თანამედროვე კონკურენტული საზოგადოება ყოველდღიურ ცხოვრებაში თავის წესებს გვკარნახობს, რაც იძულებულს გვხდის, ვიმოქმედოთ გარემოების შესაბამისად. ამიტომ, თუ ახალგაზრდას სურს, იყოს “წარმატებული”, “განსხვავებული”, გარემომცველ სამყაროში თავისი საქმიანობის “შეტანა” უნდა შეძლოს, საამისოდ კი საჭიროა, იცოდეს თავისი უნარების სწორი გამოყენება.
ყოველგვარი საქმიანობა როდი უწყობს ხელს შესაძლებლობათა განვითარებას და ამ გზით მიზნის მიღწევას. შესაძლებლობებს ყველაზე მეტად შემოქმედებითი საქმიანობა ავითარებს, რადგან შემოქმედებითი ადამიანი მუდამ მიისწრაფის, იპოვოს თავისი, სხვებისგან განსხვავებული გადაწყვეტილება, იყოს “განსაკუთრებული”, “გამომგონებლური”, ამიტომ სასწავლო პროგრამები ისე უნდა ავაგოთ, რომ მოსწავლეს შეეძლოს გარემოში სწორი ორიენტაცია, ცოდნისა და უნარების სათანადოდ გამოყენება.
