როგორ დავწეროთ შინაარსი მარტივად

( მცირე პრაქტიკული სავარჯიშო მათთვის, ვისაც სხვა გზა არ აქვს)

დაწერეთ ლექსის შინაარსი, დაწერეთ ნაწარმოების მოკლე შინაარსი – ასეთ წერით დავალებას ხშირად ავალებენ მოსწავლეებს სკოლაში. ამ სტატიაში არ ვაპირებ საუბარს ამ დავალების მიზანსა და სარგებელზე. ნამდვილად შეიძლება უფრო საინტერესო დავალებების მოფიქრება, მაგრამ თუ შინაარსის დაწერას ნაწარმოებში მთავარი იდეის, ერთგვარი კონცეპტუალური ცენტრის, სტრუქტურული ბირთვის პოვნის ფუნქციას მივანიჭებთ და თანაც ტექსტის აგების სავარჯიშოსაც მივამატებთ, მშვენიერი სამუშაო გამოვა.

 ყველა მოსწავლე ერთნაირად ვერ ახერხებს ტექსტის მთავარი ნაწილის გამოყოფას, ვერ აგნებს იმას, რაც ამ ტექსტის აზრობრივ ცენტრს ქმნის, ამიტომ, შესაძლოა, შინაარსის დაწერა გაუჭირდეს. სწორედ ასეთ შემთხვევაში გამოგადგებათ მეთოდი, რომელსაც მე ვიყენებ. ( მით უფრო სასარგებლოა დამატებითი საგანმანათლებლო საჭიროების მქონე მოსწავლესთან სამუშაოდ, შეგიძლიათ, ინდივიდუალურ სასწავლო გეგმაშიც გამოიყენოთ.)

მოკლედ, წამომყევით J

ნაბიჯი 1

შევარჩიოთ ტექსტი

დასაწყისისთვის, კარგი იქნება თუ ერთგვერდიან ტექსტს შევარჩევთ, მოთხრობას, იგავ-არაკს, ზღაპარს – კარგად გამოკვეთილი სიუჟეტური ხაზით, დასასრულით, განვითარებით, კვანძის გახსნითა და დასასრულით. გამოყავით აბზაცები.

ნაბიჯი 2

ამოვბეჭდოთ ტექსტი

ტექსტი, რომელიც ერთ თაბახის ფურცელს მოიცავს, უნდა ამოვბეჭდოთ, გაითვალისწინეთ შრიფტი, ისეთი უნდა იყოს, რომ მოსწავლემ კარგად მოახერხოს გარჩევა. 

ნაბიჯი 3

დაგვჭირდება  რამდენიმე მარკერი

ნაბიჯი 4

ხმამაღლა წავიკითხოთ ტექსტი

ნაბიჯი 5

კიდევ ერთხელ, ჩაღრმავებული მეთოდით წავიკითხოთ ტექსტი

ნაბიჯი 6

განვიხილოთ ტექსტი, სიუჟეტი, ამბავი, შინაარსი, მოქმედი გმირები

ნაბიჯი 7

 დაურიგეთ მოსწავლეებს ამობეჭდილი ტექსტი, თქვენც მასთან ერთად გქონდეთ ტექსტის თქვენი ეგზემპლარი

ნაბიჯი 8

სთხოვეთ მოსწავლეებს, იპოვონ ტექსტში ისეთი სიტყვები და წინადადებები, რომელთა წაშლითაც ტექსტის შინაარსი არ იცვლება

ნაბიჯი 9

ხმამაღლა წაიკითხეთ და განიხილეთ მოსწავლეთა არჩევანი

ნაბიჯი 10

სწორად აირჩიეს მოსწავლეებმა ტექსტის ეპიზოდები? თუ მათი არჩევანი სწორია, სთხოვეთ, გადაშალონ ტექსტის ეს ნაწილი ფერადი მარკერით.

ნაბიჯი 11

ახლა სთხოვეთ მოსწავლეებს, წაიკითხონ დარჩენილი ნაწილი

ნაბიჯი 12

ჰკითხეთ მოსწავლეებს, ხომ არ შეიძლება კიდევ გადაშალოთ სიტყვები ან წინადადებები?

ნაბიჯი 13

თუ არის ასეთი სიტყვები, კიდევ გადაშალეთ

ნაბიჯი 14

წაიკითხეთ ტექსტის დარჩენილი ნაწილი

ნაბიჯი 15

ჰკითხეთ მოსწავლეებს, რაიმე მნიშვნელოვანი ხომ არ დააკლდა ტექსტს?

ნაბიჯი 16

სთხოვეთ მოსწავლეებს, თავიანთი სიტყვებით გადმოსცენ ტექსტის ის ნაწილი, რომელიც დარჩა.

ნაბიჯი 17

სთხოვეთ მოსწავლეებს ერთმანეთს შეადარონ ტექსტის პირველი და შემოკლებული ნაწილი

ნაბიჯი 18

მოსწავლეებთან ერთად თქვენი სიტყვებით გადმოეცით მოკლე ვერსია

ნაბიჯი 19

სთხოვეთ მოსწავლეებს, დაწერონ მოკლე ვერსიის წერილობითი ვარიანტი თავიანთი სიტყვებით

ნაბიჯი 20

სთხოვეთ მოსწავლეებს, წაიკითხონ თავიანთი ნაწერი და თუ თვლიან, რომ რაიმე მნიშვნელოვანი გამოტოვეს, შე

ავსონ ტექსტის პირვანდელი ნაწილიდან.

შემდეგ ჯერზე შეგიძლიათ გაზარდოთ ტექსტი.