განმარტების თანახმად, სასწავლო დღიური არის ინსტრუმენტი, რომელიც ხელს უწყობს სწავლის სწავლას და მოსწავლეს ეხმარება საკუთარი ძლიერი და სუსტი მხარეების განსაზღვრაში. იგი აქტიურად გამოიყენება თვითმართული სწავლების პროცესში, რადგან საკუთარი სწავლის გაცნობიერებას უწყობს ხელს (დანერგილია ფინეთის და სკანდინავიის რეგიონის სხვა ქვეყნებში).
სასწავლო დღიური ეფექტურ საგანმანათლებლო ინსტრუმენტად რამდენიმე მიზეზის გამო ითვლება. მისი უმთავრესი ღირებულებაა ის, რომ იგი კონკრეტული საკითხისა თუ საგნის შესწავლასთან ერთად, ცხოვრებისეული უნარებისა და მნიშვნელოვანი კომპეტენციების განვითარებას უწყობს ხელს. მისი მთავარი მიზანია მოსწავლეს ასწავლოს: შეჯამება, ანალიზი და კომენტარი.
სასწავლო დღიურის შექმნა შემსწავლელს შეუძლია დაიწყოს კონკრეტული პარაგრაფის, თემის/საკითხის, სემესტრისა თუ სასწავლო წლის დაწყების წინ. შესაბამისად, ინსტრუმენტი გამოიყენება მოკლევადიანი და გრძელვადიანი დაკვირვების საწარმოებლად.
სასწავლო დღიური დაფუძნებულია მოსწავლის (შემსწავლელის) თვითრეფლექსიაზე. სასწავლო პროცესის განმავლობაში მუდმივად უპასუხებს იმ კითხვებს/დებულებებს, რომლებიც შეიმუშავა დამოუკიდებლად ან შესთავაზა მასწავლებელმა. ამასთან, ნამუშევარი ხდება ერთგვარი თვითშეფასების ინსტრუმენტი.
სასწავლო დღიური მოსწავლეს ეხმარება ორგანიზების უნარების გამომუშავებასა და კოგნიტიური უნარების განვითარებაში. რაც მთავარია, პარაგრაფისა თუ საკითხის შესწავლის შემდეგ, მოსწავლეს ხელთ აქვს სრული სურათი, სადაც ჩანს მის მიერ გადადგმული ნაბიჯები, მიღწევები, შედეგები, გასაძლიერებელი მხარეები და ა.შ.
სტატიაში წარმოგიდგენთ სასწავლო დღიურის ორ მრავალკომპონენტიან და თვითრეფლექსიაზე დაფუძნებულ ვერსიას. თქვენი მოსწავლეების შესაძლებლობების გათვალისწინებით, შეგიძლიათ შეცვალოთ, დაამატოთ ან ამოიღოთ კითხვები მატრიციდან.
| თემის, საკითხის
დასახელება |
თემასთან, საკითხთან დაკავშირებული წინარე ცოდნა | ახალი ტერმინები და ცნებები | პასუხგაუცემელი
კითხვები, დილემები |
რესურსები, რომელსაც გავეცანი საკითხზე მუშაობისას (სათაური, ბმული…) |
|
|
||||
| საკვანძო და მნიშვნელოვანი დავალებები | მიდგომები, მეთოდები, აქტივობები რომლებიც დამეხმარა თემის შესწავლაში | სირთულეები რომლებსაც წავაწყდი საკითხზე მუშაობისას დროს | უნარები, რომლებიც გავივითარე საკითხზე მუშაობისას | თავისუფალი სივრცე – კომენტარის ველი |
|
|
|
შეიძლება მატრიცას/ცხრილს ჰქონდეს განსხვავებული დიზაინი. 2024-2025 სასწავლო წლიდან ვაპირებ სასწავლო დღიურის პრაქტიკაში აქტიურად გამოყენებას. თავდაპირველად დავურიგებ ამობეჭდილ ვერსიებს, ხოლო შემდეგ ვთხოვ, რომ ყველა მოსწავლემ ინდივიდუალურად გაამზადოს მისთვის სასურველი დიზაინით. შემოთავაზებული ინსტრუმენტის დანერგვა შესაძლებელია ნებისმიერ საგანში.
| რა იყო ყველაზე მნიშვნელოვანი რამ, რაც ვისწავლე ამ პარაგრაფის, საკითხის დამუშავებისას? | რა შემიძლია გავაკეთო ჩემი შედეგების გასაუმჯობესებლად მომავალ კვირას/სემესტრში? | საკითხები, რომელთა შესახებაც მინდა მეტი ვისწავლო/გავიგო არის… | როგორ შემიძლია საკუთარ თავს დავეხმარო პარაგრაფის, საკითხის შესწავლაში? |
|
|
|||
| რა იყო ყველაზე საინტერესო დავალება, რომელიც შევასრულე ამ პარაგრაფის, საკითხის შესწავლისას? | როგორ გამოვიყენებ მიღებულ ცოდნასა და გამოცდილებას პრაქტიკაში? | ხუთი ყველაზე საინტერესო კითხვა, რომელიც დაისვა/დავსვი პარაგრაფის, საკითხის შესწავლისას იყო… | პარაგრაფზე, თემაზე, საკითხზე მუშაობისას თავს ვგრძნობდი თავდაჯერებულად მაშინ, როცა… |
|
|
მასწავლებლის როლი და ინსტრუმენტის დანერგვასთან დაკავშირებული სირთულეები
მასწავლებელი ეხმარება მოსწავლეს სასწავლო დღიურის წარმოებაში. პირველ რიგში, ჩვენი მიზანია ავუხსნათ მოსწავლეებს სასწავლო დღიურის მნიშვნელობა და სარგებელი და მივაწოდოთ მკაფიო ინსტრუქციები დღიურის წარმოების წესის შესახებ. მეორე მნიშვნელოვანი კომპონენტია რეგულარული უკუკავშირი. ამ დროს სასურველია დავეხმაროთ პროგრესის შეფასებაში. მნიშვნელოვანია, რომ დღიურის წარმოებისთვის დავუთმოთ გაკვეთილის დრო, არ ვაქციოთ საშინაო დავალების სავალდებულო ნაწილად და წავახალისოთ ნებაყოფლობითობა.
ნებისმიერ ახალ წამოწყებაში მოსწავლეები დიდი ინტერესით ერთვებიან. შემდეგ, მათი მოტივაცია თანდათან იკლებს. ამ გამოწვევის თავიდან ასაცილებლად შეიძლება შევთავაზოთ წახალისების სხვადასხვა მექანიზმი. მაგალითად, სადისკუსიო კითხვების სასწავლო დღიურიდან შერჩევა, საინტერესო მიგნებებზე ერთობლივი მსჯელობა, მათი ელექტრონული ვერსიების მომზადება და ა.შ. თავის მხრივ, ციფრული სასწავლო დღიურების გამოყენება ხელს შეუწყობს ტექნოლოგიების გამოყენებასა და ისტ-ის ინტეგრირებას სასწავლო პროცესში.
გამოყენებული რესურსები:
როგორ ვაწარმოოთ შეფასებითი სასწავლო დღიური
გამზადებული მატრიცების გადმოსაწერად დააწკაპუნე აქ.
