ეს წერილი ერთი პროექტისთვის დაიწერა. სხვადასხვა პროფესიის ადამიანები მადლიერებით იხსენებდნენ მათ მასწავლებლებს, ერთ-ერთ ყველაზე მნიშვნელოვან ადამიანებს ცხოვრებაში. წერილი სოციალურ ქსელში გამოქვეყნდა. რატომღაც მომინდა ეს ჩემი ნაფიქრალი თქვენთვის აქაც გამეზიარებინა.
მადლობა მასწავლებელს, რომელიც მინდოდა მყოლოდა.
ძვირფასო მასწავლებელო,
გმადლობთ, რომ იყავით სამართლიანი, რომ მისმენდით, რომ გიყვარდით, მპატიობდით, პატივს მცემდით, გქონდათ იუმორის გრძნობა, იყავით თვითირონიული. მეუბნებოდით, რომ არცოდნა სირცხვილი არ არის, რომ შეცდომებიც მოსულა, რომ უნდა ვყოფილიყავი დამოუკიდებელი, თავისუფალი და ლაღი. რომ ყველა გაკვეთილი საინტერესო იყო და ერთმანეთს არ ჰგავდა. არ მაყენებდით კუთხეში, არ მაგდებდით საკლასო ოთახიდან, არ იბარებდით მშობელს სკოლაში, არ მემუქრებოდით დირექტორის კაბინეტში მიბრძანებით, არ გამომატანეთ სკოლიდან შიშები, სტერეოტიპები და არასრულფასოვნების კომპლექსი. მასწავლეთ გამბედაობა, რომ დამესვა შეკითხვები და არ დამემალა, თუკი არ გეთანხმებოდით. მადლობა, რომ არ მეშინოდა თქვენი, რომ მომმართავდით სახელით. ჩემი თავდაჯერებულობაც თქვენი ღვაწლია. მასწავლეთ, რომ ჩემი თხრობა ამევსო შინაარსით და არ მაიძულებდით ზეპირობას. გმადლობ, რომ არ ვარ ღირებულებისგან ცარიელი, რომ არ ფიქრობდით ჩემს მაგივრად. მადლობა, რომ ვარ ბედნიერი. თქვენგან ვისწავლე, რომ ბედნიერება მთელი ცხოვრების პროცესია და არა შედეგი. მადლობა, რომ ამაყობთ ჩემით და ამბობთ, რომ თქვენი მოსწავლე ვიყავი, თქვენი აღზრდილი ვარ.
დიახ, გეთანხმებით, გადაჭარბებულია ჩემი მოლოდინები თქვენი პროფესიის მიმართ, დიდია პასუხისმგებლობაც და რისკიც. ძნელი პროფესიაა, დაუფასებელი, მაგრამ…
გმადლობთ, რომ თუკი მკითხავენ, დავასახელო სამი ადამიანი მაინც, ვინც ყველაზე მნიშვნელოვანი იყო ჩემს ცხოვრებაში, თქვენ მათ შორის ხართ.
მთავარი რედაქტორი – ნატო ინგოროყვა
რედაქტორები: მანანა ბოჭორიშვილი, ნანა მაჭავარიანი, ირმა ტაველიძე, ქეთევან ნიკოლეშვილი
დიზაინერი– ბესიკ დანელია
მხატვარ-ილუსტრატორი – მამუკა ტყეშელაშვილი
ნომრის ავტორები: მაია ფირჩხაძე, მაია ჯალიაშვილი, თამთა დოლიძე, გიტა თვალაბეიშვილი, თამარ მურუსიძე, ქეთევან ოსიაშვილი, შორენა ტყეშელაშვილი, გურამ მეგერლიშვილი, თინათინ ზარდიაშვილი, ქეთევან კობალაძე, რუსუდან რუხაძე, ლევან ალფაიძე, ნინო ლომიძე, თამარ გეგეშიძე, მეგი კავთუაშვილი, ლელა კოტორაშვილი, ირმა კახურაშვილი, დიანა ანფიმიადი, ნასტასია არაბული, ელიზბარ ელიზბარაშვილი
