მოლეკულურ-კინეტიკური თეორიის ძირითადი დებულების თანახმად, ყველა ნივთიერება შედგება მოლეკულებისგან, რომლებიც მუდმივ ქაოსურ მოძრაობაში იმყოფებიან. მოლეკულების მოძრაობის შესწავლა გვაძლევს საშუალებას, შევისწავლოთ ნივთიერების მაკროსკოპული მახასიათებლები – ისეთები, როგორიცაა წნევა, მოცულობა, ტემპერატურა. სწორედ ეს არის მოლეკულურ-კინეტიკური თეორიის ძირითადი ამოცანა.