შაბათი, თებერვალი 4, 2023
4 თებერვალი, შაბათი, 2023

ჟურნალ “სკოლის მართვის” 2021 წლის მეოთხე ნომერი გამოიცა !

ჩემი დიდი ბებია იაკობ გოგებაშვილის ნაჩუქარი წიგნებით სწავლობდა, თუმცა მამა უშლიდა თურმე სწავლას – ბუჩქებში ვიმალებოდი და ისე ვკითხულობდიო… იაკობ გოგებაშვილი მხოლოდ წიგნების ჩუქებით არ შემოფარგლულა – განათლება უნდა მიიღოსო და თბილისში წამოუყვანია. ძალიან გამოუჩენია თავი ჩემს დიდ ბებიას და სათავადაზნაურო გიმნაზიაში ჩაუბარებია. სანიმუშოდ სწავლობდა თურმე, მაგრამ მალე გამორიცხეს – გლეხის გოგოს ადგილი აქ არ არისო (თვითონ „კრესტიანკას“ ამბობდა). რამდენჯერ მიფიქრია, როგორი იქნებოდა მისი ცხოვრება, სრულფასოვანი განათლების მიღების საშუალება რომ ჰქონოდა…

 

მას შემდეგ მთელი საუკუნე გავიდა, მაგრამ განათლებაზე ხელმისაწვდომობის პრობლემას სიმწვავე დღემდე არ დაუკარგავს. პირიქით – პანდემიამ და დისტანციური სწავლების იძულებითი რეჟიმით გამოწვეულმა გარემოებებმა ეს საკითხი განათლებაზე არათანაბარი წვდომისა და უთანასწორობის ახალი, თანამედროვე, განსხვავებულად დისკრიმინაციული და უფრო უხილავი შინაარსით დატვირთა.

 

განათლების, ერთი შეხედვით, ადვილად მიღების ეპოქაში, Teams-ის, Zoom-ისა და სხვა პლატფორმების განზომილებებში ისევ აქტუალურია ის, რომ ყველა ბავშვს ჰქონდეს განათლების მიღების საშუალება. დისტანციური სწავლების რეჟიმში ისევ და ისევ სკოლას ვთხოვთ სათანადო მობილიზებას – არ დარჩეს არავინ სასწავლო პროცესის მიღმა და სკოლებს უწევთ უდიდესი ძალისხმევის გაღება, უპასუხონ როგორც ძველი, ასევე, ახალი რეალობის მოთხოვნებს. ისევ და ისევ – დიდი მადლობა სკოლებს ამისთვის!

 

სწორედ ამიტომ გადავწყვიტეთ, ჟურნალის ამ ნომერში მკითხველისთვის პანდემიის პირობებში სკოლის საჭიროებების დადგენის ინსტრუმენტი შეგვეთავაზებინა და დისტანციური სწავლების ეფექტურობის შეფასების ახალი რესურსი გაგვეცნო.

 

მკითხველს ვუზიარებთ წამყვანი მსოფლიო თეორეტიკოსების მოსაზრებებს განათლების როლზე ქვეყნის ეკონომიკურ წარმატებაში, თვალს გადავავლებთ დირექტორის პროფესიის განვითარებას საქართველოში, გავეცნობით საინტერესო ინტერვიუებსა და კვლევებს.

 

ერთ-ერთი მნიშვნელოვანი საფიქრალი, რომელსაც ჟურნალის ეს ნომერი გთავაზობთ, სწავლა-სწავლების პროცესში მშობლის როლია. პანდემიამ ეს როლი კიდევ უფრო მკაფიო შინაარსითა და პასუხისმგებლობით დაგვანახა და ამ პასუხისმგებლობისთვის თავის გართმევისთვის ჩვენ STEAM განათლებასა და არაფორმალური განათლების აქტივობებს გთავაზობთ…

და, რა თქმა უნდა –

გილოცავთ მორიგი ურთულესი წლის დასრულებას და, როგორც არასდროს, ისე ერთიანია მთელი მსოფლიო საახალწლოდ ჩათქმულ თან იდუმალ, თან გაცხადებულ სურვილში, თუ როგორი 2022 გვინდა… სწორედ ამ სურვილს ვუერთდებით ჩვენც!

რედაქტორი- ნათია ნაცვლიშვილი

ამ ნომერში წაიკითხავთ :

სკოლის მართვა

დიზაინერი–  ბესიკ დანელია

კორექტორი მაია წიკლაური

 

ნომრის ავტორები 

ბერიკა შუკაკიძე, ლელა მახოხაშვილი,  ხათუნა ბარაბაძე,  ეკატერინე დაფქვიაშვილი, გურამ სულაქველიძე, მაია არავიაშვილი, ნონა პოპიაშვილი, ელისონ კლეინი, ეკა მგელაძე, კახა ჟღენტი, სალომე ცხვედიანი, თამარ მეგრელიშვილი დენის წურწუმია.

ნომრის სტუმრები: დოქტორი კორინა ბორერი,  მკვლევარი და პროექტების მენეჯერი
ციურიხის მასწავლებელთა განათლების უნივერსიტეტში.

 ვასილ ხოდელი- ლიბერთი ბანკის გენერალური დირექტორი 

სარედაქციო კოლეგია:
ბერიკა შუკაკიძე
განათლების დოქტორი, მასწავლებელთა
პროფესიული განვითარების ეროვნული
ცენტრის დირექტორი

დავით ხვედელიძე
მასწავლებელთა პროფესიული განვითარების
ეროვნული ცენტრის დირექტორის მოადგილე
მაია არავიაშვილი
სოციოლოგიის დოქტორი, მასწავლებელთა
პროფესიული განვითარების ეროვნული
ცენტრის ანალიტიკური სამსახურის უფროსი
ნატალია ინგოროყვა
სოციალურ მეცნიერებათა დოქტორი,
მასწავლებელთა პროფესიული
განვითარების ეროვნული ცენტრის
საინფორმაციო- საგანმანათლებლო და
მეთოდური რესურსების პროგრამის მენეჯერი
ხათუნა ბარაბაძე
პედაგოგიკის დოქტორი, მასწავლებელთა
პროფესიული განვითარების ეროვნული
ცენტრის მასწავლებლის პროფესიის
რეგულირების პროგრამის ხელმძღვანელი
დენის წურწუმია
განათლებისა და მეცნიერების სამინისტროს
შიდა აუდიტის დეპარტამენტის შიდა აუდიტის
სამმართველოს უფროსი,
განათლების სამართლის მკვლევარი
კახა ჩხარტიშვილი
მასწავლებელთა პროფესიული განვითარების
ეროვნული ცენტრის იურიდიული სამსახურის
უფროსი

 

 

 

 

 

 

კომენტარები

მსგავსი სიახლეები

ბოლო სიახლეები

ვიდეობლოგი

ბიბლიოთეკა

ჟურნალი „მასწავლებელი“

შრიფტის ზომა
კონტრასტი