ორშაბათი, ივლისი 22, 2024
22 ივლისი, ორშაბათი, 2024

სასკოლო პროექტი -აქტივობები სკოლის წიგნის კლუბისათვის

„სალამურას კლუბი“ – არჩილ სულაკაურის „სალამურას თავგადასავალი“

 

  1. პროექტის მიზანი

პროექტის მიზანია წიგნიერების ხელშეწყობა, ინკლუზიური კითხვის გამოცდილების დანერგვა, ქართული საბავშვო ლიტერატურული ტექსტების გაცნობა პატარა მკითხველებისათვის და აქტიური, სასარგებლო კითხვის გამოცდილების შექმნა. ასევე, სხვადასხვა შესაძლებლობების ბავშვებს შორის ემპათიისა და ზრუნვის, ერთად თამაშისა და გართობის უნარების განვითარება.

  1. პროექტის შინაარსი

პროექტის განმავლობაში კითხვის სხვადასხვა მეთოდებითა და აქტივობებით წავიკითხავთ საბავშვო ლიტერატურას, გავააქტიურებთ ტექსტის აღქმის მულტისენსორულ მიმართულებებს, გამოვიყენებთ სხვადასხვა აქტივობას იმისთვის, რომ ბავშვებმა სიამოვნებით წაიკითხონ, აზრი გამოთქვან წიგნის შესახებ, ასევე ითამაშონ, სხვადასხვა აქტივობა განახორციელონ საინტერესო და ინკლუზიურ გარემოში.

  1. აქტივობების ციკლი

სალამურას კლუბის პირველი ციკლით გათვალისწინებულია არჩილ სულაკაურის „სალამურას თავგადასავლის“ წაკითხვა ბავშვებისთვის. ტექსტი არჩეულია მისი მულტისენსორულების გამო, გამომდინარე იქიდან, რომ ტექსტის კითხვისას სიუჟეტისა და ამბის გარდა, შესაძლებელია აღქმისა და სწავლების სხვადასხვა სპექტრის გააქტიურება, როგორიცაა, ტაქტილური შეგრძნებები, ხმა, სინათლე და სხვა.

  1. ავტორისა და ტექსტის შესახებ, ტექსტის კითხვის პირველი ნაწილი,  ღამის მუსიკა/დღის მუსიკა, ციცინათელების სამეფო – ვამზადებთ ქილებს ციცინათელებისთვის:

გვჭირდება:

რამდენიმე ქილა

საღებავები

ნაძვის ხის ნათურა-გირლანდები

შემეცნებითი აქტივობა-გავიხსენოთ საათის ცნობა, საათი, დღე, კვირა, თვე.

ილუსტრაციის მომზადება წყვილებში

მულტიპლიკაციის ნახვა -„დღე და ღამე „

 

  1. ვაგრძელებთ ტექსტის კითხვას, დამალობანას თამაში, თვალხუჭობანა, სანელებლების გამოცნობა, ჭიამაიების ნიღბების დამზადება და მოხატვა. ვამზადებთ მუსიკალურ ინსტრუმენტებს,
  2. ვაგრძელებთ ტექსტის კითხვას, ქონდარუხის სასუსნავების მზადება, ფიგურების აწყობა ხილით და თხილეულით, ფუდარტი, ბოსტნეულისა და ხილის ლოტო, სიტყვების გააქტიურება,
  3. ვაგრძელებთ ტექსტის კითხვას, თოკების ქალაქი- თამაში თოკებით, სკამებზე ვაბამთ თოკებს და ვცილობთ გავძვრეთ, დიორამას მომზადება- აპლიკაციის ქალაქი, როგორია ჩვენი ქალაქი და როგორი უნდა იყოს,

თამაში –  მოვიფიქროთ ალტერნატიული მოძრაობის წესები ქალაქში.

  1. ვაგრძელებთ ტექსტის კითხვას, როგორ აცვიათ ზღაპრის პერსონაჟებს 3 პერსონაჟის კოსტიუმი – მასალა-ვერცხლის ქაღალდი, ფერადი ქაღალდი, პარკები, წებო, მოდების თეატრი, შევარჩიოთ წიგნის მუსიკა.
  2. ვაგრძელებთ ტექსტის კითხვას, პლასტილინის პერსონაჟები, მეფის სასახლე – ვძერწავთ პერსონაჟებს პლასტილინით, ვაკეთებთ ჩრდილების თეატრს, ვნახულობთ ქართულ ანიმაციას.
  3. ვაგრძელებთ ტექსტის კითხვას, ვისწავლოთ სამეფო ცეკვა, მოძრაობის თეატრი, აქტიური თამაშები, განვიხილოთ პერსონაჟთა სახელები – მიდი მოადე, ალეე ჰოპ, კვანტი დაუდე, ჰილარიონ ბუერა და სხვა.  მოვიფიქროთ ჩვენი სახელები იმის მიხედვით, რისი კეთება გვიყვარს.
  4. ვაგრძელებთ ტექსტის კითხვას, სალამურას დაბრუნება, გავიმეოროთ საათის ცნობა, ვისწავლოთ წელიწადის დროები, აქტივობა გლობუსით, ვამზადებთ ხელნაკეთ ჭოგრიტებს ვარსკვლავების სანახავად, მულტფილმი “La Luna”;
  5. ვაგრძელებთ კითხვას, მოვიფიქროთ ალტერნატიული ამბავი, მე რომ ამ წიგნის პერსონაჟი ვიყო, რა მოხდებოდა, რომ… დავხატოთ წიგნის ყდა, ავკინძოთ წიგნის მაკეტი, პლასტილინისგან დავამზადოთ ჩვენი ავტოპორტრეტები.
  6. წიგნის ახალი ეპიზოდის მერე შევაჯამოთ წაკითხული ამბავი, რა წავიკითხეთ, რა დაგვამახსოვრდა, რომელი პერსონაჟი მოგვეწონა? ამბის რომელი ნაწილი იყო ყველაზე დამაფიქრებელი და საინტერესო, ვითამაშოთ თამაშები ნდობასა და მეგობრობაზე, ავაწყოთ პერსონაჟების აპლიკაცია, ჩავაწებოთ ჩვენს აწყობილ წიგნებში, დავუხატოთ ერთმანეთს დასამშვიდობებელი ბარათები.

 

 

კომენტარები

მსგავსი სიახლეები

ბოლო სიახლეები

ვიდეობლოგი

ბიბლიოთეკა

ჟურნალი „მასწავლებელი“