მაია ფირჩხაძე
სწავლა რთული და ხანგრძლივი პროცესია და ამ გზაზე სწავლების ესა თუ ის მეთოდი მხოლოდ საშუალებაა ცოდნის აგებისთვის. ამ მხრივ საბაზისო საკითხია ცოდნის აგების პროცედურების სრულყოფა და ეფექტური სწავლების მეთოდიკის შერჩევა. თავისთავად ეს პროცესი მოსწავლისა და მასწავლებლისგან დიდ ძალისხმევას მოითხოვს და რადგან არ არსებობს სწავლების კონკრეტული მეთოდი, რომელიც ყველა სიტუაციაში თანაბრად გამოგვადგება, ამიტომ, პირველ რიგში, მნიშვნელოვანი ხდება იმ მეთოდების იდენტიფიცირება, რომლებიც მიზნისთვის ყველაზე შესაფერისია, მერე კი – მათი განხორცილებისთვის ეფექტური სტრატეგიების მოძიება.
სწავლების მეთოდიკაში გამოკვეთილია სოკრატული, დიდაქტიკური და ევრისტიკული მეთოდები (სწავლებები).
