გამოვიდა ჟურნალ “მასწავლებლის” 2020 წლის მესამე ნომერი

რედაქტორის წერილი

საინტერესო გამოცდილების  თუ გამოწვევის ერთი სასწავლო სემესტრი ახლა უკანაა. იმედია, ახალ სასწავლო წელს საკლასო ოთახებში დავუბრუნდებით. ჩვენ ვნახეთ, თუ როგორ შეცვალა  თანამედროვე სამყაროში ტექნოლოგიების განვითარებამ ის წესები და წესრიგი,  რომლებსაც ადამიანები მიმართავდნენ ურთიერთობების, თანამშრომლობის, პრობლემების გადაჭრის, პროექტების შექმნის,  ინფორმაციის გაცვლის, ცოდნის გადაცემის დროს.   პირისპირ სწავლებისა და თანამშრომლობის მდგომარება, საჭიროების შემთხვევაში და ყოველდღიურობაშიც, შესაძლებელი გახდა ჩანაცვლებულიყო დისტანციური ყოფით და ურთიერთთანამშრომლობით.

ცვლილებებმა, ცხადია, დააფიქრა ის ადმიანები,  ვინც განათლების სფეროში მუშაობენ. საფიქრალი გახდა,  თუ რამდენად შეესაბამება თანამედროვე მოთხოვნებს და რამდენად ეფექტურია ის მეთოდები და საშუალებები, რომლებსაც ისინი სწავლების, სწავლისა და მართვისთვის იყენებენ. რამდენად შეიძლება მიაღწიონ სწავლების მთავარ მიზანს, რომელიც მოსწავლის დღევანდელ და სამომავლო საქმიანობასა და კეთილდღეობაში  უნდა აისახოს?

ჩვენც ბევრს ვფიქრობთ, როგორ დაგეხმაროთ ისეთი  სასწავლო რესურსებით, რომლებსაც, საკლასო ოთახებში დაბრუნებულები, სასწავლო პროცესში გამოიყენებთ.

„არავის აქვს იმის ფუფუნება, რომ „მოახტეს“ ციფრულ ტალღას და თანაბრად „გადაანაწილოს“ ის ხელმძღვანელობის ყველა ასპექტზე. ლიდერი უნდა გახდეს იმ ცვლილების ინიციატორი, რომელიც თქვენ გსურთ განხორციელდეს განათლებაში, თუმცა, ალბათ, უფრო მნიშვნელოვანია, ეს ის ცვლილებები იყოს, რომელთაც მოსწავლეები ელიან.“− ამბობს ერიკ შენინგერი წიგნში  „ციფრული მართვა“.

ბევრი რამ არის დამოკიდებული განათლებისა და  სკოლების ლიდერებზე. მათ  უნდა დაიწყონ სამომავლო ხედვისა და სტრატეგიული გეგმის შემუშავების პროცესი ისეთი საკლასო ოთახებისა და შენობების შესაქმნელად, რომლებიც უკეთ ასახავენ ჩვენს გარშემო არსებულ სამყაროს და პარალელურად, ხელს უწყობენ მოსწავლეების მიერ ახალი, მძლავრი ტექნოლოგიების გამოყენებას.

დიდ მენეჯერებს ოთხი გასაღები აქვთ: თანამშრომლის შერჩევისას ითვალისწინებენ ნიჭს და არა უბრალოდ გამოცდილებას, ინტელექტს ან გამბედაობას; მოლოდინების განსაზღვრისას ითვალისწინებენ  შესაბამის შედეგებს და არა შესაბამის ნაბიჯებს; მოტივირებისას ყურადღებას აქცევენ ღირსებებს და არა ნაკლოვანებებს და თანამშრომლის განვითარებაზე ზრუნვისას ეხმარებიან მას სწორი  გზის პოვნაში და არა უბრალოდ კიბის მომდევნო საფეხურზე ასვლაში,− ამბობს მარკუს ბუკინგემი, რომელსაც დიდი გამოცდილება აქვს თანამშრომლების პროდუქტიულობის,   ხელმძღვანელობისა და მართვის პრაქტიკის შესახებ.

ჩვენ ვეცდებით,  სწორი გზის პოვნაში თქვენთან ერთად ვიყოთ და საჭირო და სასარგებლო რესურსები შემოგაშველოთ.

ჟურნალი მასწავლებელი #4

 ჟუნალის წაკითხვა და ჩამოწერა შესაძლებელი ბმულიდან:

კომენტარები

comments