1987 წელს ჟურნალ American Journal of Physics-ში დაიბეჭდა აღმოსავლეთ კაროლინის უნივერსიტეტის პროფესორის კარლ გ. ადლერის სტატია სათაურით „მამა, მასა მართლა სიჩქარეზეა დამოკიდებული?” ამ კითხვით შვილმა, სკოლის მოსწავლემ, მიმართა სტატიის ავტორს. მამის პასუხი ასეთი იყო: „სიმართლე რომ ითქვას, არა, მაგრამ მასწავლებელს არ უთხრა”. მამა წერს, რომ მეორე დღეს შვილმა უარი თქვა ფიზიკის სწავლაზე.