ხუთშაბათი, ივნისი 30, 2022
30 ივნისი, ხუთშაბათი, 2022

STEMერი – ბიზნესის უნარ-ჩვევების პროგრამის თამაში

თამაში STEMერი ამერიკის შეერთებული შტატების საერთაშორისო განვითარების სააგენტოს (USAID) საქართველოს დაწყებითი განათლების პროექტის (G-PriEd) მიერ შექმნილი საგანმანათლებლო კომპიუტერული პროექტია, სახელწოდებით STEMერი, რომელიც ორიენტირებულია ეგრეთ წოდებული STEM (მეცნიერების-S, ტექნოლოგიის-T, ინჟინერიის-E და მათემატიკის-M) უნარების განვითარებაზე.

STEMერი VI კლასის პროგრამის, „ჩვენი ქვეყნის“ ნაწილია, რომელიც პირველი ქართული 3D ფორმატის საგანმანათლებლო თამაშია და ხელს უწყობს მოსწავლეებში კონკრეტულად STEM უნარების გამომუშავებასა და განვითარებას, როგორიცაა:

  • თამაშში მოყვანილი პროფესიების შესახებ წარმოდგენის შექმნა და პროფორიენტაცია
  • ლოგიკური აზროვნებისა და პრობლემის გადაჭრის გზების მოძიება
  • მრავალკომპონენტიანი დავალებისთვის თავის გართმევა
  • გარემოზე მორგება და მასთან შეგუება
  • იმედგაცრუებასთან და ცვლილებებთან შეგუება
  • რისკების განსაზღვრა
  • კონცენტრაცია და ნებისყოფა
  • მიზანდასახულობა და ნავიგაცია
  • ინსტრუქციის გაანალიზება და მისი თანმიმდევრობით შესრულება
  • ტექნოლოგიებთან დამეგობრება
  • დამოუკიდებლად გადაწყვეტილების მიღება

თამაშის მთავარ გვერდზე განთავსებულია ზოგადი ინსტრუქცია და ყველა მიმართულება.

 

სასურველ ღილაკზე დაწკაპებით იხსნება ინსტრუქციის ფანჯარა, რომლის გაცნობის შემდეგ შესაძლებელია თამაშის დაწყება.

 

S – მეცნიერება

ჭრელი პეპელა სჭირდება შენს ქალაქს, რადგან მისი ჭუპრები მოსავლის დამაზიანებელ პარაზიტებს ჭამენ. იმისათვის, რომ ჭრელი პეპელა არ გაგვიფრინდეს, მისთვის მოსაწონი ყვავილები უნდა გავზარდოთ. პეპელას იზიდავს მხოლოდ რომელიღაც გარკვეული  ყვავილი, მაგრამ არავინ იცის, როგორი.

აქ მოცემულია 20 მახასიათებელი ხუთ სხვადასხვა კატეგორიაში: ყვავილის ფურცლის ფერი, ფურცლის ფორმა, ფურცლების რაოდენობა, ყვავილის გულის ფორმა და გულის ფერი.

შენ როგორც მეცნიერს გევალება, სამეცნიერო მეთოდით და გამორიცხვის ხერხით დაადგინო, ყვავილის რომელი მახასიათებლები იზიდავს ჩვენს პეპელას.  აბა, ავაყვავოთ!

ინსტრუქცია

  1. ჩამოსაშლელი მენიუდან აირჩიე 5 მახასიათებელი და შექმენი შენი ყვავილი.
  2. შეამოწმე, შენი ყვავილი მოსწონს თუ არა პეპელას. შედეგები შენს დაფაზე გამოჩნდება, თითო შემოწმება = 1 სვლას.
  3. შეადგინე იმდენი ყვავილი, რამდენიც დაგჭირდება იმის გასარკვევად, თუ რომელი კანონზომიერებით აწყობილი მახასიათებლები იზიდავს პეპელას.
  4. როდესაც მოგინდება, რომ გამოიცნო, დააწკაპუნე ღილაკს „გამოცნობა“ და აირჩიე მახასიათებელი. თითო გამოცნობა = 5 სვლას.

შეგიძლია გამოარკვიო, ყვავილის რომელი მახასიათებლები იზიდავს პეპელას?

 

T – ტექნოლოგია

ბევრი პროგრამისტის მსგავსად, უნდა შექმნა კოდი, რომელიც მართავს თამაშის მოქმედებებს „თუ … მაშინ…“ წინადადებების გამოყენებით. მაგალითად: თუ მოთამაშე დააჭერს X ღილაკს… მაშინ თამაშის გმირი ახტება ჰაერში“. შენი ამოცანაა, დააპროგრამო სამკუთხედები ისეთი „თუ … მაშინ …“ კომბინაციების შერჩევით, რომელიც სხვადასხვა ფერის ბურთებს შესაბამისი ფერის სადგომში შეიყვანს.

ინსტრუქცია

დააპროგრამე ფერადი სამკუთხედები ისე, რომ ლურჯი, ყვითელი და წითელი მათი შესაბამისი ფერის სადგომებისკენ მიმართოს.

  1. დააწკაპუნე სამკუთხედზე, რათა შეგეძლოს მისი კოდის დაპროგრამება მიმართულების „თუ… მაშინ…“ უჯრაში, რომელშიც ფერადად მოცემული მიმართულებები მათზე დაწკაპუნებით იცვლება.
  • პირველ რიგში, აირჩიე მიმართულება, საითაც გინდა, რომ სამკუთხედმა გადააადგილოს ერთ-ერთი ფერადი ბურთი.
  • შემდეგ აირჩიე მიმართულება, საიტაც გინდა, რომ სამკუთხედმა დანარჩენი ორო ბურთი გადააადგილოს.
  • როდესაც მორჩები ამ სამკუთხედის დაპროგრამებას, დააწკაპუნე „OK“ .
  1. დააპროგრამე ყველა სამკუთხედი, რომელიც, შენი აზრით გჭირდება ბურთების სწორ სადგომებში შესაყვანად. დაფიქრდი, რა მოუვა თითოეულ ბურთს, როდესაც ის შენი არჩევანის შესაბამისად ჩამოვარდება.
  2. დააჭირე „ბურთების ჩამოყრას“, რათა ბურთები სამკუთხედებში შეუშვა და ნახო, სწორად დაუპროგრამე თუ არა გზა თითოეულ ბურთს.
  3. შეგიძლია, გადატვირთვით ბურთები ისევ დასაწყისში დააყენო იმავე თავსატეხით ხელახლა დასაპროგრამებლად ან სცადო თავსატეხის ახალი ვარიანტი.

E – ინჟინერია

ნახე, თუ შეძლებ ფილების ისე განლაგებას, რომ ააგო შემოსავლელი გზა ამ საინჟინრო თავსატეხში.

ინსტრუქცია

ინჟინრები ქმნიან რთულ სისტემებს მრავალი საბაზისო სამშენებლო ბლოკისგან. ისინი გეგმავენ, ცდიან და ხვეწენ, ისევ და ისევ, სანამ საუკეთესო შედეგს არ მიიღებენ.

ამ საინჟინრო თავსატეხის საშუალებით შეიძლება იმის ჩვენება, თუ როგორ მუშაობენ ინჟინრები. შენი დავალებაა, ისე შეცვალო საბაზისო ბლოკები ამ რთულ სისტემაში, რომ მოძრავ ობიექტს სწორი გზა შეუქმნა.

  • გადააგეგმარე წრიული ლაბირინთი ისე, რომ ბურთმა წერტილებიან ხაზებზე გაიაროს.
  • დააწკაპუნე ოთკუთხედ ფილებზე მათი ფორმის შესაცვლელად. ბურთმა აუცილელად წეტილებიან სამიზნე გზაზე უნდა გაიაროს.

წარმატებული გადაგეგმარების შედეგად ჯილდოდ მიიღებ ღიმილაკს  და ახალ წყვეტილ ბილიკს ამოსახსნელად.

თავსატეხის დასასრულებლად მოიპოვე 5 ღიმილი.

 

M – მათემატიკური კვადრატი

როდისმე გსმენია გასართობ მათემატიკაზე? ასეთი მათემატიკა მხოლოდ სახალისოდ არსებობს. ბევრი თავსატეხი თუ სხვა გონების სავარჯიშო ეყრდნობა მათემატიკურ პრინციპებს. მაგალითად, ერთი ასეთი გასართობია სუდოკუ. შენ გევალება, ეს მათემატიკური თავსატეხი რაც შეიძლება ნაკლებ სვლაში ამოხსნა.

ინსტრუქცია

  • გადააადგილე იასამნისფერი ბურთულები ისე, რომ რიგებშიც და სვეტებშიც სწორი ტოლობები მიიღო.
  • დააწკაპუნე ორ იასამნისფერ ბურთულაზე და ისინი ადგილებს გაცვლიან.

ნაცრისფერ

  • ბურთულებს ადგილი არ ეცვლება.
  • როდესაც ბურთულების ერთ წყობას ამოხსნი, ახალი, უფრო რთული წყობა მოგეცემა.

ამოხსენი ბურთულების 3 წყობა და თავსატეხი ამოხსნილი იქნება.

 

 

იქიდან გამომდინარე, რომ ბიზნესის უნარ-ჩვევების პროგრამის ერთ-ერთი მიმართულება სწორედ დასაქმებისთვის მზაობაა, თამაშში მოსწავლეები მოიძიებენ ინფორმაციას 51 პროფესიის შესახებ, რომელიც მათ ნათელ წარმოდგენას შეუქმნის თითოეული პროფესიის შესახებ და დაეხმარება პროფესიული მიმართულების არჩევანში.

თამაშის გადმოწერა შესაძლებელია ვებგვერდიდან:

http://www.jag.ge/index.php?page=game

 

გამოყენებული რესურსი:

ვებგვერდი – ჯუნიორ ეჩივმენტ საქართველო

http://www.jag.ge/index.php?page=game

 

კომენტარები

მსგავსი სიახლეები

ბოლო სიახლეები

ვიდეობლოგი

ბიბლიოთეკა

ჟურნალი „მასწავლებელი“

შრიფტის ზომა
კონტრასტი