მასწავლებლები, არა მხოლოდ საქართველოში, არამედ მთელ მსოფლიოში, სრულიად მოულოდნელად, თითქოს სხვა სამყაროში აღმოვჩნდით. ამ უჩვეულო გარემოში კი ყველაფერი, რის გაკეთებაც ჩვენ მოგვიხდა და შევძელით, ალბათ წლების წინ ვინმეს რომ შემოეთავაზებინა, არარეალურად და შეუძლებლად მოგვეჩვენებოდა.
რთული იყო ეს მოულოდნელი სინამდვილე, მაგრამ ალბათ საჭიროც. ყოველი დღე თითქოს ახალი გამოწვევაა, ახალ-ახალი საფიქრალითა და დატვირთვით. პირისპირ სწავლების პროცესში, შესაძლებლობა იმისა, რომ ერთმანეთს შევხვედროდით და გამოცდილება გაგვეზიარებინა ერთმანეთისთვის, გაცილებით ნაკლები იყო. შექმნილი გარემოების გამო, ყველანი ერთმანეთის ვირტუალური მეგობრები გავხდით. ვცდილობთ, ვაგრძნობინოთ ერთურთს, რომ მარტო არ ვართ. ასეთი ურთიერთანამშრომლობა, მართლაც სამაგალითო და დასაფასებელია. კოლეგებმა მალევე დავიწყეთ საგნობრივი თუ სხვადასხვა ტიპის ჯგუფების შექმნა და გამოცდილების გაზიარება. ასევე აუცილებელი იყო, ჩვენს მოსწავლეებს არ ეგრძნოთ, რომ მასწავლებლებმა თავი ვერ გავართვით ამ სირთულეს და არ შეგვეძლო მობილიზება უწყვეტი სასწავლო პროცესისთვის. ჩვენი ვალდებულებაა, მათ არ ვაგრძნობინოთ სირთულეები და პოზიტიური გარემო ვირტუალურ სივრცეში გადავიტანოთ, რადგან სწავლა-სწავლების ასეთი ფორმა მათთვისაც უცხოა და მთელ რიგ სტრესებთან არის დაკავშირებული.
შევეცდები, გაგიზიაროთ ის საინტერესო რესურსები, რომლებიც მოსწავლეებთან ურთიერთობაში და დისტანციური სწავლების საინტერესოდ და სახალისოდ წარმართვაში დაგვეხმარება.
სასწავლო პროცესში, სხვადასხვა საგანში ძალზე საინტერესო გაკვეთილებით, ჩვენს მასწავლებლებს და მოსწავლეებს მალევე შემოეშველა „ტელესკოლა“. შეიქმნა სივრცე, სადაც ”საკლასო ოთახი მთელი საქართველო გახდა“.
არსებული გამოწვევების დაძლევაში, კოლეგებთან და მოსწავლეებთან კომუნიკაციაში სამი პლატფორმა დაგვეხმარა: მაიკროსოფტ თიმსი (Microsoft Teams), გუგლ მითი( Google meet) და ზუმი (Zoom). ამ პლატფორმების საშუალებით ადვილად დავგეგმეთ შეხვედრები და საგანმანათლებლო პროცესზე მორგებული გაკვეთილები ჩავატარეთ, რომელსაც დღესაც წარმატებით ვაგრძელებთ. აქვე გაგიზიარებთ ყველა იმ ძირითადი საკითხების ვიდეო ინსტრუქციებს, როგორიცაა: კლასის გააქტიურება, შეტყობინების დატოვება, ვიდეო ზარის წამოწყება, დავალების მიცემა და უკუკავშირი, ქვიზის შექმნა, კალენდარში გაკვეთილის ჩანიშვნა და ა. შ., რაც თიმსის უკეთ გამოყენებაში დაგეხმარებათ:
გარდა ამისა, მინდა შემოგთავაზოთ სხვადასხვა ინსტრუმენტი, რომლებიც ჩვენს დისტანციურ სასწავლო პროცესს საინტერესოს გახდის და გაგვიადვილებს ცოდნის გადაცემისა და მიღების პროცესს:
ინტერნეტგაზეთი https://mastsavlebeli.ge
მასწავლებლებს ყოველთვის გვანებივრებდა საინტერესო რესურსებით, ამ სიტუაციაშიც ჩვენი დიდი მხარდამჭერი აღმოჩნდა და ვებ-გვერდი სწრაფად ივსებოდა ჩვენს საჭიროებებზე მორგებული ახალ-ახალი რესურსებით, რომლებიც ჩვენი გზამკვლევი აღმოჩნდა დისტანციური სწავლა-სწავლების პროცესში. გიზიარებთ წიგნს, რომელშიც გაეცნობით მასალებს ჩვენი მასწავლებლების დისტანციური გაკვეთილებიდან. ეს გაკვეთილები, უკეთესი ორიენტირებისთვის რამდენიმე ნაწილადაა დაყოფილი: გაკვეთილები, რომლებიც საკლასო ოთახებში შეგვეშველებიან, უსაფრთხოების გაკვეთილები, გაკვეთილები მშობლებისთვის და გაკვეთილები, რომლებიც აუცილებლად თან უნდა ვიკითხოთ.
გაკვეთილები დისტანციური სწავლებისთვის
აუცილებლად გამოგადგებათ რეკომენდაციები ეფექტური ვიდეო-გაკვეთილების შექმნისთვის, სადაც გაეცნობით, როგორ დავგეგმოთ და წარვმართოთ ვიდეო-გაკვეთილი ისე, რომ შევძლოთ საგანმანათლებლო მიზნების მიღწევა და მოსწავლეთა ჩართულობის მაღალი დონის შენარჩუნება.
რეკომენდაციები ეფექტური ვიდეო-გაკვეთილების შექმნისთვის
ჯგუფური მუშაობა დისტანციური სწავლებისას
დისტანციური სწავლება როგორც სინქრონული, ასევე ასინქრონული, ძირითადად, ინდივიდუალურ დავალებებს მოიცავს. იმ ფონზე, როდესაც მოსწავლეები სახლებში იმყოფებიან, დიდია მათი ასოციალიზაციის რისკი. ამასთან, შეიძლება ჩამოყალიბდეს ადიქციური ქცევა. ვფიქრობ, მიუხედავად შექმნილი გარემოებისა, მასწავლებლებმა ხელი უნდა შევუწყოთ ჯგუფური მუშაობის ელემენტების შემოტანას, ჯგუფური მუშაობისთვის კი ძალიან მოსახერხებელია ე.წ პადლეტის დაფა, რომლის გამოყენების ვიდეო ინსტრუქციასაც ასევე იხილავთ ბმულზე
ჯგუფური მუშაობა დისტანციური სწავლებისას
სწავლა-სწავლება პანდემიის დროს
როგორ გამოვიყენოთ ფილმები, წიგნები და სხვადასხვა ინსტრუმენტები შემოქმედებითი და მრავალფეროვანი გაკვეთილისთვის
სწავლა-სწავლება პანდემიის დროს
ფიზიკური აღზრდა დისტანციური სწავლების დროს
ფიზიკური აღზრდა და სპორტი ერთ-ერთი მნიშვნელოვანი საგანმანათლებლო დისციპლინაა, რომელიც დიდ როლს ასრულებს ბავშვის, როგორც ფიზიკური, ისე კოგნიტური, მეტყველებისა და სოციალურ-ემოციური სფეროს განვითარებაში. ხელს უწყობს ჯანმრთელობის განმტკიცებას და გაკაჟებას, სხეულის პროპორციებისა და სწორი ტანადობის ჩამოყალიბებას, მოსწავლის აკადემიური მოსწრების მაჩვენებლების გაუმჯობესებას. სტატიაში იხილავთ, თუ როგორ შეიძლება მოსწავლეებმა სახლის პირობებში სწორად ივარჯიშონ.
ფიზიკური აღზრდა დისტანციური სწავლებისას
სხვადასხვა სპორტული აქტივობები ასევე შეგიძლიათ იხილოთ ბმულზე:
ვფიქრობ, თქვენს მოსწავლეებს განსაკუთრებით გაახალისებს საქართველოს ეროვნული არქივის მიერ შემოთავაზებული ქართული ზღაპრების აუდიო ბიბლიოთეკა, სადაც მათ ზღაპრებს გამოჩენილი ქართველი მსახიობები წაუკითხავენ:
ქართული ზღაპრები ახალი ჩანაწერები
საქართველოს ეროვნულმა მუზეუმმაც იზრუნა პატარებზე და სპეციალურად მათთვის შექმნა ონლაინ ფორმატით ნიკო ფიროსმანაშვილის პერსონაჟების მიხედვით გასაფერადებელი ნახატები. ჩვენს პატარებს შესაძლებლობა აქვთ ფიროსმანის ნახატებსაც გაეცნონ:
ვფიქრობ, საინტერესო რესურსია ისტორიის მასწავლებლებისთვის „ექსპონატით მოყოლილი საქართველოს ისტორია“, რომლის საშუალებით მოსწავლეები გაეცნობიან უნიკალური ექსპონატების ისტორიებსა და ფაქტებს, რომელსაც ვერც საგამოფენო ეტიკეტზე ამოიკითხავენ და ვერც საინფორმაციო დაფაზე:
ექსპონატით მოყოლილი საქართველოს ისტორია
ხელოვნების მასწავლებლები აღნიშნული ბმულის დახმარებით(https://www.artsteps.com) საშუალებას მისცემენ მოსწავლეებს განივითარონ ფანტაზიის და წარმოსახვის უნარი, მათ შესაძლებლობა აქვთ, შექმნან საკუთარი ვირტუალური საგამოფენო სივრცე, ამაში კი ვიდეო ინსტრუქცია დაგეხმარებათ:
ხატვის მასწავლებლები კი მარტივად გააცნობენ მოსწავლეებს ხატვის უნიკალურ ტექნიკას, ხატვის ორიგინალურ და მარტივ მეთოდებს:
ბევრი საინტერესო მასალა და ელექტრონული რესურსია ქიმიის სწავლებისთვის, მათ შორის, ტელესკოლის ვიდეო გაკვეთილები ქიმიაში, რომლებიც ძირითადად ექსპერიმენტული ნაწილითაა დატვირთული, შეგიძლიათ, იხილოთ კლასებისა და თემების მიხედვით ბმულზე:
ტელესკოლის ვიდეოგაკვეთილები ქიმიაში
www.el.ge ელექტრონული ბიბლიოთეკა გთავაზობთ კომპლექსური საშინაო დავალებების კრებულებს სხვადასხვა საგნობრივი მიმართულებით, I-XII კლასის მოსწავლეებისთვის. აქვე განთავსებულია ვიდეოები, ანიმაციები, ვებინარები, დოკუმენტური და მხატვრული ფილმები და ა. შ.
ვიდეო გაკვეთილები ცალკეული თემების მიხედვით შეგიძლიათ იხილოთ ბმულზე:
საბუნებისმეტყველო საგნებში მნიშვნელოვანია საგაკვეთილო პროცესის ექსპერიმენტული ნაწილით უზრუნველყოფა, სიმულაციები კი დისტანციური სწავლა-სწავლების პირობებში ძალზე გამოსადეგი სასწავლო რესურსებია. გთავაზობთ სიმულაციებს სხვადასხვა საგანში. რესურსების ძირითადი ნაწილი ქართულადაა თარგმნილი, მხოლოდ ტერმინები შეიძლება შეგხვდეთ ინგლისურ ენაზე:
ბიოლოგიის მასწავლებლები შეძლებენ, ანიმაციების ფონზე აუხსნან მოსწავლეებს გენეტიკის რამდენიმე საკითხი:
https://learn.genetics.utah.edu/content/basics/
შეგიძლიათ იხილოთ მარტივი სიმულაციები ბუნებისმეტყველებასა და ქიმიაში:
სიმულაციები ბუნებისმეტყველებასა და ქიმიაში:
მრავალფეროვანი საგანმანათლებლო თამაშების პროგრამების გადმოწერას შეძლებთ ბმულიდან:
დაბოლოს, მინდა გაგიზიაროთ ვებ-გვერდი www.Quizlet.com, რომელიც ძალზე მოხერხებული და ადვილად აღქმადი ვებ-გვერდია, სადაც შესაძლებლობა გაქვთ, შექმნათ სასურველი რაოდენობის საკითხების, თემების ნუსხა, რომელიც შეგიძლიათ, სხვადასხვა აქტივობის სახით მიაწოდოთ მოსწავლეებს. არის თამაშები, სადაც იწერება ქულები, რომელთა გაუმჯობესებაც მოსწავლეებს მუდმივად შეუძლიათ. აქვე დავურთავ Quizlet-ით სარგებლობის ინსტრუქციას.
Quizlet-ით სარგებლობის ინსტრუქცია
შედიხართ www.quizlet.com – ზე და მარჯვენა ზედა კუთხეში ირჩევთ “sign up”
გამოჩნდება ახალი ფანჯარა, სადაც შეგიძლიათ, რეგისტრაციის გავლის გარეშეც, აირჩიოთ სისტემაში შესვლა Google ელექტრონული ფოსტის სახელითა და პაროლით ან Facebook-ის მონაცემებით.
თუ მოისურვებთ რეგისტრაციას, მაშინ უნდა შეავსოთ მონაცემებისთვის განკუთვნილი ველები:
ამ ეტაპის დასრულების შემდეგ შედიხართ სისტემაში და ქმნით კლასს:
კლასის შესაქმნელად დაგჭირდებათ შემდეგი მონაცემების შევსება:
შემდეგი ეტაპია მოსწავლეების დამატება:
შექმნილ კლასში ამატებთ სასურველ თემებს (საკითხებს):
გამოჩნდება ახალი ფანჯარა, სადაც უთითებთ სასურველ თემას
სასურველი რაოდენობის საკითხების დამატების შემდეგ, ყველაფერს ინახავთ. ამის შემდეგ თქვენ მიერ შევსებული მასალა მოსწავლეებს მიეწოდება მრავალფეროვანი აქტივობების საშუალებით, მაგ: ე. წ. „ფლეშქარდები“
Learn და Write საშულებით მოსწავლეს შეუძლია, რამოდენიმეჯერ გაიმეოროს საკითხი. პასუხის დროს საკითხი, რომელშიც ყველაზე მეტ შეცდომას უშვებს მოსწავლე, ინიშნება მაგ:
ხოლო match და gravity არის თამაშები, რომლებშიც მოსწავლეებს შესაბამისობის პრინციპით კითხვასთან სწორი პასუხების დაკავშირება უწევთ და ასევე უწევთ მისი ჩაწერა სპეციალურად გამოყოფილ გრაფაში. ეს ყველაფერი დამოკიდებულია დროზეც. მთელი კლასის მონაცემები გროვდება, იწერება ქულები, რომელთა გაუმჯობესებაც მოსწავლეებს თამაშით შეუძლიათ.
Gravity:
გარდა თამაშებისა, თქვენ ასევე შეგიძლიათ, შექმნათ ტესტი, რომელშიც გათვალისწინებული იქნება სხვადასხვა ტიპის კითხვები (არჩევითპასუხიანი, ღია კითხვები, შესაბამისობის, მცდარია/სწორია და ა. შ.) და ამ კითხვებზე მოსწავლეებს პასუხის გაცემა მოუწევთ.
შესაძლებელია ტესტების ამობეჭდვაც
თვალსაჩინოა, რომ ჩვენმა მასწავლებლებმა მალევე თავად დაიწყეს მოსწავლეებისთვის ახალი და საინტერესო დისტანციური რესურსების შექმნა და იმედია, „რესურსების ბანკი“ სამომავლოდ უფრო მეტად გამდიდრდება.
სტატია მომზადებულია ახალი საგანმანათლებლო პროექტის “iსკოლა”-ს ფარგლებში.
