ტალღა არის მოძრაობის სახეობა, რომელიც ჩვეულებრივი მექანიკური მოძრაობისგან განსხვავდება. ტალღა წარმოიქმნება გარემოს შეშფოთების შედეგად და მისი არსებობისთვის საჭიროა გარემო (გარდა ელექტრომაგნიტური ტალღისა, რომელიც შეიძლება ვაკუუმშიც გავრცელდეს). თუ გარემოს შეშფოთებას პერიოდული ხასიათი აქვს (გარემოს შეშფოთებული ადგილი ასრულებს რხევით მოძრაობას), ეს შეშფოთება დრეკადობის ძალების გამო გადაეცემა გარემოს ერთი ადგილიდან მეორეს, ანუ რხევითი მოძრაობა ვრცელდება გარემოში. ასეთი სახის მოძრაობას ეწოდება ტალღა. სხვა ტიპის მექანიკური მოძრაობისგან ტალღის მნიშვნელოვანი განმასხვავებელი თავისებურება ის არის, რომ მას არ გადააქვს ნივთიერება – გადააქვს ენერგია. არსებობს ორი ტიპის ტალღა – განივი და გრძივი. განივ ტალღებში რხევა ხორციელდება ტალღის გავრცელების მართობული მიმართულებით, ხოლო გრძივში – ტალღის გავრცელების მიმართულებით. ტალღებს ახასიათებენ ტალღის სიგრძით , რომელიც წარმოადგენს ტალღის მიერ გავლილ მანძილს რხევის ერთი პერიოდის განმავლობაში. შესაბამისად განიმარტება ტალღის სიჩქარე, რომელსაც ფაზურ სიჩქარეს უწოდებენ:
ვრცლად
