც გადმოვაბრუნებთ იქნება ტექსტით: იყო და არ იყო რა. იყო ერთი ანცი და მოუსვენარი მეოთხე კლასი …
ავუხსნათ, რომ მათ წინ გამოსაცნობად ელოდებათ რებუსებად ქცეული ზღაპრის გმირები. ისინი ასეთი შეიძლება იყვნენ:
1)წრუწუნა, რომელიც ცეკვავს.
2დონალდი ფოტოაპარატით.
3)სპანჩბობი ფუნჯით და პალიტრით.
4) მიკი მაუსი ბურთით.
5) მინი მაუსი ბურთით.
6) პატრიკი ჭადრაკის ფიგურებზე მეოცნებე.
7) ბარბი მიკროფონით.
8) ჩექმებიანი კატა მიკროფონით.
9) დონალდი მუდმივად მზადმყოფი დავალებების შესასრულებლად (ანუ ვინმე მოწესრიგებული)
10) მგელი, აბა, დამაცადედან .
11) წრუწუნა,თავზე ფრაზით:დღეს საჭიდაოდ მივდივარ.
12) 1)საყვარელი სპილუკა ფრაზით „ნეტა რა რიცხვია“?
2) პლუტო თავზე ფრაზით „უნდა დავფიქრდე“!
3) გუფი ფრაზით “დაფიქრებაა საჭირო“!
4) მიკი მაუსი ფრაზით“ მაინც გამოვიცნობ“!
13)ტომი და ჯერი: ტომი უხსნის ჯერის რთულ საკითხებს(რომელიმე ორი კარგი მეგობარი)
14) დაძინებული წრუწუნა, რომელიც ძილშიც მუსიკოსობაზე ოცნებობს(მელომანი მოსწავლე)…
და ასე შემდეგ.
მათი სასკოლო ცხოვრება წარმოუდგენელია მასწავლებლის გარეშე , ამიტომ ჩავრთოთ მასწავლებლებიც და ვისაუბროთ მათ შესახებ . დავიწყოთ საკუთარი თავით.
აი, ჩვენი გმირის შესაძლო ვარიანტები:
1)დედა თაგვი,თავზე ფრაზით: მოდი ერთად გავუმკლავდეთ ამ რთულ ამოცანას!
2)დიდი ზომის წრუწუნა თავზე ფრაზით: ვიყოთ მეგობრულად!
3)ტომი და ჯერი თავზე ფრაზით:ჯერი,მოდი ერთად გავუმკლავდეთ ამ რთულ ამოცანას!
4)გმირი ჭოგრიტით.
ისინი მაშინვე ამოიცნობენ ჩვენს გმირს.
მასწავლებლებიდან გამოვყოთ სამეული, რომლებსაც შევუსაბამებთ ზღაპრის გმირებს, მაგალითად გოჭუნებს ან კეთილ ფერიებს.
სამეული შეიძლება გამოვიყენოთ მოსწავლეების შემთხვევაშიც. მაგალითადისინი დავყოთ: მოცეკვავეთა, მეოცნებეთა, სისხლის გამშრობთა, პოეტთა, ლიტერატორთა, ინტელექტუალთა სამეულებად. ესეც ერთგვარი რებუსი იქნება.
ვიქონიოთ გაკვეთილზე შავი ყუთი, რომელშიც მოვათავსებთ შავ სათვალეებს და სათამაშო თოფებს. დავსვათ კითხვა: რა დევს შავ ყუთში თუ აქ მოთავსებული ნივთები იდეურად შეესაბამება ამ წარმატებულ მოსწავლეებს? პასუხები სავარაუდოდ, ასეთი იქნება: წიგნი, რვეული, უბის წიგნაკი და ასე შემდეგ. გადმოვაბრუნოთ ჩვენი ზღაპრის ბოლოს წინა ფურცელი, რომელზეც იქნება გამოსახული ძაღლუკა შავი სათვალეებით, ხელში თოფით და თავზე ფრაზით: ხომ დავბომბეთ საგანმანათლებლო სივრცე. ვთხოვოთ მათ განასახიერონ იგივე. ეს იქნება კადრი, რომელსაც დავარქმევთ: საგანმანათლებლო სისტემის ,,მაგარი’’ ბიჭები და გოგოები.
ბოლო ფურცელზე კი ეწერება:,,ჭირი იქა, ლხინი აქა, ქატო იქა, ფქვილი აქა“.
არ არსებობს ორი ერთნაირი კლასი, ორი ერთნაირი მოსწავლე, ამიტომ ჩვენი შერჩეული გმირები მათ უნდა მოვარგოთ, ვიპოვოთ და დავინახოთ განსხვავებები, მთავარია არავინ გამოგვრჩეს, არ დავივიწყოთ, რომ ეს მათი ბოლო დღეა სკოლაში მოსწავლის ამპლუაში. სასურველია სკოლის დირექტორიც ჩავრთოთ წარმოდგენაში- ეს იქნება პერსონაჟი ხელში ტრაფარეტით „მეამაყებით!“ ან „გილოცავთ!.“
