ახალგაზრდებთან ურთიერთობაზე კარგი არაფერია, მით უფრო რომ მასწავლებლისა და მოსწავლის ურთიერთობა ყოველ დღე ბეწვის ხიდზე გასვლაა, ბალანსი არ უნდა დაკარგო, რომ არც ფამილიარულ ურთიერთობაში გადახვიდე და არც უზომოდ ოფიციალური იყო.
სტატიის წერისას ერთი ისტორია გამახსენდა. ჩემ ბავშვობაში ერთ მეზობელს დასცინოდნენ, რომელიც სახლიდან გასვლისას შვილებს უბარებდა, აქაა ნავთი, და აქ ასანთი. ოღონდ ცეცხლი არ გააჩინოთო. ხალხი ფიქრობდა რომ ამით ის სახლის გადაწვისკენ უბიძგებდა შვილებს და ნივთების დამალვა უკეთესი იქნებოდა. ჩემ წერილზეც შეიძლება ბევრს გაეცინოს, ან გაბრაზდეს, მაგრამ ვფიქრობ უკეთესია ადამიანს იარაღის გამოყენება ასწავლო, ვიდრე დაუმალო. ის ხომ მაინც გამოიყენებს.
მოსწავლეებს ხშირად მოაქვთ ხელოვნური ინტელექტის მიერ შექმნილი დავალება, უცებ ვხვდები და ბევრჯერ ვფიქრობ, რა აზრი აქვს, რისთვის ვაძლევ საერთოდ დავალებას. ერთ-ერთი ასეთი შემთხვევის დროს შევწყვიტე ფიზიკის ახსნა და ვასწავლე როგორ გამოიყენონ AI. დღეს სტატიად ვაქციე და იქნებ თქვენც გამოგადგეთ.
ხელოვნური ინტელექტი (AI), მაგალითად ChatGPT, არის ძალიან ძლიერი ინსტრუმენტი, რომელიც დაგეხმარება სწავლაში. დაიმახსოვრე: AI არის შენი ასისტენტი, და არა შენი შემცვლელი!
ნაბიჯი 1: როგორ გამოვიყენოთ
| AI-ს ფუნქცია | როგორ მუშაობს | მაგალითი | ნიმუში |
| ახსნა და გაგება | თუ რამე ვერ გაიგე, AI აგიხსნის რთულ თემას მარტივ ენაზე | ამიხსენი რაში მდგომარეობს ენერგიის მუდმივობის კანონი | კი, სიამოვნებით აგიხსნით ენერგიის მუდმივობის კანონს.
ეს არის ბუნების ერთ-ერთი ფუნდამენტური კანონი, რომელიც ამბობს: ჩაკეტილი (იზოლირებული) სისტემის სრული ენერგია დროთა განმავლობაში მუდმივი რჩება (ინახება). |
| რედაქტირება და შემოწმება | შეიმუშავებს ამოცანის ამოხსნის ნაბიჯებს | შეადგინე ამ ამოცანის ამოხსნის გეგმა, მხოლოდ კითხვები, რომ პასუხამდე მე თვითონ მივიდე:
3 მ სიმაღლეზე ჰკიდია ვაშლი. რას უდრის მისი სიჩქარე დედამიწაზე დაცემის მომენტში |
❓ კითხვები ამოცანის ამოსახსნელად
საწყისი პირობები (სიმაღლეზე)
საბოლოო პირობები (დაცემის მომენტი)
გათანაბრება და პასუხის პოვნა
|
| შეცდომების გასწორება | როცა დავალებას დაწერ, შეგიძლია AI-ს შეამოწმებინო ერთეულები | “შევამოწმე ეს ამოცანა. გთხოვ, ნახე, სწორად მაქვს თუ არა გამოყენებული ერთეულები და ლოგიკა:” [ტექსტის ჩასმა | გთხოვთ, გაითვალისწინოთ, რომ საბოლოო პასუხში მ/წმ-ის ნაცვლად უნდა გამოიყენოთ მ/წმ2
|
| სავარჯიშოების შექმნა | თუ გამოცდისთვის ემზადები, სთხოვე AI-ს, შექმნას ტესტები დამატებითი პრაქტიკისთვის | სთხოვე: შეადგინე 10 ამოცანა, ენერგიის მუდმივობის კანონის გამოყენებაზე |
ამოცანა ატრაქციონზესათხილამურო ატრაქციონის ვაგონეტი (რომლის მასა, ადამიანებთან ერთად, 200 კგ-ია დგას ბორცვის უმაღლეს წერტილზე. ამ უმაღლესი წერტილის სიმაღლე იატაკიდან არის 10 მეტრი. ვაგონეტი უძრავად იწყებს მოძრაობას (საწყისი სიჩქარე ნულის ტოლია). |
ნაბიჯი 2: AI-ს გამოყენების სამი მთავარი წესი
- არმოატყუო! – არ დააკოპირო ხელოვნური ინტელექტის მიერ შექმნილი ტექსტი და არ აჩვენო მასწავლებელს, როგორც შენი ნამუშევარი;
- გადაამოწმე ფაქტები – ხელოვნული ინტელექტი არ არის სახელმძღვანელო, შენი კრიტიკული აზროვნება ბევრად უფრო ძლიერია;
- ისწავლე მისი საშუალებით – არ სთხოვო დაგიწეროს დავალება, სთხოვე აგისხნას, გაგიწეროს ნაბიჯები.
- დაიმახსოვრე, ხელოვნური ინტელექტი გაძლევს ანკესს და არა დაჭერილ თევზს.
