ელექტრონული საგანმანათლებლო რესურსების ვებგვერდი: „გააციფრულე სწავლის პროცესი ხელოვნური ინტელექტის გამოყენებით“ – https://school.emis.ge/ – I-VI კლასების სასკოლო პროგრამის შესაბამისად შეიქმნა (იდეის ავტორი – სანდრო ასათიანი).
საგნობრივი მიმართულების მიხედვით ყოველი თემა მოიცავს სხვადასხვა თამაშსა და სახალისო აქტივობას. სავარჯიშოების შესრულება მოსწავლეს საშუალებას აძლევს, შეიძინოს ცოდნა და შექმნას საბოლოო პროდუქტი.
ვებგვერდზე სამუშაოდ შეგიძლიათ, გამოიყენოთ ვიდეოინსტრუქცია:
გთავაზობთ მუსიკის საგნობრივი მიმართულებისთვის შექმნილი სახალისო რესურსის – როგორ შევქმნათ გადაცემის ქუდი – დეტალურ აღწერას.
დავალება: პროგრამაში „ვსწავლობთ მუსიკით“ ააწყვე მუსიკალური ფრაზა და შექმენი მუსიკალური ქუდი საბავშვო გადაცემისთვის.
- როგორ შეიძლება, მუსიკით ამოვიცნოთ ტელეგადაცემა?
- შეგიძლია, მუსიკით მიხვდე, რა შინაარსის გადაცემაა?
- იცი, რა არის ტელეგადაცემის ქუდი?
- გინდა, სცადო ტელეგადაცემის ქუდის შექმნა?
სავარჯიშო: შენ წინაშეა სხვადასხვა ტელეგადაცემის ლოგო. როგორ ფიქრობ, რა მუსიკალური თანხლება მოუხდება თითოეულ მათგანს?
- მოუსმინეპირველ აუდიო ჩანაწერს და ჩასვი ნომერი 1 შესაბამის სურათში.
- მოუსმინეშემდეგ აუდიოჩანაწერს და ჩასვი ნომერი ორ შესაბამის ადგილას.
- მოუსმინეკიდევ ერთს. რომელი ლოგოა?
- მოუსმინებოლო აუდიოჩანაწერს. რომელ ლოგოს მიუსადაგებდი?
გადაცემის ქუდს ხმის ეფექტებს ამატებენ და ამით შთაბეჭდილებას აძლიერებენ. მოუსმინე თითოეულ ხმას და დააკავშირე შესაბამის ლოგოებთან. მოსასმენად დააწკაპე ნოტს.
სავარჯიშო: გადაცემის ქუდის მუსიკალური გაფორმება ერთი მუსიკალური ფრაზისგან შედგება.
შეგიძლია, ამ ქუდების მუსიკალური ფრაზის ნაწილები დაუკავშირო ერთმანეთს?
დააწკაპე ზედიზედ ორ-ორ ღილაკს და იპოვე მუსიკალური ფრაზების გახლეჩილი
ნაწილები.
შეგიძლია, ცალკეული მოტივებისგან შეადგინო მუსიკალური ფრაზა?
სავარჯიშო: ჩასვი ცალკეული მოტივების ღილაკები ისეთი თანმიმდევრობით, რომ გამოვიდეს დასრულებული მუსიკალური ფრაზა.
სავარჯიშო: ავაწყოთ მუსიკალური ფრაზა. უჯრედში მოტივი ნოტებითაა ჩაწერილი.
მოისმინე, შეადარე ნოტებით მოცემულ ჩანაწერს და ჩასვი სათანადო ღილაკი, გაითვალისწინე, ერთი ღილაკი ზედმეტია.
სავარჯიშო: მგონი, სრულებით უცნობი მუსიკალური ფრაზის აწყობასაც შეძლებ.
ჩასვი მოტივებიანი ღილაკები ისეთი თანმიმდევრობით, რომ გამოვიდეს მუსიკალური ფრაზა.
შევქმნათ გადაცემის ქუდი:
ააწყვე მუსიკალური ფრაზა პროგრამაში „ვსწავლობთ მუსიკით“ და შექმენი მუსიკალური ქუდი საბავშვო გადაცემისთვის.
დავალების შესასრულებლად გჭირდება აუდიოფაილების საქაღალდის გადმოწერა და შემდეგ ხმების დამატება პროგრამაში.
- მოგეწონა ტელეგადაცემის ქუდზე მუშაობა?
- რით იხალისე ყველაზე მეტად?
- რაზე ივარჯიშებდი კიდევ?
- რამეს ხომ არ შეცვლიდი ტელეგადაცემის ქუდში?
გამოყენებული რესურსები:
https://www.youtube.com/watch?v=7P4U16oh07Y
