ოთხშაბათი, აპრილი 24, 2024
24 აპრილი, ოთხშაბათი, 2024

წიგნის კლუბი

21- ე საუკუნე უამრავ გამოწვევას გვთავაზობს. ჩვენ წინაშე სიახლეების მთელი პალიტრა იშლება. იმისათვის რომ ადამიანმა გამოიმუშავოს ნებისმიერ სიტუაციაში ადაპტაციის უნარი, აუცილებელია ვიზრუნოთ მოსწავლეებს განვუვითაროთ ისეთი უნარ-ჩვევები, რომელიც შემდგომ ცხობრებაში დაეხმარებათ თვითრეალიზებაში.  სწორედ ამ მიზნით მცხეთის N1 საჯარო სკოლაში USAID საბაზისო განათლების და სოხუმის სახელმწიფო უნივერსიტეტის თანამშრომლობით შეიქმნა წიგნის კლუბი – „ სიტყვა საქმიანი“.

 

პროექტის სახელწოდებამ  „არასოდეს შეწყვიტო კითხვა“  დიდი ინტერესი გამოიწვია მოსწავლეებში.  წიგნის კლუბის ჩამოყალიბება მიზნად ისახავდა  მოსწავლეებში წიგნის სიყვარულისა და ინტერესის გაზრდას;  კითხვის, მოსმენისა და წაკითხულის გააზრების უნარების განვითარებასა და ზოგადადდ კითხვისადმი პოზიტიური დამოკიდებულების ჩამოყელიბებას, რაც შემდგომში მოსწავლეებს დაეხმარებათ შეძენილი უნარები გამოიყენონ პრაქტიკულად, ყოველდღიურ ურთიერთობებში.

პროექტის მიზნები:  მოსწავლეებს განუვითარდეთ კრიტიკული აზროვნება, დისკუსიის, წერისა და ინდივიდუალური შემოქმედებითი უნარები; ისწავლონ ურთიერთობა და თანამშრომლობა; განუვითარდეთ ზეპირმეტყველების უნარი. აიმაღლონ წიგნიერების დონე , გაიფართოვონ თვალსაწიერი  და დახვეწონ ლიტერატურული გემოვნება. დაინტერესდნენ ჰუმანიტარული საგნებით, შეძლონ კრიტიკული და ანალიტიკური აზროვნების უნარების განვითარება საკუთარი დამოკიდებულების ჩამოყალიბება ამა თუ იმ ნაწარმოების (რომელიც სკოლაში არ ისწავლება) მიმართ და მისი ესთეტიკური აღქმა. სხვადასხვა საფეხურის მოსწავლეებს შორის კომუნიკაციის გამარტივება, თეორიული და პრაქტიკული უნარების გამომუშავება, საკომუნიკაციო უნარ-ჩვევების განვითარება. მოსწავლეებმა შეძლონ  წაკითხული ტექსტის ადეკვატურად აღქმა, გააზრება და მიღებული ინფორმაციის გამოყენება სხვადასხვა კონტექსტში, აზრის თავისუფლად გამოთქმა და დაფიქსირება, არგუმენტირებული და ლოგიკური მსჯელობის უნარების განვითარება, პრეზენტაციის წარმოჩენისა და დისკუსიაში ჩართულობის უნარების განვითარება, ზეპირმეტყველების კულტურის გამომუშავება, მხატვრული კითხვის, ხელოვნების (ინტონაცია,ტემბრი) გათავისება, შემოქმედებითობის უნარის განვითარება და წარმოჩენა, მოსმენილი ან წაკითხული ნაწარმოების დაკავშირება საკუთარ გამოცდილებასთან.

როგორც ეროვნულ სასწავლო გეგმაშია აღნიშნული –  ლიტერატურა უვითარებს მოსწავლეს ზეპირი და წერილობითი კომუნიკაციის უნარს, გამოუმუშავებს საკუთარი აზრის ლოგიკური თანამიმდევრობით გამოხატვის, სხვადასხვა ტიპის ტექსტების გააზრებული კითხვისა და შექმნის უნარს; წიგნის კლუბში მუშაობის შედეგად მოსწავლეებს უვითრდებათ წიგნის სიყვარული, შეუძლიათ საკითხულის გააზრება, რეფლექსიის გაკეთება, მსჯელობის და დისკუსიის, თანამშრომლობის უნარი.

წიგნის კლუბში მოსწავლეებმა იმუშავეს 10 საინტერესო ნაწარმოებზე.

ნაწარმეოებები შევარჩიეთ მიზანმიმართულად, ასაკობრივი თავისებურებების გათვალისწინებით და 21-ე საუკუნის აქტუალურ თემებზე დაყრდნობით.  მოსწავლეებს შევთავაზეთ „ტკბილი მაფინები“, მაფინებში მოვათავსეთ იმ ნაწარმოებთა სახელწოდებები, რომელზეც უნდა გვემუშავა, ამ აქტივობამ დიდი ინტერესი გამოიწვია მოსწავლეებში, უნდა გენახათ როგორ გარბოდნენ სკოლის ბიბლიოთეკაში.  ასე ტკბილად დავიწყეთ ლიტერატურულ სამყაროში მოგზაურობა.   ნაწარმოებთა  უმრავლესობა წავიკითხეთ და მოვაწყვეთ ფერადი შეხვედრები. ზოგიერთი მათგანის საფუძვლიანად განხილვა  ვერ შევძელით, ვფიქრობთ,  გავაგრძელოთ თანამშრომლობა ამ თემის გარშემო.

პროექტის მონაწილეები:

სოხუმის სახელმწიფო უნივერსიტეტის დაწყებითი საფეხურის მასწავლებლის მომზადების      საბაკალავრო- სამაგისტრო ინტეგრირებული პროგრმის IV კურსის სტუდენტები:  მეგი გაბელია, ანა ახალაია, თამთა მახნიაშვილი, თიკა კოღოშვილი

მცხეთა -მთიანეთის რეგიონის მცხეთის მუნიციპალიტეტის ქალაქ მცხეთის N1 საჯარო სკოლა, სკოლის მასწავლებლები:  გულიკო თაბაგარი, შავლეგო გულაშვილი

ამავე სკოლის IV, V, VI – კლასის მოსწავლეები – ნასყიდაშვილი ლაშა, სულიაშვილი ნუცა, ხამხაძე ნანუკა, შალიკაშვილი ელენე, ხატისაშვილი ბარბარე, ყველაშვილი თემური, ლომთათიძე დაჩი, კაპანაძე თამარი, პიტიურიშვილი ქეთევან, თხელიძე ლიზი, ჯიმშიტაშვილი ილია,  ბარბაქაძე საბა.

სკოლის დირექტორი: ვერიკო მაჩხანელი

USAID-ის საბაზისო განათლების პროგრამის ტრენერები:

თამარ შინჯიაშვილი, ლევან კვარაცხელია

USAID-ის საბაზისო განათლების პროგრამის მენეჯერი სოხუმის

სახელმწიფო უნივერსიტეტში: ლია ახალაძე

კითხვის მოყვარულებმა  იმოგზაურეს  ლიტერატურულ სამყაროში,  განიხილავენ თანამედროვე კლასიკურ ლიტერატურის მთავარ საკითხებს, ეცნობოდნენ  ავტორების ბიოგრაფიებს, მათი შთაგონების წყაროს და ყურადღებას ამახვილებენ იმ მხატვრული ხერხების შესახებ, რომელიც წიგნს განსაკუთრებულს ხდის.

კლუბში გამოვიყენეთ მრავალფეროვანი აქტივობები: გამოხმაურების ბარათები , პრეზენტაციები, აქტივობა – „ტკბილი მაფინები“,   ჯგუფური სამუშაოები, დისკუსია, როლური თამაშები, გმირის რუკა, „წიგნის საათის“ აქტივობები, შეხვედრები ღია ცის ქვეშ,  ჩატარდა ლიტერატურული კაფე ( თემა: თამარ გეგეშიძის „ჩუმად უნდა იჯდე“)

სკოლის მასწავლებლებისა და მშობელთა ჩართულობით, ბავშვებმა გაუგზავნეს წერილები   თამარ გეგეშიძეს, შექმნეს ულამაზესი ილუსტრაციები და მოაწყვეს გამოფენა  სკოლის  დერეფანში, დაამზადეს ხელნაკეთი წიგნები.

კომენტარები

მსგავსი სიახლეები

ბოლო სიახლეები

ვიდეობლოგი

ბიბლიოთეკა

ჟურნალი „მასწავლებელი“

შრიფტის ზომა
კონტრასტი