სასწავლო სემესტრის ბოლოს მოსწავლეებთან ხშირად ვსაუბრობთ შეფასებებზე, თუმცა ძალიან იშვიათად ვეკითხებით – როგორი ემოციით ასრულებენ ამ სემესტრს.
„ემოცია ადამიანის ფსიქიკურ მდგომარეობაა, რომელიც გამოხატავს ადამიანის დამოკიდებულებას საკუთარ თავთან, სხვა ადამიანებთან და გარე სამყაროს მოვლენებთან“ (ფილოსოფიური ლექსიკონი 1987წ.).
მარკ ბრეკეტი (Marc Brackett) – იელის ემოციური ინტელექტის ცენტრის დამფუძნებელი დირექტორი და “Permission to Feel: Unlocking the Power of Emotions to Help Our Kids, Ourselves, and Our Society Thrive”-ის ავტორია. მან და მისმა გუნდმა შეიმუშავეს სისტემა სახელწოდებით RULER, რომელიც წარმოადგენს ემოციების შეცნობის სწრაფ და ეფექტურ მეთოდს. მისი აზრით, ემოციების გაღვივების წინაპირობას წარმოადგენს საკუთარი „გრძნობებისთვის თავისუფლების მიცემა“.
მოსწავლის აღზრდის პროცესში მნიშვნელოვანია ემოციური ინტელექტის განვითარება. მოსწავლეს უნდა შეეძლოს საკუთარი ემოციებისთვის სახელის სწორად დარქმევა და გამოხატვა. ამჟამად, ჩვენს სკოლებში არ არსებობს საგანი, რომელიც ემოციების განვითარებაზე იმუშავებდა, თუმცა მასწავლებლებს შეგვიძლია სხვადასხვა საგნის ჭრილში ამ უნარის განვითარებაზე ზრუნვა.
ილია ჭავჭავაძის პედაგოგიური მოძღვრების თანახმად „სავსება ერთობ ადამიანისა იმაშია, რომ მის გონების აღმატებულებას შეწონილ ჰქონდეს აღმატებულება ზნე-ხასიათისაცა“ (ილია ჭავჭავაძე „პედაგოგიკის საფუძვლები“ 1888წ.).
გარდამავალ ასაკში მყოფი მოზარდების ცხოვრებაში მშობლებისა და მასწავლებლების როლი ძალიან მნიშვნელოვანია. მოზარდები უფროსებისგან უნდა გრძნობდეს მხარდაჭერას, რათა თავი დაცულად იგრძნონ. სწორედ უსაფრთხო, დაცულ გარემოში შევძლებთ დამოუკიდებელი ინდივიდის აღზრდასა და ჩამოყალიბებას.
აქტივობა კლასში
ჩემს სადამრიგებლო კლასში მერვეკლასელი მოსწავლეებისთვის შევქმენით უსაფრთხო, დაცული, მყუდრო გარემო.
მშობლებმა იზრუნეს საჭირო რესურსისა და სასუსნავების მომარაგებაზე. საკლასო ოთახი მოვაწყვეთ, კომფორტულად მოვკალათდით და განვლილი სემესტრი შევაჯამეთ – მოსწავლეებმა ვერბალურად გამოხატეს ამ დროის განმავლობაში დაგროვილი ემოციები.
მოსწავლეებს საორიენტაციოდ მივეცი შეკითხვები:
აღნიშნული აქტივობის განხორციელება შეგვიძლია სამივე საფეხურზე.
გვახსოვდეს, რომ აქტივობაში ყველა მოსწავლე თანაბრად არ იქნება ჩართული და ეს სრულებით ნორმალურია.
გამოყენებული ლიტერატურა:
https://digitallibrary.tsu.ge/book/2024/July/reader/kharadze-lideroba-da-emociuri-rideri.pdf
https://mastsavlebeli.ge/?p=30348
