12 წლის ჟურნალი “მასწავლებელი”

ჟურნალი „მასწავლებელი“  თორმეტი  წლის გახდა. 

12 წლი 75 ბეჭდური ნომერი ჟურნალი მასწავლებელი! ყველაფერი  ერთი ბეჭდური გამოცემით, ორ თვეში ერთხელ გამოცემული ჟურნალით დაიწყო, რომელიც დღესაც გამოდის და საქართველოს ყველა სკოლას საჩუქრად გადაეცემა.

ჟურნალის გამოცემასთან ერთად  დავიწყეთ „მასწავლებლის ბიბლიოთეკის“ შექმნა.  12 წლის განმავლობაში მასწავლებლის ბიბლიოთეკის თაროს  თოთხმეტი  „მასწავლებლის წიგნი” შეემატა.

ყოველწლიური კონკურსი – „საუკეთესო მოთხრობა მასწავლებელზე“, რაც მასწავლებლის პროფესიის პოპულარიზაციას და ლიტერატურაში თანამედროვე მასწავლებლის სახის შექმნას უწყობს ხელს,  ასევე ჟურნალის ბიოგრაფიის ნაწილია.

ჟურნალის  ავტორებს, არაერთ საერთაშორისო კონკურსში გაუმარჯვიათ ჟურნალ „მასწავლებელში“ გამოქვეყნებული სტატიებით. თავად ჟურნალიც სხვადასხვა საერთაშორისო ორგანიზაციის ჯილდოთა მფლობელია.

ეს მხოლოდ რაც ხელშესახებია, თვალსაჩინო დეტალები,  თუმცა, ამ ყველაფრის მიღმა უამრავი მცირე და მნიშვნელოვანი  დეტალია, დიდი შრომა და საქმის სიყვარულია, რომლის კეთებისას არ გვტოვებს განცდა, რომ ეს სასარგებლოა და აუცილებლად უნდა ვაკეთოთ.

გულწრფელი მადლობა თითოეულ ადამიანს, ვინც შრომობს ამ რესურსებისთვის, ვინც  იცის ამ საგანმანათლებლო რესურსების მნიშვნელობა და  ხელს გვიწყობს შრომაში და, რაც მთავარია, მადლობა ჩვენი შრომის მთავარ ადრესატებს – ჩვენს მკითხველებს.

 

 

კომენტარები

comments