ვაღიარებთ, რომ განათლებაში ტექნოლოგიები და ინოვაციები ძალიან მნიშვნელოვანია, რომ მათ სასწავლო პროცესი საინტერესო და მრავალფეროვანი გახადეს. თუმცა, ამ ინსტრუმენტებს ჩვენს ყოველდღიურ ცხოვრებაში გაცილებით მეტი ფუნქცია და დატვირთვა აქვთ, ვიდრე ჩვენ წარმოვიდგენთ.
უკვე ხშირად და ღიად ვსაუბრობთ იმაზე, ჩაანაცვლებს თუ არა მასწავლებელს ხელოვნური ინტელექტი გაკვეთილზე და ამ საუბარში შიშიც იგრძნობა.
შიში შესაძლოა, უსაფუძვლო არ გახლავთ, მაგრამ იმისათვის, რომ გავიაზროთ ხელოვნურ ინტელექტსა და განათლებას შორის არსებული კავშირები, კარგად უნდა ვიცოდეთ მისი შესაძლებლობები, სიკეთეები და საფრთხეები.
ხელოვნური ინტელექტის მკვლევრები გამოთქვამენ იმედს, რომ ხელოვნური ინტელექტი დაზოგავს მასწავლებლის დროს. არის ვარაუდიც, რომ ხელოვნური ინტელექტი, რაღაც მომენტში, მასწავლებლის უსარგებლობას გამოიწვევს ან მისი ფუნქცია ტექნოლოგიების მართვა იქნება და დაევალება მხოლოდ მოსწავლის ყოფაქცევის კონტროლი, ან მოწყობილობის ტექნიკური მართვა.
განათლების მკვლევრები და ექსპერტები მსჯელობენ იმაზეც, რა უნდა იცოდნენ მასწავლებლებმა ხელოვნური ინტელექტის შესახებ, რათა მომზადებულები შეხვდნენ ახალ გამოწვევებს.
ჯერჯერობით ხელოვნური ინტელექტი დამხმარე ინსტრუმენტია სწავლებისთვის და არა მთავარი მოთამაშე. ამიტომ აუცილებელია, გადამოწმდეს ყველა ის ინფორმაცია, რომელსაც მისგან მივიღებთ. ყველაფერი, რასაც ჩატბოტები ამბობენ, ხელოვნური ინტელექტის პროდუქტია და არა ადამიანის ნააზრევი.
თუკი ChatGPT-ს მასწავლებლის პროფესიაზე დაუსვამთ შეკითხვებს, არ დაიზარებთ და ამ შეკითხვებს დროის სხვადასხვა ინტერვალში გადაამოწმებთ, ნახავთ, რომ ის მასწავლებელს სხვადასხვა დანიშნულებას უძებნის. აქ ნამდვილად არ ცდება. ჩვენი პროფესია მართლაც ასეთი უნდა იყოს, დროის თანამედროვე.
„ მიუხედავად იმისა, რომ შემიძლია ვიყო დამხმარე ინსტრუმენტი მასწავლებლებისა და პროფესორებისთვის, აუცილებელია ჩემი გამოყენება გააზრებულად და პასუხისმგებლობით, ტრადიციული სწავლების მეთოდებსა და კრიტიკული აზროვნების პრაქტიკასთან ერთად“ – ესეც ChatGPT -ის პასუხია.
„შესაძლებელია თუ არა ისეთი სისტემის შექმნა, რომელიც გაითვალისწინებს მოსწავლის არსებულ ცოდნას და ათვისების უნარს, ხარვეზებს მის წინარე ცოდნაში და შექმნის მასზე მორგებულ საუკეთესო სწავლების მოდელს და კურიკულუმს? შეძლებს თუ არა ასეთი სისტემა, მხედველობაში მიიღოს მოსწავლის ფსიქოლოგიური მდგომარეობა, განწყობა, ინტერესები და კვალიფიციურ მასწავლებელზე უკეთ ასწავლოს? ამ ტიპის „ჭკვიანი მასწავლებლის სისტემის“ (Intelligent Tutoring System) შექმნაზე დღეს ბევრი კვლევითი ცენტრი და მაღალტექნოლოგიური კომპანია მუშაობს” – ამბობს ალტე უნივერსიტეტის ციფრული ტრანსფორმაციის ცენტრის დირექტორი, პროექტის ქართული წარმომადგენლობის ხელმძღვანელი ნანა დიხამინჯია სტატიაში – „როგორ გარდაქმნის განათლებას ხელოვნური ინტელექტი“.
ჯერჯერობით, რაზეც განათლებისა და ხელოვნური ინტელექტის მკვლევრები თანხმდებიან ისაა, რომ, ხელოვნური ინტელექტის განვითარებასთან ერთად, უფრო ბუნდოვანი გახდება ზღვარი ფორმალურ, სასკოლო განათლებასა და თვითმართვად, ინდივიდუალურ განათლებას შორის. აკრძალვებითა და წინააღმდეგობის გაწევით ამ პროცესს ვერ შევაჩერებთ, უმჯობესია, ვისწავლოთ და ვასწავლოთ.
მთავარი რედაქტორი – ნატო ინგოროყვა
რედაქტორები: მანანა ბოჭორიშვილი, ნან მაჭავარიანი, ირმა ტაველიძე, ქეთევან ნიკოლეშვილი
დიზაინერი– ბესიკ დანელია
მხატვარ-ილუსტრატორი – მამუკა ტყეშელაშვილი
ნომრის ავტორები:
მაია ჯალიაშვილი, მაია ფირჩხაძე, ქეთევან კობალაძე, ლელა კოტორაშვილი, ქეთევან ოსიაშვილი, ნინო ლომიძე, შორენა ტყეშელაშვილი, თინათინ ზარდიაშვილი, ანა ღვინიანიძე, ირმა ტაველიძე, სოფიო კუბლაშვილი, მარიამ ჯამდელიანი, მარიამ გოდუაძე, მაია მენაბდე, ქრისტინა სურგულაძე
ნომრის წაკითხვა და ჩამოწერა შესაძლებელია ბმულიდან:
