სწავლა-სწავლების პროცესში ერთ-ერთი მნიშვნელოვანი სტრატეგიაა კვლევაზე დაფუძნებული სწავლება, რომელიც, ამავდროულად, მოსწავლეზე ორიენტირებული სწავლების ერთ-ერთი საუკეთესო მაგალითია. აღნიშნული მიდგომა მოსწავლეს შესაძლებლობას აძლევს, ისწავლოს აღმოჩენით, ძიებითა და კვლევით.
მოსწავლე აყალიბებს საკვლევ შეკითხვას, ეძიებს გზებს კითხვაზე პასუხის გასაცემად, გეგმავს და ატარებს კვლევას, აკვირდება, აღრიცხავს მონაცემებს, წარმოადგენს სხვადასხვა გამომსახველობითი ფორმებით, აანალიზებს შედეგებს და გამოაქვს დასკვნები. ამ დროს მოსწავლე თავად იღებს პასუხისმგებლობას საკუთარ სწავლაზე.
კვლევაზე დაფუძნებული სწავლება ხელს უწყობს სასწავლო პროცესში თითოეული მოსწავლის ჩართვას, მათში ინტერესისა და მოტივაციის აღძვრას. სახელმძღვანელოს ავტორები გვთავაზობენ კვლევაზე დაფუძნებული სწავლების თეორიულ და პრაქტიკულ ასპექტებს დაგეგმვიდან უკუკავშირის ჩათვლით, რაც სერიოზულ დახმარებას გაუწევს მოქმედ პედაგოგებს.
წიგნის ავტორები: ნათელა ბაღათრიშვილი, თინათინ ზარდიაშვილი, დიანა ანფიმიადი, მაია ბლიაძე, მაია ფირჩხაძე
რედაქტორი: ნატო ინგოროყვა, მანანა ბოჭორიშვილი
ტექსტების სტილისტი- ნანა მაჭავარიანი
დიზაინერი-ბესიკ დანელია
წიგნის წაკითხვა და ჩამოწერა შესაძლებელია ბმულიდან :
