თერმოდინამიკა შეისწავლის სითბური პროცესების დინამიკას ნივთიერებებში, იკვლევს პირობებს, რომლის დროსაც სითბური ენერგია მექანიკურ ენერგიად გარდაიქმნება. თერმოდინამიკაში ხშირად გამოიყენება ცნება – სისტემა. იგი გულისხმობს ერთმანეთთან გარკვეულ ურთიერთქმედებაში მყოფი სხვადასხვა ობიექტის ერთობლიობას. ამ აზრით სამყარო შეიძლება განვიხილოთ როგორც თერმოდინამიკური სისტემა. სისტემის წნევა, მოცულობა და ტემპერატურა სისტემის ის ძირითადი პარამეტრებია, რომლითაც გამოისახება სისტემის მახასიათებელი სხვა ფიზიკური სიდიდეები – ენერგია, მუშაობა, ენტროპია და სხვა. ერთ-ერთი ძირითადი ფიზიკური სიდიდე თერმოდინამიკაში სისტემის შინაგანი ენერგიაა, რომელიც სისტემის შემადგენელი მოლეკულების ქაოსური მოძრაობის კინეტიკური და მათი ურთიერთქმედების პოტენციური ენერგიების ჯამს წარმოადგენს. კინეტიკური ენერგია განსაზღვრავს სისტემის ტემპერატურას და არსებობს მისი რაოდენობრივი გამოსახულება, რასაც ვერ ვიტყვით პოტენციურ ენერგიაზე – მისი ფორმულით განსაზღვრა სისტემის შემადგენელი მოლეკულების დიდი რაოდენობის გამო სირთულეებს აწყდება.
შაბათი, აპრილი 27, 2024
ქ.თბილისი, სანდრო ეულის ქ. #5; +995 32 220 0 220 (4506)
ჟურნალ "მასწავლებელსა" და ინტერნეტ გაზეთ "mastsavlebeli.ge" -ში, რეკლამის განთავსების მსურველებმა დარეკეთ ნომერზე: +995 551 081 308
mastsavlebeli.ge-ზე გამოქვეყნებული ყველა მასალა წარმოადგენს გაზეთის საკუთრებას და დაცულია საქართველოს კანონით საავტორო და მომიჯნავე უფლებების შესახებ.
© 2022 ყველა უფლება დაცულია | დამზადებულია TATSSON.COM-ის მიერ