გარდა იმისა, რომ მექანიკის (კინემატიკა-დინამიკა) ძირითადი ამოცანაა დროის ნებისმიერი მომენტისთვის მოძრავი სხეულის მდებარეობის განსაზღვრა, მისთვის ასევე მნიშვნელოვანია ისეთი ამოცანებისა და პრობლემების გადაწყვეტა, რომელთა მოთხოვნაა სხეულის თვისებების ამოცნობა ან მათი სტრუქტურის დადგენა. ამაზე შეიძლება მოსწავლეებს სწავლებისას მივცეთ მრავალი თვისებრივი, რაოდენობრივი და დიდწილად კვლევითი ხასიათის ამოცანები, პრაქტიკული სამუშაოები, კომპლექსური დავალებები. ასეთი დავალებების მიზანმიმართულად გამოყენება საგაკვეთილო პროცესში ხელს უწყობს მოსწავლეებს სხეულის მახასიათებელი სიდიდეების ღრმად გააზრებაში, სხეულის თვისებების პრაქტიკული გამოყენების მიზანშეწონილობის დადგენასა და ცოდნის ტრანსფერის უნარების შემუშავებაში.
საგაკვეთილო პროცესში ხშირად ვიყენებ დავალებებს, რომლებიც მოსწავლეებს ეხმარება აღნიშნული უნარების განვითარებაში; მაგალითად, მე-7 კლასში, როცა გავდივართ თემას: 1. მასა და სიმკვრივე, და მე-9 კლასში ამავე შინაარსის თემების გავლისას; დრეკადობის ძალის, ხახუნის ძალის, მსოფლიო მიზიდულობის კანონის, სხეულის წონის საკითხებზე მუშაობისას… და ა. შ. ჩამოყალიბებული მიზნების განხორციელებისთვის პრაქტიკაში გამოყენებული მაქვს შემდეგი შინაარსის ამოცანები:
ვრცლად
ზურაბ ბართაია. ფიზიკის გაკვეთილზე ძირითადი ამოცანის დაზუსტება, განზოგადება და გადაწყვეტა
