მშობელთა კლუბი სკოლაში

სკოლაში მშობელთა ჩართულობის ერთ-ერთი სახე მოხალისეობაა, რომელსაც თავის მხრივ, მრავალი ფორმატი და თემატური დატვირთვა შეიძლება ჰქონდეს. როგორც წესი, მშობლები სკოლაში იმ საქმიანობით არიან დაკავებული, რაც ყველაზე მეტად მოსწონთ, გამოსდით ან უბრალოდ აქტუალურია მათთვის.

მშობელთა კლუბი მოხალისეობის ერთ-ერთი ყველაზე გავრცელებული ფორმაა, რომელიც დაშვებულია ზოგადი განათლების შესახებ კანონითაც. მშობელთა კლუბი შეიძლება იყოს წიგნის კითხვის, ხელსაქმის პოპულარიზაციისთვის, ბულინგის ან ბავშვთა მიმართ ძალადობის პრევენციისთვის, დამატებითი ფინანსების მოძიებისთვის, სპორტის ან ხელოვნების სწავლების გაძლიერებისთვის, არაფორმალური განათლების ხელშეწყობისთვის, მოსწავლეთა კვების ორგანიზებისთვის, სკოლასთან მისასვლელ გზებზე უსაფრთხოების დაცვისთვის, პედაგოგთა მხარდაჭერისთვის, სასკოლო გამოწვევების დაძლევისთვის და სხვა კეთილი მიზნებისთვის.

მოწინავე ქვეყნებში, სადაც დემოკრატიულობის მაღალი ხარისხია მშობელთა კლუბების მრავალფეროვნებას შეხვედებით. როგორც წესი, კლუბში ჩართულობა ნებაყოფლობითია, თუმცა უმეტესად, ყველა კლასში მოიძებნება მშობელი, რომელსაც რომელიმე კლუბის წევრობის სურვილი ექნება.

მშობელთა კლუბები საქართველოს სკოლების პრაქტიკაშიც მკვიდრდება, თუმცა ხშირად მოისმენთ ჩივილს, რომ მშობლების ერთობას უჭირს მდგრადობის შენარჩუნება, მათი საქმიანობა უმეტესად ფრაგმენტულია და არასისტემურობით ხასიათდება.

იმისთვის, რომ მშობელთა კლუბის ხანგრძლივად ფუნქციონირება გახდეს შესაძლებელი, აუცილებელია მის ორგანიზაციულ მოწყობას დავუთმოთ ცოტა დრო.

პირველ რიგში, მშობელთა კლუბის დაფუძნების სურვილი თავად მშობლებს უნდა ჰქონდეთ. ეს სურვილი რომ გაუჩნდეთ, მათ უნდა იცოდნენ, რომ ამის უფლება აქვთ და სკოლიდან, კერძოდ, დირექტორისგან და მასწავლებლებსიგან მხარდაჭერას მიიღებენ. ამის შემდეგ მსურველებმა კონკრეტული პასუხები უნდა გასცენ შეკითხვებს:

• რა მიზნით იქმნება კლუბი?
• რა ნაბიჯებით შეიძლება კლუბმა ამ მიზანს მიაღწიოს?
• ვინ იქნებიან კლუბის წევრები?
• ვინ იქნება კლუბის ხელმძღვანელი?
• ვინ მიიღებს გადაწყვეტილებებს?
• როგორ შეიძლება კლუბში ახალი მშობლების მიღება ახლა და მომავალში?
• როგორ შეძლებს მშობელი კლუბის დატოვებას?
• როგორ ითანამშრომლებს კლუბი სკოლასთან?
• რა უფლებები და მოვალეობები ექნებათ კლუბის წევრებს?
• ვინ ისაუბრებს კლუბის სახელით?
• რა უფლებები და მოვალეობები ექნებათ კლუბთან მიმართებაში სკოლის თანამშრომლებს?

ამ კითხვებზე გაცემულმა პასუხებმა ადგილი უნდა იპოვოს ორ მთავარ დოკუმენტში, რომელიც მომავალში კლუბის ფუნქციონირების საფუძველი გახდება, ეს არის, კლუბის წევრთა ეთიკის კოდექსი და წესდება.

მშობელთა კლუბის წევრთა ეთიკის კოდექსი

ეთიკის კოდექსი წარმოადგენს ქცევის სტანდარტს კლუბის წევრებისთვის.

ეთიკის კოდექსის მიზანია, ერთიან ფორმატში მოაქციოს კლუბის წევრების ურთიერთობები სხვადასხვა მიზნობრივ ჯგუფებთან. მათ შორის, მოსწავლეებთან, ერთმანეთთან, სკოლასთან, ასევე სხვა საჯარო და კერძო დაწესებულებებთან.

ამ წესებზე შეთანხმება განსაზღვრავს კლუბის წევრების მოქმედების ძირითად პრინციპებს, მაგალთად, ეთიკის კოდექსი შეიძლება მოიცავდეს შემდეგნაირ ჩანაწერებს:

1. კლუბის თითოეული წევრი უზრუნველყოფს შვილის და სხვა ბავშვის კეთილდღეობას (საქართველოს კონსტიტუციის, გაერთიანებული ერების ორგანიზაციის ბავშვის უფლებათა კონვენციის, მისი დამატებითი ოქმების და სახელმწიფოს მიერ აღიარებული სხვა საერთაშორისო სამართლებრივი აქტების შესაბამისად).
2. კლუბის წევრი მოქმედებს ბავშვთა ინტერესებიდან გამომდინარე.
3. კლუბის წევრი თანასწორად ეპყრობა თითოეული ბავშვს. იცავს მას და მის მშობელს დისკრიმინაციისგან: რასის, კანის ფერის, სქესის, ენის, რელიგიის, პოლიტიკური თუ სხვა მრწამსის, ეროვნული, ეთნიკური თუ სოციალური კუთვნილების, ქონებრივი მდგომარეობის, ჯანმრთელობის მდგომარეობის, საქმიანობის, შეხედულებების ან სხვა ნიშნის მიუხედავად.
4. კლუბის წევრი დამოუკიდებელია ყოველგვარი გავლენისგან, ზეწოლისგან, პირადი ინტერესისგან.
5. კლუბის წევრი კორექტულად და თავაზიანად გამოთქვამს აზრს, პატივს სცემს ადამიანის ღირსებას.
6. კლუბის წევრი პატივს სცემს სკოლის, ასევე სხვა კერძო ან საჯარო დაწესებულების ორგანიზაციულ კულტურას და იცავს მის შინაგანაწესს.
7. კლუბის წევრი თავისი ქცევით საფრთხეს არ უქმნის სხვა ადამიანებს.
8. კლუბის წევრი იცავს ინფორმაციის კონფიდენციალურობას. კონფიდენციალობის ვალდებულება არ არის შეზღუდული დროში.
9. კლუბის წევრი არ მოქმედებს და საუბრობს კლუბის სახელით კლუბის ხელძღვანელობასთან შეუთანხმებლად.
10. კლუბის წევრი მოხალისეობრივად უნაწილებს თავის ცოდნას და გამოცდილებას სხვა წევრებს.

კლუბის წესდება

საჯარო სკოლის მოსწავლეთა მშობლების კლუბის წესდება უნდა წარმოადგენდეს სკოლისა და კლუბის წევრების შეთანხმებას ყველა ძირითად საკითხზე.  ამ შეთანხმების მიღწევა მეტად მნიშვნელოვანია, რადგან მშობლების კლუბი სკოლის შემადგენელი ნაწილია და მისი მოქმედება მეტ-ნაკლებად თანხვედრაში უნდა იყოს სკოლის ორგანიზაციულ კულტურასთან. წინააღმდეგ შემთხვევაში დიდი რისკია, რომ კლუბის მუშაობა სასურველ შედეგს ვერ გამოიღებს.

ქვემოთ იხილეთ კლუბის წესდების შაბლონური ნიმუში, რომელიც დაგეხმარებათ ზოგადი წარმოდგენის შექმნაში და გაგიადვილებთ თქვენს რეალობაზე მორგებული წესდების შექმნას.

მშობელთა კლუბის წესდება

მუხლი 1

ზოგადი დებულებები

1.1.  მიუთითეთ კლუბის ფორმა (საინიციატივო ჯგუფი, ააიპ ან სხვა)

1.2. კლუბის სახელწოდება: (უმჯობესია კლუბს დაარქვათ სახელი, რადგან სკოლაში შეიძლება მშობლების რამდენიმე კლუბი არსებობდეს)

1.3. კლუბის საკონტაქტორი ინფორმაცია და მისამართი (მისამართი იმ შემთხვევაში, თუ არსებობს სივრცე მუშაობისთვის)

1.4.    კლუბის მიზანია ———————————————————————————————————————————————————————————————————————————————————————————————————————————————————————————————————————————————————————————————————————————————————————————————

1.5. კლუბის ამოცანებია  ——————————————————————————————————————————————————————————————————————————————————————————————————————————————————————————————————————————————————————————————————————————————————————————————

1.6. სკოლის უფლება-მოვალეობები კლუბის საქმიანობასთან მიმართებაში

1.6.1. სკოლის უფლებები ————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————-

1.6.2. სკოლის მოვალეობები ————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————-

მუხლი 2

კლუბის დამფუძნებელი წევრები

2.1.  კლუბის დამფუძნებელი წევრები არიან:

1. (სახელი, გვარი, პირადი ნომერი, მისამართი, დაბადების თარიღი)
2. ——————————————————————————-
3. ——————————————————————————-
4. ——————————————————————————-
5. ——————————————————————————-
6. ——————————————————————————-
7. ——————————————————————————-
8. ——————————————————————————-
9. ——————————————————————————-
10. ——————————————————————————-

მუხლი 3

კლუბის წევრობა

• კლუბის წევრობა

3.1.1 (ვინ შეიძლება იყვნენ კლუბის წევრები, მაგალითად, დაწყებითი, საბაზო ან საშუალო საფეხურის მოსწავლის მშობლები. ან ამა თუ იმ სკოლის მოსწავლეთა მშობლები)

• გაწევრიანება
  • (როგორ მოხდება კლუბში ახალი წევრების მიღება – განაცხადი უნდა დაწერონ, სიტყვიერად მიმართონ დამფუძნებლებს, ვინ უნდა მიიღოს გადაწყვეტილება, რა ვადაში უნდა აცნობონ პასუხი.)

• წევრობის შეწყვეტა

(რა შემთხევაში შეიძლება კლუბის წევრს შეუწყდეს წევრობა? მაგალითად,

კლუბის წევრს შესაძლოა შეუწყდეს წევრობა:

• საკუთარი განცხადების საფუძველზე
• კლუბის წესდების და ეთიკის სტანდარტების დარღვევის შემთხვევაში.)

• წევრთა უფლება-მოვალეობები

• წევრის უფლებები

(რა უფლებები აქვთ წევრებს? მაგალითად,

• აირჩიოს და არჩეულ იყოს კლუბის ხელმძღვანელად
• კლუბის კრებაზე წამოაყენოს საკითხი განსახილველად
• მონაწილეობა მიიღოს გადასაწყვეტი საკითხების კენჭისყრაში)

• წევრის ვალდებულებები

(რა ვალდებულებები აქვთ წევრებს? მაგალითად,

• რა სიხშირით უნდა დაესწროს კლუბის კრებებს
• დაიცვას კლუბის ეთიკის ნორმები)

მუხლი 4

კლუბის მართვა და ხელმძღვანელობა/წარმომადგენლობა

(ვინ მართავს კლუბს: გამგეობა, კლუბის ხელძღვანელი თუ წევრები ერთად?)

4.1. მართვის საკითხები

• (ვინ ამტკიცებს სამოქმედო გეგმას;
• ვინ ირჩევს/ნიშნავს კლუბის ხელმძღვანელს
• ვინ იღებს გადაწყვეტილებას წევრად მიღების და შეწვეტის შესახებ
• ვინ ურთიერთობს სკოლასთან?
• ვინ ურთიერთობს მესამე პირებთან?)

მუხლი 5

კლუბის  ლიკვიდაცია/რეორგანიზაცია

– (რა შემთხვევაში გაუქმდება კლუბი

– როგორ მიიღება გადაწყვეტილება გაუქმების შესახებ)

——-

მშობელთა კლუბის ამგვარი მოწყობა ხელს შეუწყობს მის მდგრად ფუნქციონირებას, უზრუნველყოფს მშობელთა გააზრებულ ჩართულობას და სასკოლო საზოგადოების წევრებს შორის ადექვატური მოლოდინების შექმნას.