სააღდგომო საშინაო აქტივობა

კ ვ ე რ ც ხ ი  მარადიული სიცოცხლის სიმბოლოა. აღდგომაზე ოჯახის წევრები წითლად შეღებილ კვერცხებს ერთმანეთს უცვლიან და დღესასწაულს ულოცავენ. ზოგს ძალიან უყვარს აღდგომის კვერცხი, თუმცა ზოგიერთს საერთოდ არ გაუსინჯავს მოხარშული კვერცხის გემო.

რატომ უნდა მიირთვა კვერცხი?

კვერცხს ადამიანები ძველთაგანვე იყენებდნენ არა მარტო საკვებად, არამედ სამკურნალოდაც. ქათმის კვერცხი მდიდარია ცილებით, რომელიც აუცილებელია ორგანიზმის განვითარებისთვის და სწორი ფუნქციონირებისთვის. ის სასარგებლო საკვებია კუნთის მასის ზრდისთვის. გარდა ცილებისა, კვერცხი შეიცავს ადამიანის ორგანიზმისთვის აუცილებელ  ვიტამინებსა და მინერალებს.

კვერცხის გული D ვიტამინის წყაროა. ეს ვიტამინი განსაკუთრებით აუცილებელია მათთვის, ვინც ნაკლებად იღებს მზის აბაზანებს. არანაკლებ სასარგებლოა კვერცხის ცილა, რომელიც შეიცავს B ჯგუფის ვიტამინებს.

კვერცხი ჯანსაღი, ლამაზი თმისა და ფრჩხილების საწინდარია. ის ძალიან სასარგებლოა იმუნური სისტემისთვის. კვერცხი  განსაკუთრებით მნიშვნელოვანია თვალებისთვის, რადგან მნიშვნელოვნად ამცირებს კატარაქტის რისკს.

გარდა ცილისა და გულის ნაწილისა კვერცხის ნაჭუჭიც სასარგებლოა და ის დიდი რაოდენობით  სხვადასხვა მიკროელემენტს შეიცავს. მათ შორის კალციუმს (Ca).  დადგენილია, რომ საშუალოდ ერთი კვერცხის ნაჭუჭი შეიცავს 2 გ კალციუმს.

ორგანიზმში კალციუმის რაოდენობის მისაღებად კვერცხის ნაჭუჭს ასუფთავებენ თბილი წყლით, აშრობენ და გამომშრალს ფქვავენ. მოზარდებისთვის კარგია დღეში 2 გ-მდე დაფქული ნაჭუჭის მიღება. კვერცხის ნაჭუჭის კურსის ჩატარება შეიძლება წელიწადში ორჯერ, 14 დღიანი ხანგრძლივობით.

გ ა ი თ ვ ა ლ ი ს წ ი ნ ე

მოხარშული კვერცხი ძალიან სასარგებლოა, თუმცა მისი დიდი რაოდენობით მიღება საზიანოა ჯანმრთელობისთვის. დადგენილია, რომ კვირის განმავლობაში 6-7 კვერცხის მიღება არ ავნებს ჯანმრთელობას.

დ ა ი მ ა ხ ს ო ვ რ ე

მაცივრიდან გამოღებული კვერცხი ცოტა ხნით დააყოვნე და შემდეგ ჩადე მომცრო ქვაბში მოსახარშად, რადგან ცივი კვერცხი წყალში ჩადებისას შეიძლება ადვილად გასკდეს. გამოიყენე „ტაიმერი“ და ხარშე 5-6 წთ, თორემ შემდეგ კვერცხის გული გაშავდება.

 

გააკეთე შენი ხელით – (ბავშვებისთვის)

აქტივობა 1

აიღე უმი კვერცხი და ფრთხილად გახვრიტე. გადმოიტანე წინასწარ მომზადებულ ჭურჭელში უმი კვერცხის შიგთავსი. ცარიელი ნაჭუჭი კი აკვარელით ან მარკერებით შეგიძლია მოხატო და გააფერადო.

 

აქტივობა 2

გასაფერადებელი კვერცხები

https://drive.google.com/drive/u/3/folders/1qW6fSVbxM40d1mKLnPOoyRGyg7XK1g7c

გახსენი ბმული, ჩამოტვირთე კვერცხის ფოტოები, ამობეჭდე და გააფერადე.

შეგიძლია მსგავსი კვერცხი შენც დახატო ფურცელზე. გამოჭერი კვერცხი, დაამაგრე წებოვანი ლენტით ხის ჩხირზე და შენი ნამუშევარი ჩაამაგრე სააღდგომო ჯეჯილში.

 წინასწარ შეგიძლია ხორბალი დათესო პატარა, ერთჯერად პლასტმასის ჭიქაში. აიღე ბამბის დისკი, დაასველე წყლით და დააყარე ხორბალი, როგორც სურათზეა. როცა გაიზრდება, შეგიძლია გადაიტანო კვერცხში. კვერცხი  წინასწარ ფრთხილად გახვრიტე, შიგთავსი გადაიტანე ჭურჭელში, ნაჭუჭი გარეცხე თბილი წყლით, შემდეგ გააშრე. ნაჭუჭს ზედა მხარეს მოაცალე  პატარა ნაწილი და მოხატე, როგორც  სურათზეა. ერთჯერად ჭიქაში გაზრდილი ჯეჯილი კი გადაიტანე კვერცხის ნაჭუჭში და გააფორმე შენი სააღდგომო მაგიდა.

 

აქტივობა 3

 

 

 

 

 

 

 

 

 

 

 

 

 

 

აქტივობა 4

„მხიარული კურდღელი“

უყურე ვიდეოს და გააკეთე შენი ხელით მხიარული კურდღელი. შენი ნამუშევრით შეგიძლია გაალამაზო სააღდგომო მაგიდა. საჭირო მასალა: ერთჯერადი პლასტმასის კოვზი, სამი ბამბის დისკი, წებოვანი ლენტი, ფანქარი, მარკერი, მაკრატელი, ფერადი ლენტი.

კომენტარები

comments