შაბათი, თებერვალი 4, 2023
4 თებერვალი, შაბათი, 2023

ჟურნალ “მასწავლებლის” 2022 წლის მეორე ნომერი გამოიცა!

შეიძლებოდა, ეს წერილი განათლების რომელიმე მნიშვნელოვან საკითხზე დაწერილიყო, ან უბრალოდ ადამიანურ ღირებულებებზე – მშვიდობაზე, თავისუფლებაზე… ვერ შევძელი. როცა ომია და ბავშვები იხოცებიან, რასაც არ უნდა ვაკეთებდე, ფიქრი იქით გამირბის, სადაც ეს შემზარავი ამბავი ხდება.

შეიძლებოდა, იმაზეც დამეწერა, როგორ უნდა მოვიქცეთ ომის დროს, როგორ დავეხმაროთ ომში მყოფ მასწავლებლებს თუ მოსწავლეებს, როგორ ვესაუბროთ ბავშვებს ომზე. ვერ შევძელი.

ყურებში გამუდმებით ჩამესმის მოხალისე გოგონას შეკითხვა და უკრაინელი ბავშვის პასუხი:

„- სად არიან შენი მშობლები? – დახოცეს“.

თვალწინ მიდგას:

13 წლის წლის ელისეს დაცხრილული წითელი ქუდი,

4 წლის საშა, რომელიც დედამ გარდაცვლილი იპოვა,

14 წლის გაუპატიურებული და  ორსული გოგო

და კიდევ რამდენი ასეთი დაუჯერებელი სისასტიკის ამსახველი  სურათი.

უკრაინელ ბავშვებს სკოლის ზარის ნაცვლად საჰაერო თავდასხმის მაუწყებელი სირენების ხმა ესმით. მიმოფანტული თანაკლასელები, დახვრეტილი მასწავლებლები, დანგრეული სკოლები… რაზე ვწერო, აღარ ვიცი, ამიტომ უკრაინელი ბავშვების წერილებს გადმოვწერ.

„- დედა, არესტოვიჩს უსმენ ხოლმე?

– ხანდახან.

– ყოველთვის უსმინე, შეიძლება თქვას, დაბრუნება შეიძლებაო და გამოგვრჩეს“.

„დედა, სადაა ის ბიჭი, საზღვარი მარტომ რომ გადაკვეთა? მოდი, ჩვენთან წამოვიყვანოთ, მარტოს შეეშინდება“.

„დედა, კიდევ რამდენი ბომბი აქვს იმას?“

„დედა, ჩვენი სახლი თუ დაიბომბა, შეიძლება, იქიდან ჩემი ლეგო გამოვიტანო?“

„დედა, თუ ღმერთი არ კლავს პუტინს, გამოდის, რომ ღმერთი უკრაინელებს გაუბრაზდა?“

„დედა, კიდევ კარგი, ომი დილაადრიან დაიწყო, თორემ მერე ბავშვებს სკოლაში წასვლის დროს მოუსწრებდა“.

„დედა, უკვე აღარ მედარდება ეს ბომბები, მოდი, კიევში დავბრუნდეთ“.

„დედა, რუსი ბავშვები უყურებენ ომს? არ ვეცოდებით?“

„დედა, შენ ამბობდი, რომ ბავშვობის ოცნებები უნდა ასრულდეს. ჩემი აღარ სრულდება და უკვე დიდი ვარ?“

„თუ ომი დიდხანს გაგრძელდა, მამას ხომ არ დავავიწყდებით?“

ომი უნდა დამთავრდეს. სხვა ვერაფერზე ვფიქრობ.

მთავარი რედაქტორი – ნატო ინგოროყვა

რედაქტორები: მანანა ბოჭორიშვილი, ნანა მაჭავარიანი, ირმა ტაველიძე, ქეთევან  ნიკოლეშვილი

დიზაინერი– ბესიკ დანელია

მხატვარ-ილუსტრატორი – მამუკა ტყეშელაშვილი

ნომრის ავტორები:  მანანა ბოჭორიშვილი, მაია ფირჩხაძე, მაია ჯალიაშვილი, თეონა ბექიშვილი, თამარ მურუსიძე, მანანა სეხნიაშვილი, ოთარ ჯირკვალიშვილი, ცირა ბარბაქაძე, თემურ სუყაშვილი, მეგი კავთუაშვილი, ქეთევან ოსიაშვილი, მაია მენაბდე, ნინო ლომიძე,  თამთა კობახიძე, ქეთევან კობალაძე, ლელა კოტორაშვილი, დიანა ანფიმიადი, ელიზბარ ელიზბარაშვილი, გიორგი ჭანტურია, ირმა ტაველიძე.

ნომრის წაკითხვა და ჩამოწერა, შესაძლებელია ბმულიდან :

ჟურნალი “მასწავლებელი” #2

კომენტარები

მსგავსი სიახლეები

ბოლო სიახლეები

ვიდეობლოგი

ბიბლიოთეკა

ჟურნალი „მასწავლებელი“

შრიფტის ზომა
კონტრასტი