რედაქტორის წერილი, ძირითადად, მთავარი სათქმელის გამო იწერება. მთავარი სათქმელი დღეს იმდენად ვრცელი აღმოჩნდა, ისეთი რთული იყო რომელიმე ერთი ასპექტის გამოყოფა და მასზე შეჩერება, ვიფიქრე, რომ ერთი რედაქტორის სვეტი ამისათვის საკმარისი სივრცე არ იქნებოდა.
ამიტომ, როგორც ზოგჯერ სკოლაში, ჩვენს მოსწავლეებს ვაძლევთ გაკვეთილებს გამეორებით, რედაქტორის წერილიც ერთგვარი გაკვეთილის გამეორება იყოს და გავიხსენოთ საკონცენტრაციო ბანაკში გადარჩენილი ერთ–ერთი სკოლის დირექტორის წერილი, რომელიც სამსახურში აყვანილი მასწავლებლებისთვის დაიწერა:
„მე ცოცხალი გადავურჩი საკონცენტრაციო ბანაკს და ჩემმა თვალებმა იხილა ის, რაც არ უნდა ნახოს არც ერთმა ადამიანმა:
როგორ აშენებენ სწავლული ინჟინრები გაზის კამერებს;
როგორ წამლავენ კვალიფიციური ექიმები ბავშვებს;
როგორ კლავენ სწავლადამთავრებული მედდები ჩვილ ბავშვებს;
როგორ ესვრიან და წვავენ ბავშვებსა და ქალებს უმაღლესი საგანმანათლებლო დაწესებულების კურსდამთავრებულები.
ამიტომაც, მე არ ვენდობი განათლებას! მე გთხოვთ, დაეხმარეთ მოსწავლეებს, გახდნენ ადამიანები. თქვენმა ძალისხმევამ არ უნდა მიგვიყვანოს სწავლული მონსტრების, ნამეცადინარი ფსიქოპათების, განათლებული აიხმანების ჩამოყალიბებამდე. კითხვა, წერა, არითმეტიკა მხოლოდ მაშინ არის მნიშვნელოვანი, როცა ეხმარება ჩვენს შვილებს, გახდნენ უფრო ა დ ა მ ი ა ნ უ რ ე ბ ი!“
აქ უნდა დამესრულებინა, მაგრამ ბარემ მეორე შიშსაც გაგიმხელთ, რომელიც აქვე გამიკრთა. ჩვენი პროფესია ფორმალურ და არაფორმალურ ავტორიტეტზე დგას. მასწავლებელმა ყველაფერი უნდა გააკეთოს მოსწავლეების განათლებისა და თავისუფლებისთვის, რადგან ერთხელაც, ჩვენმა მოსწავლეებმა არ გვითხრან, რომ აღარ გვენდობიან.
მთავარი რედაქტორი – ნატო ინგოროყვა
რედაქტორები: მანანა ბოჭორიშვილი, ნანა მაჭავარიანი, ირმა ტაველიძე, ქეთევან ნიკოლეშვილი
დიზაინერი– ბესიკ დანელია
მხატვარ-ილუსტრატორი – მამუკა ტყეშელაშვილი
ნომრის ავტორები:
მანანა ბოჭრიშვილი, თინათინ ზარდიაშვილი, ნესტან მიქაძე, მაია ფირჩხაძე, ნინო ლომიძე, ქეთევან ოსიაშვილი, თემურ სუყაშვილი, ქრისტინე სურგულაძე, ინა იმედაშვილი, ლელა კოტორაშვილი, დათია ბადალაშვილი, დიანა ანფიმიადი, ირმა ტაველიძე, ცირა ბარბაქაძე, თამარ მურუსიძე, მარიამ გოდუაძე, ნათია ნაფეტვარიძე, მანანა სეხნიაშვილი, ლევან ლორთქიფანიძე, ნათია უჩავა.
ნომრის წაკითხვა და ჩამოწერა შესაძლებელია ბმულიდან:
