ამ წერილში მკითხველს ვთავაზობთ ლაბორატორიული ცდის ოქმის კიდევ ერთ ნიმუშს. ცდისა, რომლის ჩატარებაც ძნელი არ არის. საუბარია მუდმივი დენის წყაროს შიგა წინაღობისა და ემძ-ის გაზომვაზე. ეს არის ცდა, რომლის დროსაც ფიზიკური სიდიდე იზომება არაპირდაპირ, ანუ ჩვენთვის საინტერესო ფიზიკური სიდიდე გამოითვლება გამზომი ხელსაწყოებით პირდაპირ გაზომილი სხვა ფიზიკური სიდიდეებისა და ცნობილი თანაფარდობის მეშვეობით.