ადამიანები, როგორც სჩვევიათ, იმ საკითხზეც დავობენ, უნდა ისწავლებოდეს თუ არა ქრისტიანული იგავები, ქრისტიანული ისტორიები სკოლებში, უნდა იყოს თუ არა სკოლა ქრისტიანული. ამ აზრის მოწინააღმდეგეებს არგუმენტად სხვა კონფენსიის ბავშვები მოჰყავთ, ასევე ფიქრობენ რომ რელიგია ბავშვებს თავისუფლებასა და კრიტიკულ აზროვნებას შეუზღუდავთ, შესაძლოა იყოს წნეხი და იძულება. მომხრეები კი ფიქრობენ რომ ქრისტიანული მორალი ბავშვების აღზრდისა და პიროვნებებად ჩამოყალიბების მიმართულებით ძალიან მნიშვნელოვანია. ასევე მნიშვნელოვანია სწორი ღირებულებების დანერგვისთვისაც. ისიც უნდა აღინიშნოს რომ ჩვენი კულტურას, მწერლობას ქრისტიანული საფუძველი აქვს, შესაბამისად გვინდა თუ არ გვინდა, გარკვეულ რელიგიურ თემებსა და საკითხებს ვერდს ვერ ავუვლით. გარდა ამისა, ყოველდღიური მეტყველება, ფრაზები და იდიომები ხშირად უკავშირდება ქრისტიანულ ამბებს, ისტორიებს.
ქართველები, ხშირად ემოციებს აკავშირებენ რწმენასთან და ქრისტესთან. აი, აღდგომა მალე გაგვითენდება და გთავაზობთ ერთი ჩემთვის ძალიან საყვარელ იდიომაზე დაგეგმოთ გაკვეთილი. ამბავი კი ასეთია:
ადამიანები ხშირად საკუთარ გრძნობებსა და ემოციებს ისეთი ფრაზებით გამოახატავენ, რომლებიც მათთვის მნიშვნელოვან და საყვარელ, პატივსაცემ მოვლენებს უკავშირდება. ასეთი გამონათქვამია: „აღდგომა გაუთენდა“, რომელიც უზარმაზარ ბედნიერებას და დიდი სიხარულის განცდას აღნიშნავს.
ფრაზა ახალი სახარებიდან მოდის და იესო ქრისტეს მკვდრეთით აღდგომას უკავშირდება. მას მერე, როდესაც ქრისტე ჯვარს აცვეს და სამარხში დაასვენეს, როგორც თავად იესო ქრისტემ იწინასწარმეტყველა, მის მოწაფეებს ანგელოზი გამოეცხადათ და ახარათ მოძღვრის მკვდრეთით აღდგომა.
როდესაც სამარხთან იესო ქრისტეს მიმდევარი და მენელსაცხებლე მარიამ მაგდალინელი მივიდა, სამარხი ღია დახვდა, ქვაკარი გადაგორებული. იქ მყოფმა ორმა ანგელოზმა კი მას უთხრა: „რად ეძებ ცოცხალს მკდრებს შორის? ის აქ არ არის, აღდგა და წადი და მის მოწაფეებს გააგებინეო “.
იესო ქრისტეს აღდგომამ უზარმაზარი სიხარული და იმედი მოუტანა კაცობრიობას. იმდენად დიდია ეს განცდა, რომ ქრისტიანებისთვის აღდგომა დიდ დღესასწაული და ზეიმია. ხოლო, ყველაზე დიდი სიხარული და ბედნიერება მისი აღდგომის სიხარულთან, აღდგომის გათენებასთან ასოცირდება.
ლექსიკონი
მენელსაცხებლე – სურნელოვანი კოსმეტიკური ნივთიერებების დამამზადებელნი. ერთ-ერთი უძველესი ხელობა იყო როგორც ქრისტიანთა, ასევე მუსულმანთა შორის.
ქვაკარი – უზარმაზარი ლოდი კარის ფუნქციით.
შენ როგორ, რა ფრაზებით გამოხატავ სიხარულსა და ბედნიერებას? ჩამოწერე:
შენს ცხოვრებაში თუ ყოფილა ისეთი მომენტები, რომლებზეც იტყოდი: „აღდგომა გამითენდა“?, შეგიძლია ეს ამ დღის ილუსტრაციაც შექმნა.
მიმობნეული სიტყვებს ერთმანეთი აპოვნინე. მსგავსი მნიშვნელობის სიტყვები ერთმანეთთან მწვანე ხაზით დააკავშირე, საწინააღმდეგო მნიშვნელობისა კი წითელი ხაზით.
სიხარული, მწუხარება, უბედურება, ბედნიერება, პატივისცემა, შეურაცხყოფა, უზარმაზარი, პაწაწინა, დიდი, პატარა, ზეიმი, გლოვა, ვაგლახი, კაეშანი.
მისწერე მეგობარს ან ოჯახის წევრს წერილი. წერილში ადრესატს შენს ერთ-ერთი ბედნიერი დღის შესახებ მოუყევი. აუცილებლად გამოიყენე ფრაზა: „აღდგომა გამითენდა“. წერილი დაიწყე მიმართვით: ძვირფასო… ჩემო მეგობარო… გამარჯობა… და სხვა.
აღდგომის თემაზე საბავშვო ლექსებიც გვაქვს, შეგვიძლია ბავშვებს წავუკითხოთ, ამოვაწერინოთ ლამაზი კალიგრაფიით სტრიქონები, გავაფორმებინოთ, ვასაუბროთ რა ეცნოთ და რა იყო მათთვის ძალიან ახლობელი. წავაკითხოთ მხატვრულად, გავაკეთებინოთ ილსუტრაციებიც.
აქ ნახავთ ლექსებს აღდგომაზე:
https://kids.ge/poesy-verse?id=2586
https://www.etaloni.ge/geo/main/index/69880
აღდგომა უზარმაზარი სიხარულის და ბედნიერების მომტანი დღესასწაულია. გთავაზბთ სხვადასხვა სამუშაო ფურცელს აღდგომის თემაზე. ბავშები იხალისებენ, იმხიარულებენ, იმუშავებენ და თან დაეუფლებათ ის საოცარი სიხარული, მხოლოდ აღდგომას რომ მოაქვს.
https://www.pinterest.com/krb1172/easter-worksheets/
https://www.canva.com/worksheets/templates/easter/
https://www.twinkl.com/resources/festivals-and-cultural-celebrations/easter/easter-
ინა იმედაშვილი
