ამ წიგნის შინაარსის განსაზღვრა ორგანიზაციის ერთ-ერთი პროექტის ფარგლებში ჩატარებული მასწავლებლების გამოკითხვის შედეგებით მოხდა. მასწავლებლთა ფოკუს ჯგუფებში ჩატარებული კვლევის შედეგებმა აჩვენა, რომ მათთვის ერთნაირად მნიშვნელოვანია:
- რა აქტივობები განახორციელონ?
- როგორ განახორციელონ აქტივობები?
ამ სახელმძღვანელოში მოცემული მასალები, ერთგვარი „მეგზური” იქნება მასწავლებლებისთვის სწორად დაგეგმონ, განახორციელონ, შეაფასონ საკუთარი მუშაობა და შედეგებზე დაყრდნობით თავიდან დაგეგმონ სასწავლო აქტივობები, პროექტები, საგანმანათლებლო რესურსების შექმნა თუ საკუთარი პროფესიული განვითარების საქმიანობები.
ფაქტია, მასწავლებლის პროფესიული ოსტატობა ბევრ ფაქტორზეა დამოკიდებული რომელთაგან უმნიშვნელოვანესია, საკუთარი პროფესიული პრაქტიკის რეფლექსია (ლათ. reflexio ნიშნავს „უკან მიბრუნებას”). წიგნში შევიდა პრაქტიკული ხასიათის მასალები, რაც დაეხმარება მასწავლებელს როგორც თვითრეფლექსიაში, თვით-რეალიზებაში, ასევე კარიერულ წინსვლაში.
ალტერნატიული განათლების საერთაშორისო ინსტიტუტმა, პროექტის ფარგლებში, მასწავლებლებისთვის მოამზადა პრაქტიკული სახელმძღვანელო :”როგორ დავაგროვოთ კრედიტქულები კარიერული წინსვლისთვის”.
სახელმძღვანელოში მასწავლებლები გაეცნობიან შემდეგ საკითხებს:
- მასწავლებლის საქმიანობები და შესაბამისი კრედიტქულები
- მნიშვნელოვანი კითხვების მასწავლებლის კარიერულ ზრდაზე
- თვითშეფასების კითხვარის პრაქტიკული გამოყენება
- ტრენინგი, პროფესიული განვითარების საშუალება
- როგორ შევქმნათ საგანმანათლებლო რესურსები
- როგორ დავგეგმოთ და ჩავატაროთ ინტეგრირებული გაკვეთილი
- როგორ დავწეროთ სტატია
- პედაგოგიური საქმიანობის კვლევის პრაქტიკული ასპექტები
- როგორ დავწეროთ და განვახორციელოთ საგანმანათლებლო პრ
