როგორ ვუყვარვართ, როგორ გვხედავენ

კიდევ ერთხელ ვიტყვი, მთავარი სიყვარულია. სწორედ ის აგებს კარგ გაკვეთილს, გულწრფელ ურთიერთობას. მას მოაქვს სიახლე და პროგრესი, აღმოჩენებისა და გაზიარებების ბედნიერება!

მე ბედნიერი ვარ იმ სიყვარულით, რომელსაც კლასში ვიღებდი და იმედია, ყოველთვის მივიღებ. ალბათ თქვენც ასევე.

გადავწყვიტე, ბევრი არ ვილაპარაკო და უბრალოდ გაცალოთ დატკბეთ, აღფრთოვანდეთ, გაგიხარდეთ, შეგიყვარდეთ თქვენი მოსწავლეების დახატული თქვენი საკუთარი თავი!

იყოთ ბედნიერები იმით, როგორ უყვარხართ; გიხაროდეთ, რომ ყველაზე კარგად გხედავენ, ყველაზე კარგებს და ყველაზე დიდი სიყვარულით.

მაშ ასე, ნახეთ მოსწავლეების მიერ დახატული მასწავლებლები:

 


1.     

ქეთი მასწავლებელი

ქეთი სადღობელაშვილი,
მხატვარი ლალი ფეიქრიშვილი


2.     

თამთა მასწავლებელი

თამთა
დოლიძეს გაკვეთილის ბოლოს, მაგიდაზე დახვდა ეს ნახატი, შესაბამისად, ავტორი არ იცის.


3.     

ნინო მასწავლებელი

ეს ნინო წიკლაურია, თავისმა მოსწავლემ დახატა. საერთოდ, მოსწავლეებს ძალიან
მოსწონთ მისი ულამაზესი თმის ფერი.


4.     

თამუნა მასწავლებელი

 

თამუნა ლომიტაშვილს ჩოგბურთი უყვარს და სპორტის ეს სახეობა ქართული ლიტერატურის
გაკვეთილზეც ძალიან პოპულარულია, შესაბამისად, ასეთი პორტრეტით დააჯილდოვეს, ის სალომე
გაბიძაშვილმა დახატა.

 


5.     

ლელა მასწავლებელი

 

ლელა კოტორაშვილი თბილისიდან
უწერაში ჩავიდა, რომ იქაურ ბავშვებს ლიტერატურა შეაყვაროს. ჰოდა, ამ ნახატზე მათი ერთ-ერთ
გულისამაჩუყებელი დამშვიდობებაა ასახული. მეშვიდეკლასელი
თამუნა ჩიხრაძეა ნახატის ავტორი.

 ნათია მასწავლებელი

 

ნათია კაკაბაძეს ზუსტად
ასეთ წითელი ბერეტი აქვს და ამბობს, რომ ისეთი ზუსტი პორტრეტი, როგორიც თავისმა მოსწავლემ,
ლელა თათარაშვილმა დაუხატა – სხვა არც აქვს, არცერთი ფოტოაპარატით გადაღებული.

 


7.     

ნუცა ჩიკვაიძეს თავისი მოსწავლეების დახატული მთელი
სერია აქვს, ამ ნახატებში მას ყოველთვის ფერადი სამოსი აქცია და ძალიან ლამაზია.
ეს
ელენე კაპანაძის ნახატია.


8.     

თათა მასწავლებელი

ეს თათა ჭანტურიაა, ის მარიამმა დახატა, განსაკუთრებით
დაფიქრებული და ჭკვიანი სახე აქვს ნახატში, ნამდვილი მასწავლებელივით!

ნინო მასწავლებელი

ნინო გრიგალაშვილი ასე საოცრად პატარა ანასტასია ავალიშვილმა
დახატა. ნინო ამბობს, რომ ეს საუკეთესო საჩუქარია მის ცხოვრებაში.

 


10. 

ნინო მასწავლებელი


ნინო
დოფიძეც წიგნების სიყვარულს ასწავლის ბავშვებს, ამიტომაც, ყველა ნახატში ცოტათი ლიტერატურულ
პერსონაჟს ჰგავს.


11. 

ნინო (ტასო) მოდებაძე მასწავლებელი

ნახატის ავტორი თეთრიწყაროელი სევინჯ ისმაილოვია, ნინო მას სახელწიფო ენის
უკეთ დაუფლებაში ეხმარება.


12. 

დიანა მასწავლებელი

 

 

ეს კი მე ვარ.

 

კომენტარები

comments