პარასკევი, მარტი 29, 2024
29 მარტი, პარასკევი, 2024

როგორი მასწავლებელი ვარ?

შემოხაზეთ თქვენს მოსაზრებასთან ყველაზე მიახლოებული პასუხი (სამიდან – მხოლოდ ერთი). დააჯამეთ პასუხები შეკითხვის ნუმერაციის მიხედვით.
1. გაკვეთილზე თითქმის არასოდეს ვიგვიანებ.
2. ხშირად მაგვიანდება.
3. დროულად თითქმის არასოდეს მივდივარ.
1. ყოველთვის ვცდილობ გადავამოწმო, ყველა მოსწავლემ დაწერა თუ არა დავალება.
2. დავალებას მხოლოდ რამდენიმე მოსწავლეს ვუმოწმებ.
3. შემოწმებას აზრი არა აქვს.
1. თუ გაკვეთილზე ხმაური და არეულობაა, ესე იგი რაღაც ვერ გავთვალე.
2. თუ გაკვეთილზე ხმაური და არეულობაა, ესე იგი რამდენიმე მოსწავლეს ქცევის პრობლემები აქვს.
3. თუ გაკვეთილზე ხმაური და არეულობაა, ესე იგი მოსწავლეები ცუდად იქცევიან
1. გაკვეთილის დაწყებამდე ვიცი, რის გაკეთებას ვაპირებ.
2. გაკვეთილის დაწყების შემდეგ მახსენდება, რა უნდა გავაკეთო.
3. წინასწარ არაფერს ვგეგმავ.
1. საკლასო ოთახში ერთ პოზიციას იშვიათად ვინარჩუნებ: ხან ვზივარ, ხან ვდგავარ, ხან მოსწავლეებთან ახლოს მივდივარ.
2. უმეტესად მასწავლებლის მაგიდასთან ვზივარ ან ვდგავარ.
3. ფეხზე იშვიათად ვდგები.
1. როცა დაფაზე ვწერ, ვცდილობ დაფისკენ ზურგით ვიდგე და შევინარჩუნო მოსწავლეებთან ვიზუალური და ვერბალური კონტაქტი.
2. როცა დაფაზე ვწერ, დაფისკენ ვარ მიბრუნებული და თან ვლაპარაკობ.
3. როცა დაფაზე ვწერ, მოსწავლეებისკენ ზურგით ვდგავარ და წერის დასრულების შემდეგ განვაგრძობ ლაპარაკს.
1. ჩემს გაკვეთილზე უმეტესად მოსწავლეები ლაპარაკობენ.
2. ჩემს გაკვეთილზე თითქმის თანაბრად ისმის მოსწავლეებისა და მასწავლებლის ლაპარაკი.
3. უმეტესად მე ვლაპარაკობ.
1. ვცდილობ, ყოველი დადებითი შემთხვევისას შევაქო მოსწავლე.
2. კარგი ნიშანი საკმარისია დადებითი შეფასების გამოსახატავად. სიტყვიერად იშვიათად ვაქებ.
3. უმეტესად მოსწავლეების დასჯა მიწევს, შექება – იშვიათად.

1-8: ნამდვილად გამოცდილი მასწავლებელი ბრძანდებით და კარგად იცნობთ სწავლების თანამედროვე მეთოდიკებსა და მიდგომებს.
9-16: საკმაოდ კარგი მასწავლებელი ბრძანდებით, თუმცა შედარებით ნაკლები პასუხისმგებლობით ეკიდებით საკუთარ საქმიანობას. გახსოვდეთ, რომ თითოეული მოსწავლის ცხოვრებაში უმნიშვნელოვანესი ადგილი გიჭირავთ. თუ მოსწავლეებს უყვართ და აინტერესებთ საგანი, ეს მასწავლებლის დამსახურებაა, ხოლო თუ იგრძნეს, რომ მათი მასწავლებელი არ არის დაინტერესებული თითოეული მოსწავლის პროგრესით, სწავლის მოტივაცია იკარგება. ეცადეთ, მეტი ინფორმაცია მიიღოთ სწავლების თანამედროვე მეთოდების შესახებ. გამოიჩინეთ ტრეინინგებში მონაწილეობის ინტერესი, გაეცანით პროფესიულ ლიტერატურას. მასწავლებლობა სწავლებასთან ერთად სწავლასაც გულისხმობს. რაც უფრო მეტი მონდომებით მოეკიდებით თქვენს პროფესიას, მით უფრო თვალსაჩინო შედეგს მიიღებთ.
17-23: თქვენთვის მასწავლებლობა მძიმე ტვირთია. პროფესიულ საქმიანობაში პრობლემებს აწყდებით, თუმცა მათ მიზეზს სხვაგან ეძებთ. კარგი იქნება, თუ გადააფასებთ თქვენს პირად შეხედულებებსა და მიდგომებს. გახსოვდეთ, თუ გაკვეთილი ქაოსური და უმართავია, ეს მოსწავლეების ბრალი არ არის. დაწყებამდე კარგად დაგეგმეთ გაკვეთილი, დაფიქრდით, როგორი ფორმით მიაწვდით მოსწავლეებს ახალ მასალას. შეარჩიეთ რაც შეიძლება სახალისო გზები. გამოიჩინეთ მეტი მობილურობა საკლასო ოთახში. არ დაგავიწყდეთ, მიაქციოთ ყურადღება მოსწავლეებს ინდივიდუალური მუშაობის პროცესში. ეცადეთ გამოიმუშაოთ დაფაზე ისე წერის უნარი, რომ წერის დროს დაფისკენ ზურგით იდგეთ და მოსწავლეებთან ვიზუალური კონტაქტი შეინარჩუნოთ (მცირე პრაქტიკის შემდეგ ეს საკმაოდ ადვილი მოგეჩვენებათ). თუ გაკვეთილზე უმეტესად თქვენი ხმა ისმის, ესე იგი მოსწავლეების უმეტესობა არაფერს სწავლობს. მაქსიმალურად შეზღუდეთ თქვენი სალაპარაკო დრო და მიეცით მოსწავლეებს ახალშეძენილი ცოდნის გამოხატვის საშუალება. არასოდეს დაგავიწყდეთ მოსწავლეების შექება. გირჩევთ, მეტი განვითარებისთვის პროფესიულ ცენტრებს მიმართოთ. გისურვებთ წარმატებებს!

კომენტარები

მსგავსი სიახლეები

ბოლო სიახლეები

ვიდეობლოგი

ბიბლიოთეკა

ჟურნალი „მასწავლებელი“

შრიფტის ზომა
კონტრასტი