გლობუსი (ლათ. Globus – სფერო) დედამიწის დაუმახინჯებელი კარტოგრაფიული გამოსახულებაა სფეროზე. იგი დედამიწის სამგანზომილებიანი მოდელია, რომელსაც ყველა მიმართულებით სიგრძისა და ფართობის ერთი და იგივე მასშტაბი აქვს. პირველი გეოგრაფიული გლობუსი ნიურნბერგელმა (გერმანია) მარტინ ბეჰაიმმა 1492 წელს გააკეთა. XVII-XVIII საუკუნეებში, საზღვაო რუკების შემოღებამდე, გლობუსებს ზღვაოსნობაში იყენებდნენ.