ადამიანთა უმრავლესობა მიიჩნევს, რომ ცხოვრებაში ერთ-ერთი მთავარი სირთულე შეცდომის დაშვება და შემდეგ მისი გამოსწორებაა. საზოგადოდ, გვძულს შეცდომა, დასჯა ან დაბალი შეფასება, ამიტომ ყველანაირად ვცდილობთ, თავი ავარიდოთ. უკეთეს შემთხვევაში ვმალავთ მას, ხოლო უარესში – სხვას ვაბრალებთ. მიუხედავად ამისა, მნიშვნელოვანია შევძლოთ შეცდომებზე სწავლა და ისეთი გამოცდილების შეძენა, რომელიც არ დაგვავიწყდება.
მაიკლ პიარნი (Michael Pearn) გვთავაზობს საკუთარ შეცდომებზე სწავლის 10-საფეხურიან სისტემას. პირველი სამი საფეხური მოტივაციის გაზრდას ემსახურება, ხოლო დანარჩენი შვიდი – წარმატების ხელშეწყობას.
