„ცხოვრება პრობლემების ქონას ნიშნავს, ხოლო მათი გადაჭრა – ინტელექტუალურ ზრდას”, – ამბობდა ცნობილი ფსიქოლოგი ჯ. გილფორდი. პრობლემის გადაჭრის სხვადასხვა სტრატეგიის ფლობა კრიტიკულად მოაზროვნე ადამიანის ერთ-ერთი ღირსებაა.
ყოველდღიურ ცხოვრებაში ადამიანთა უმრავლესობა ერთ ან ორ სტრატეგიას იყენებს, ანუ ადამიანები დგამენ გარკვეულ ნაბიჯებს, რომლებიც, მათი აზრით, მათ მიზნის მიღწევაში დაეხმარება. ასეთი ადამიანი, რომელიც ფლობს კრიტიკული აზროვნების უნარებს, ყოველდღიურად არა მარტო იყენებს პრობლემის გადაწყვეტის სტრატეგიებს, არამედ აქვს კიდეც მათი შემეცნების, გააზრების საშუალებები: „რატომ ვმოქმედებ ასე და ამგვარად მოცემულ სიტუაციაში და არა სხვაგვარად?”
